كانت تستمع له باهتمام كبير وهو يسرد كل ماحدث.. تشعر بما يشعر به.. حزينه جدا لحزنه.
انتهى من الحديث ورفع نظره لها... رأت فى عينيه نظره غريبه جديده مستغربه وحائره بها وميض لمعه خفيف.
مستغرب حاله جدا... عمر الكتوم يسرد كل مالديه بمنتهى السلاسه هكذا.. لطالما لقبته امه بأنه (بير غويط).. هو كالبحر العميق... لأ احد يعلم عنه شئ ولا يوجد لديه رغم كثرة أصدقاءه من هو كاتم أسراره.
حائر من نفسه وما يحدث لها... ماسر كل هذه الراحه ياترى.
تحدثت هى تقطع الصمت قائله:اتظلمت اوى مامتك... ست حموله بجد... عايشه كل ده وهى على ذمة راجل تانى... راجل اقل كلمة تتقال عليه انه ندل وخسيس... الله يكون بعونها... هاجر كمان صعبانه عليا اوى.. رغم انى ماقبلتهاش بس حبيتها من كلام نيروز وأم نيروز عنها.
كانت تتحدث بحزن.. يوجد خيبة أمل في عينيها وانطفاءللمعه وشغف كانوا متواجدين.. يقسم لقد رأهم قبل حديثه هذا. هل يسأل ام يصمت... قطع تفكيره صوتها تكمل:بس انت لازم تحتويهم اكتر الفتره دى.. هماملهومش غيرك.. انت راجلهم ربنا يخليك ليهم يارب... تعرف كان نفسى يبقى ليا اخ كبير يحبنى ويحمينى زيك كده... تقبل اعتبرك زى اخويا الصغير؟
اخ؟!! لما لا يحبذ هذه المكانة.. او بالاحرة لما يجدها غير لائقه له معها... مهلا مهلاً.. اخيها الصغير.. بما تهذى هذه؟
تحدث هو قاطبا جبينه :
اخوكى الصغير!! شيفانى عيل اوى كده.
تحدثت بألم اخفته جيدا :
عشان انت اصغر منى فعلاً.
اندهش بشدة وقال :ليه عندك كام سنة؟
اسيل:32.
عمر مزهولا:بجد... طب ازاى... شكلك مايديش على كده خالص... اوعى تكونى كمان متجوزه.
ابتسمت بفتور وقالت:لا لسه ماتجوزتش.
عمر:طب ليه.. يعنى انتى من محافظة ارياف واعرف ان عندكوا البنات بتتجوز صغيره او يعنى مش ل... قاطعته متفهمه حرجه فى الحديث :مش لبعد ال30صح؟
اماء برأسه بحرج فردت:هو أولاً مابقاش فى الكلام ده فى الاقاليم خلاص.. البنت بقت تعدى التلاتين وسعات الأربعين كمان عادى.. انتو بس الى فاهمين ان بتوع الاقاليم دول قاعدين ليل نهار مع بعض على المصطبه بس الحقيقه البشعة من وجهة نظري ان احنا بقينا زى القاهرة وانيل كمان... لو اتقابلنا بيبقى في كافيه او مطعم ومش كله عارف كله زى زمان.. ممكن نبقى ساكنين فى عماره واحدة ومش عارفين شكل بعض... بس إجابة سؤالك الاساسى ان لسه النصيب ماجاش.
عمر:طب ياستى براحه انتى داخله فيا شمال كده ليه.
اسيل:ولا شمال ولا حاجة بشرحلك بس... بس اصلى بصراحه بتخنق من نظرة بتوع القاهرة واسكندريه لينا لما واحدة تقول انها من المنوفية ولا كفر الشيخ طنطا البحيرة بيبقوا متخيلنا جايين من ورا الجموسه... ده حتى الافلام والاعلانات يامؤمن لسه بطلعنا على أننا بنمط فى الكلام وبنلبس جلاليب منقوسه الى بسفره دى ومناديل بقويه... ولا تلاقى واحد يبص للفلاح ده على أنه واحد فقير.. انت عارف أفقر فلاح ده بيبقى عنده بيت واسع ملك وعلى الاقل بقرة او اتنين مع قيراطين قرد بالميت كده يعني يعملوا بتاع مليون او اتنين ويمكن اكتر ويجيلك بقى واحد ماحيلتوش من الدنيا غير شقه ايجار قديم ويشاور عليه ويقول فلاح.. انا ببقى عايزه اقوله قبل ماتقول عليه فلاح اتعلم جدعنته وحياءه كفلاح.
YOU ARE READING
انا السئ (مكتمله)
General Fictionهو سئ.. سئ جدا يعلم ذلك بل ويعترف. من منا ملاكا.. من منا خالى من العيوب. فكرة فارس الأحلام الرائع وبطل الروايات الذى يجمع كل الصفات الحميده غير موجود في الواقع (كلنا فاسدون ولا استثنى منا احد) جملة شهيره قيلت فى احد الافلام وهي حقيقيه مئه بالمئه كلن...
