كرونيك بعنوان : [#احببت_حلوفا_لا_يبالي

08

حلقة8#
ليان دراع رقدت بسباب ديك تبهديلة
ناضت صباح عيطت لتسنيم تخبرها بالمستجدات
ليان: الو تسنيم عام باش ترفدي
تسنيم: كان بعيد عليا تليفون وش خبارك حنونة
ليان: تعرفي تزغرتي
تسنيم: لا علاه
ليان: تعلمي مبقاش بزاف على عرسي وتعودي تزغرتيلي
تسنيم: يخا هههه لهدي درجة ههههه احكي واش صرا
ليان: هديك خماجة تركت اياد حمدلله راني حاسة روحي بحلم كي قالهالي شفتي بصح طيبون لطيبات اكيد انا طيبة على هك ربي كتبنا لبعضانا
تسنيم: ههههه وش استنتاجات العظيمة هدي هههه مليح كي تركاتو احسن وخلاتلك مساحة معاه
ليان: شفتي هم و نزاح على قلبي راني خفت نشوفهم متزوجين والله كنت متت
تسنيم: مهم درك رجعلك اعترفيله انك تحبيه وقليله تزوجني باسكو انا حابة نعود خالة بكري
ليان: هههههههه حنا مناش مستعجلين قدك حوجي هههه
تسنيم: واه قالك لا تؤجل عمل يوم الى غد
ليان: كل شي في وقتو حلو تجي منه كلمة نبغيك احسن
تسنيم: مالك استعقلتي هك بديتي توبي
ليان: ههههه لالا بصح بغياته والله يقولهالي واش ندير
تسنيم: نقلك اضربي لبسة قصيرة ...
ليان: ايا باي حنكوبي ههههه
كوبات في وجها
ليان: حوجي انا دراع لتخلصت من هدو تخيلات وهي رح تركبهم في راسي
--
خرجت لقاته لابس قشه ومستيكي وخارج
ليان: اووو لوين
اياد: منا ندور حاس روحي مخنوق ومش قادر نبقى في دار
ليان: وتعرف لبلايص هنا
اياد: شوي نتذكر متخافيش
ليان: داكوغ تهلا في روحك
هبط هو
باعد طلع و رجعلها
اياد: ليان قاعدة !!
ليان فرحت :واه
اياد: تخرجي معايا مكانش مشكل
ليان: اكيد مكانش مشكل
اياد: وجدي روحك
ليان: داكوغ
راحت عدلت روحها ولبست قشها حطت مكياج خفيف
ورفدت ساكها وخرجت معاه
قعدو يمشو وساكتين
ليان: رح تبقى ساكت
اياد: صراحة اول مرة نخرج مع بنت من غير مرام حاس بغرابة
ليان: ماكش معتاد
اياد: توحشت هدي مشية وداء نفس اووووف
ليان: توحشتها
اياد: اذا قتلك لا نكون حجر واذا قتلك ايه نكون كسرت كرامتي فخيريلي حاجة بينهم بلا مانكون حجر وبلا مانكسر كرامتي
ليان: نسالك سؤال هل ممكن ترجعلها في يوم من ايام
سكت هو
ليان: سكوت علامة رضى
اياد: لا كان سكوتي علامة على انه سؤالك ميحتاجش جواب
ليان: يعني جامي رح ترجعلها