THREE ANG GULO [COMPLETED]

Chapter 21 - EXCITED???!!

Chapter 21 – EXCITED???!!

                               

                Halos na itaas na si Maicy ng hagdan pabalik ng kanyang kwarto at si Lance naman ay nakapasok na sa may living room ng bahay.

                Sinilip ulit ni Maicy si Lance habang itinatago ang kalahti ng katawan. “Make your self comfortable Lance, if you want coffee magtimpla ka na lang dyan. Umupo ka na muna dyan, just help yourself, ok?”

                Tumango lang ang binata ng may kasamang matamis na ngiti mula sa maninipis niyang mga labi.

                Nang aktong hahakbang na si Maicy sa ikalawang palapag ay sinilip niya ulit ang gwapong gwapong si Lance dahil may nakalimutan siyang sabihin dito.

                “Teka, Lance, bakit ka nga pala naririto ng napaka-aga?” tanong ng dalaga na tinatakpan pa din ang sarili dahil halos maninipis lang ang suot niya.

                “May pupuntahan tayo. Mag-bihis ka na at ppunta tayo sa…..”, hindi pa man din ulit natatapos ang sasabihin ni Lance ay kumaripas na naman ng takbo si Maicy papunta sa kanyang silid. Napailing na lang ang binata at natawa sa sarili. Ramdam na ramdam niya ang excitement ni Maicy. Masaya siya sa nakikitang sigla kay Maicy.

                Mula sa mailap na pagkakakilala niya kay Maicy ay nagiging mas open na siya at nagiging magiliw na. Labis itong ikinatutuwa ni Lance. Pakiramdam niya na ito ang simula ng lahat ng pagbabago sa buhay niya at sa buhay ni Maicy. Hindi pa man din opisyal na sila pero positibo na ang kanyang pananaw sa ipinapapmalas ng dalaga na pasasaan ba at magiging sila din. At nasa plano niya at sigurado na siya na si Maicy na ang babaeng para sa kanya. Kaya handa din siya na lagging pasayahin ang dalaga kahit ano man ang mang yari.

                Saglit na naupo sa sofa si Lance at inagmasdan ang paligid ng bahay ni Maicy. Pangalawang beses na siyang nakapasok dito. Una noong sinorpresa niya si Maicy ng dinner date sa loob mismo ng bahay niya.

                Ngayon niya lang napagmasdan ng husto ang “awra” ng loob ng bahay. Maaliwalas ngunit tahimik. May parte din na nakakaramdam siya ng gloominess. Batid niya ang lungkot na bumabalot sa loob ng pamamahay. Lalong naintindihan ni Lance ang pinagdaanan ni maicy, dahil mahirap naman talaga maging mapag-isa sa bahay sa loob ng mahabang panahon. Alam niya na ang dating punong puno ng kasiyahan na tahanan ay napalitan ng kalungkutan dulot ng trahedya at mga pinagdaan ng babaeng kanyang iniirog.

                Lalo lamang tumibay ang pagnanasa ni Lance na mapasaya si Maicy. Hindi na siya papaya na muli pang masadlak sa kalungkutan ang taong nagpapasaya din sa puso niya. Papawiin niya ang bumabalot na kalungkutan sa buhay ni Maicy, at ngayon pa nga lang ay nakikita na niya ang resulta ng pagdating niya sa buhay ni Maicy.

                Nangyayari ito simula ng makapag-usap sila ng masinsinan sa hardin ng condo niya noong isang gabi pagkatapos nila manuod ng sine.

                Ilang saglit pa ay nakaramdam siya ng uhaw at parang gusto din niya ng kape. Alam niyang matatagalan pa si Maicy sa pag-aayos. Babae daw kasi. Banidosa at maraming seremonyas. Iyon ang pagkakaalam niya sa mga babae at hindi exempted si Maicy sa mga ganoong ugali ng babae. Kung sabagay sino nga naman ang hindi magpapaganda at maghahanda kung siya ang makakasama, ito ang lagging nasa isipan ni Lance.

                Tumayo siya at tumungo sa kusina upang magtimpla ng kape. Kinuha ang electric kettle at nilagyan ng tubig upang painitin. Kumuha din siya ng tasa at hinagilap ang kape sa ibabaw ng lamesa katabi ang asukal at creamer.

                Samantala sa loob ng silid ni Maicy ay hindi pa rin si kumikilos, sumandal siya sa pintuan pagkapasok na pagkapasok niya kanina at hanggang ngayon ay naroon pa rin siya, nakasandal pa rin habang kinikilig kagat kagat ang dalawang hinlalaki niya at nakakibit balikat at walang tigil sa pag alumpihit sa sobrang kilig. Parang maiihi na siya sa sobrang kilig, ngunit pigil na pigil ang sarili na tumili dahil nahihiyang marinig siya ni Lance na abala sa pagtitimpla ng kape sa ibaba.

**** Itutuloy**** Please vote****