كرونيك بعنوان : [#احببت_حلوفا_لا_يبالي

06

حلقة6#
تسنيم: سلام مرام
مرام: خوفتني تسنيم جبتيني هك
وتعيطي في تليفوني ارواحي خير خالد صراله حاجة(خالد خو تسنيم)
تسنيم: متزيديش تجيبي اسم خالد على فمك فاهمة
مرام: مالك تهدري هكا معايا
تسنيم: بلاكي تحسبي في روحك تعرفي تلعبي وكي تروحي تشوفي عباد من بعيد تمشي معاهم مانفيقوش بيك
مرام صفار وجها علبالها بلي ليان عاودتلها: تسنيم مش كيما هك راه هو هددني بتصاوري و عرفته قبل خوك ربي يعيشك متفسديهاش بينا نبوس يدك راني نحبه راني نموت بلاه
تسنيم شفقت عليها: صايي مارحش نقول لخويا مي بشرط تتركي هذا واتصلي فيه قدامي واتركيه ولا والله واكي عارفة مين جبت لخبر غير منتفاهموش
مرام: دروك؟؟
تسنيم: واه
مرام رفدت تليفونها وترجف بحث على رقمه وصوناتله
مرام: الو اياد
اياد: اهلا حبي توحشتني دقيقة نكمل حاجة ونجيك
مرام: لا رح نقلك حاجة برك وروح بغيت نقلك لي كان بينا انساه وروح عيش حياتك انا معادش نرجعلك
اياد: هههههه شحال مرة رح دريلي هذا مقلب لا مش رح نقلق
مرام بدات تبكي : اني نهدر صح صايي من يوم مغاديش نهدر معاك والله لازم ننفصلو مابينا والو
اياد: مالكي تهدري هك من نيتك
تسنيم ناضت كي شافتها تبكي باش تهدر براحتها
مرام: اياد انا نكرهك من لخر صايي متزيدش تكلمني متزيدش نكرهك
اياد قلق وحمار وجهه: شكاين برك مرام درت حاجة ضراتك
مرام: نتا رخيس وتبع فيا ومنبغيش نهدر معاك
اياد: قارعي تشو اني جاي لعندك وينك نتي وينك برك
مرام: ابقى عندك مبغياش نهدر معاك
وقفلت تليفون في وجهو
اياد فهم بلي تهدر سيريو لانه مش مالفة تهدرله هك
هو قعد يعاودلها باش يفهم
ليان جات داخلة عليه لقاتو مركز في تليفون
جات خطفتلو تليفون بلخف
حكمها قريب كسرلها يدها ودالها تليفون ودفعها
خزرت في عينيه حمر
اياد: متزيديش تمسي حاجة مش ديالك فاهمة
خافت هي
ليان: ماقصدتش اياد والله غير هكايا كنت نتمسخر مقصديش
هو قاعد يحاول يتصل بي مرام
كي ماردتش
خبط تليفون في لارض
عيطت ليان من خلعة
ليان: مالك اياد مالك
بدا يكسر في حوايج ويخبط فيهم
ليان: مالك اياد ريح
خرج هو وخلاها
قعدت تبكي على حالتو لي هكاك -- هو راح لدار مرام
قعد يتفرج فيها
جات هي عاقبة
جبدها ليه
حكمها من يدها
اياد: مرام واش هذا لي قلتيه واش اذا كان تمسخير...
مرام: نح يدك تمسخير واش نهدر سيريو
اياد: والشيء لي كان بينا تنهيه هكا اذا خايفة من داركم غدوة نجي نخطبك
مرام: لا ماعندي ماندير بيك
حكمها من خدودها وقربلها
اياد: راني نموت عليك مجنون
مرام: بعد عليا بعد عليا والله نلم عليك جيران
جبدها واحد من يدها وجابها وراه وقال لاياد
خالد: حاب تهدر اهدر معايا انا
خالد: حاب تهدر اهدر معايا انا فاهم
مرام: خالد لا خلينا نروحو مكلاه
خالد: مالك توترتي نفهمو قدرو متخافيش
اياد: شكون نتا حتى تفهمني انا قدري
خالد: خطيبها
خزر اياد في مرام بصدمة
اياد: تزعق بيا هنا
جبد مرام بقوة ليه
خالد: نتا بلاك حاب تفهم بقوة وانا راني تعبان
ضربه لوجهه
خالد: هذي لانك مسيتها زاد ضربه وهذي لانك جبدتها زاد ضربه هذي لانك قلقتها زاد حيضربه
مرام بدات تبكي قالتله خليه خالد طفل صغير كان يكحل فكنا من مشاكل
اياد: انا طفل مرام
حكم ضرب خالد براس
وحكمها هي قالها مانيش طفل يا مرام زاد ضربه
طيحه في لارض
زاد رح يضربه جات مرام وقفت بينهم
لا متضربوش وتحضنت خالد
شاف معاها وراح وخلاها
-- ليان: ماما انا خايفة على اياد
ام ليان: اسكتي ماتقوليش هك قدام عمتك تقلق عليه نعودو في خبر اخر
ليان: ماما يصراله حاجة ننتحر راني
ام ليان: شوف هدرة زينة وديجا بطلي من تابعي مسلسلات رومانسية مش ناقصني دروك
ليان: ماما راني رح نموت نموت
ام ليان: اسكتي شوي
ليان: نتي ماكيش ام نورمالمو تقوليلي اهدري فرغي لي في قلبك بصح نتي تحتكري حتى في هدرتي
ام ليان: كي تهدري رح تقولي حاجة من هدو تلاثة رح نموت نحبه ومنقدرش بلا بيه
ليان: لا رح نقول كلمة جديدة خلاص
ام ليان: واش هي
ليان: نعشقه ياماما نعشقه حياتي بلا بيه ضلمة ترضاي بنتك تعيش بضوء شمعة في عصر تكنولوجيا ترضايها
ام ليان: ربي يصبرني على بنت لي عطاهالي
ليان: ماما علاه راكي ديريلي هكا مانغيضكش مانغيضكش
ام ليان: تغيضي اسكتي برك تسمعك عمتك
ليان: تسمع دبراسها نحب وليدها شاندير جايبته عسل يقطر وتبغيني منكحلش عليه ومنحبوش موحال
ام ليان طلت من تاقة
ام ليان: هاو جا مسود سعد تاعك اسكتي درك
ليان: صح نحبك رح نفتحله باب
حكمتها من شعر امها
امها: اقعدي يقولو قاعدين يسناو فيه
ليان: صح حنا كنا نسناو فيه نكذبو ول
امها اسكتي لا نضربك درك
خرجت امها وخلاتها تماك