كرونيك بعنوان : [#احببت_حلوفا_لا_يبالي

04

حلقة4
دخلت امها لشمبرتها
امها:ليان علاه مجيتيش تاكلي ياعمري
ليان بصوت بكاء: ماما ربي يعيشك خليني وحدي
امها: ليان! مالكي بنتي
ليان: ماما ربي يعيشك خليني وحدي راني تعبانة تعبانة
حابة نبقى وحدي stp ماما خليني
امها خزرت فيها خلاتها على راحتها وخرجت --
ام اياد: وش وينها ليان مش جاية تاكل
ام ليان: تعبانة قالت معدتها توجع فيها
اياد: اي قبيل منعرف مالها وجها تبدل لونه ربما كلات حاجة مش مليحة
ام ليان: واه هي تاكل اي حاجة من برا مع اني موصيتها ماتكلش ودير غير رايها تفضلو نتوما كولو ام اياد: يزيد فضلك
-- ليان بقات تتفكر في روحها كيفاه كانت تشارشي عليه في فيسبوك وكيفاه كانت تقول لتسنيم نجيبه عريس وغادي تشوفي وتحط يديها على عينيها وترجع تبكي كثر
ليان: ياربي صبرني على هذا لوجع
الانسان لي منقدرش نرقد بلا منتخيله عريسي يروح من يديي بزاف ياربي بزاف
زادت دموع طاحت
--
ام ليان: رح ندي شوي ماكلة لليان تكون جاعت وحشمت تجي
والله دوختني منعرف شا صرلها حوجي
اياد: اعطيني نديلها انا اذا مكانش اشكال ممكن نفهم واش صايرلها
ام ليان: واه بني هاك دير مزية --
راح ليها طبطب وفتح باب
ليان: ياماما مانيش جيعانة
اياد: بصح لازم تاكلي باش تكباري متبقايش صغيرة هك
مسحت دموعها كي عرفت صوتو
جاء قعد في كرسي لي حذا سريرها
اياد: ليليا و ليلى ولا منعرف واش اسمك
خزرتله بدموع
ليان: اسمي ليان
اياد: مالكي نتمسخر معاك اكيد نعرف اسمك واشبيه زين زعلان اا انطقي
ليان: علاه تعاملني هك كصغيرة
اياد: باسكو نحب نعاملك كاختي صغيرة لي ماعنديش
طاحو دموعها بدات تبكي بصوت
بعدلها اياد شعرها وطلعلها راسها
اياد: مالك شاصايرلك انطقي
تحضناته
حكمها هو يسكت فيها صايي اسكتي مكاين والو يبكي كل شي يصلح
كي ريحت ناض هو
اياد: ياا بردت ماكلة تحبي نسخنهالك
ليان: لا شكرا
صونا تليفونو
اياد: اسمحيلي درك تصبحي على خير
قبل مايخرج من شمبرا رفد
الو مرام ومشا
ليان ضغطت على قلبها لانه حست رح يخرج من بلاصته من بكاء
بدات تفكر فيه كيفاه يهدر معاها قعدت تبكي حتى داتها عينيها ورقدت -- غدوة صباح
تن تن صوت صونات ديال باب
فتحت ام ليان باب
ام ليان: صحيتي تسنيم جيتي كي قتلك
تسنيم: مالها ليان خوفتني عليها
ام ليان: بارح ليان ماكلاتش
تسنيم: يااااطاطا جايبتني طريق وتاني مشي على جال ليان ماكلاتش
ام ليان: يا حمارة كون جيتي تعرفي ليان مليح تفرط في كل شي عدا ماكلة
تسنيم: اي صح غريبة هادي
ام ليان: ادخلي خليها تهدر واش فيها كي تقلك ارواحي قليلي
تسنيم: حاضر طاطا دروك نجي
طبطبت تسنيم باب شمبرا
تيك توك ندخل ولا لا
طبطبت تسنيم باب شمبرا
تيك توك ندخل ولا لا
ليان: اصلا كي نقلك ماتدخليش رح تدخلي يعني
تسنيم: مليح فهمتي روحك
مالك حمرا هك اهدري علاش تبكي حنونة يلا
ليان قبل ماتنطق كلمة انفجرت بالبكاء
تسنيم: يا ليان اول مرة نشوفك تبكي هك مالك
ليان: يحب ... يحب غيري يا تسنيم انا ستة سنين نسنى فيه باش نتعذب هذا لعذا
تسنيم: كيفاش صايي تسنيم
وتحضنتها
ليان تحضنت تسنيم بقوة
وقالتلها مشكلة انه يحبها موت مش غير يلعب كنت قادرة نصبر روحي مي هو يحبها لدرجة لا توصف كي كان يحكيلي تمنيت موت علاه يا تسنيم علاه حبيتو
تسنيم : ليان حبيبتي صايي