كرونيك بعنوان : [#احببت_حلوفا_لا_يبالي

11

حلقة11#
راحت رقدت هي
قعد هو يفكر في هدرت خاله
فتح تليفونو
شاف صور مرام وصوره معاها ومحادثاتها
بدا يحذف فيهم قاع
اياد: لازم نتاخذ هذا القرار والا رح نبقى نستنى فيك طول حياتي يا مرام(خليتي في قلبي جرح ...خليتي فيا كية ماتبراش)
ناض صباح
راح لامه
اياد: يما نحتاجك في موضوع
يماه: واه بني غير خير
اياد: صراحة مش عارف كيفاه نبدا
يماه: تحتاج دراهم شيء هك قلي بني ماتحشمش
اياد: موحال نديلك دراهم يما جيت على جال شيء اخر
يماه: اهدر وترتني
اياد: صراحة انا لقيت خدمة وحنبدا نخدم هادو الايام ان شاء الله وبغييت..
يماه: هيه
اياد: عجبتني بنت هك حسيتها مناسبة ليا طبعا بعد ماتوافقي نتي
يماه: شكونها هدي البنت ولدي
اياد: تعرفيها مليح
يماه: شكون هديك لي كنت تهدر معاها تقلي قريبا رح نعرفك عليها
اياد: لا ليان باغي نخطبها
يماه فرحت لانه غير ليان ناضت تزغرتله
اياد: اوووشت لازم في لول تسوليها على رايها انا مش باغي نجبرها على شي زيد داكوغ
يماه: دروك نسولها بصح علاه ماقتليش بلي راك تبغيها
اياد: انا منبغيهاش برك عجبتني منلقاش احسن منها ليك فهمتني
يماه: متفكرش فيا بني نتا اختار لي تبغيها ومتخافش انا نديرها كي بنتي
اياد قال في قلبه لي بغيتها تركتني يما: اخطبيلي ليان
يماه: يوم نسولها اذا كانت قابلة نهدر مع خالك
تحضن يماه وقالها مغسي
وخرج
ليان راحت تشوف باباها كي ناضت
ليان: صباح نور بابا كيراك يوم باين لباس وجهك منور
باباها: بنتي زينة لي يشوفك كيفاه ماينورش وجهو
ليان: ههههه معادش تخوفنا عليك هك ديجا شكون يتغزل فيا اذا نتا مرضت شكون يقلي زينة شكون يقلي فحلة
باباها: كي تتزوجي تلقاي لي يقلك هكا بنتي
ليان: حنقعد بايرة قاعدتلك لهن سمعت بابا حاب تتهنى مني موحال نلصقلك في دار ولعريس لي يجي نرفضو
باباها: عدتي هك شيطانة مش فحلة
ليان: معليش نكون شيطانة مهم ابقى معايا ومتخلنيش
باباها: شيطانة بوجه ملاك
تحضنها قالها درك بنتي شيطانة تطيبلي غداء شباب
ليان: ههههه واه مولا الكرش
باباها: هههه يلا يلي رباتلي الكرش
راحت تجري للكوزينة
قعدت تطيبلو وجدتلو لغداء وداتهولو يماها
ليان: عمتي تحطلك تتغداي درك ولا حتى باعد كي يجي اياد
عمتها: ليان انا ماجيتش لهن على جال لغداء
بغيت نهدر في موضوع سيريو هكا
ليان نحت طابليا ديال طياب ومسحت يديها
ليان: غير خير عمتي تحتاجي حاجة
عمتها: اقعدي موضوع هذا لازمو قعدة
قعدت ليان كانت على اعصابها
عمتها: علبالك بلي اياد جامي هدرلي على زواج
ليان وجها صفار
يوم بغى يكمل نصف دينو واخيرا
بدا قلب ليان يخبط
ليان: عمتي نجيبلك ماء تشربي
عمتها: لا بنتي
ليان: عمتي نجيبلك ماء تشربي
عمتها: لا بنتي
ليان: لا نجيبلك
راحت جابتلها وشربت هي وبدات ترجف
عمتها: ليان مالك بنتي صفرتي هك
ليان: لا والو
عمتها: مهم اياد راه حاب يخطب وملقاش
بدات تسعل ليان
ليان: مزال صغير علاه يستعجل والله
عمتها: نفهم من كلامك انه نتي مزلتي صغيرة على زواج
ليان: كيفاه شاقصدك
عمتها: باغي يخطبك
ليان بدات تتنفس بصعوبة
وقالي ملقاش احسن منك ليه اذا قابلة قليلي باش نهدر مع باباك
ليان: يعني حنتزوجو
عمتها: واه
ليان تحضنت عمتها وباستها
ليان: عمتي نمووووت عليك ونموت في بنك
عمتها ضحكت: نفهم هك بلي راكي موافقة
ليان: كون جات عليا عرس غدوة هههه موافقة اكيد
عمتها: انا نروح نهدر مع باباك ويماك
ليان: ويكت عرس
عمتها: اول مرة نشوف عروس مش حشمانة هههه نضربك نهدر مع يماك باباك في لول
ليان: يلا عمتي اهدري معاهم
راحت ليهم
وليان رح تموت بالفرحة
يتبع