الآغا السادي

جزء 3

سحر : الله يخلييييك اخالتي هئ هئ عاونيني.. هربيني من ولدك هئ هئ.. قنعيييه منتزوجش بيه 😭😭

الحاجة فاطمة : علا ابنتي مال ولدي كيجاااك للي شافك كتبكي هاكا يڭول غا مزوجينك. بحمق.

سحر : (بدون شعوووور) : ولدك قتااااااااااااااال هئ هئ.. طاحت الارض و هي كتغوت.. اربييييي شدرت يا سيدي يا ربي جيت نعاون صدقت خاص للي عاوني ااااااااااه بغييييت نمشي فحااااااالييييي 😭😭

سيف كان نازل من الدروج و سمع كلشي اما مو.. للي كان عند سحر بصيص د الامل تعاونها جاتها عارفة ولدها شنو كيسوا.. و دارت عين ميكة على ديك قتال... يعني سحر مكاين للي يفكهاا من غير البوليس.. و شوف تشوف.. معندهاش دليل.. و هو عندو بلاصتو فالمجتمع.. مللي كيهدر المال و النفوذ... الحق.. كيولي معاهم.

سيف الدين : مشا بخطوات تقال تا وصل عندها و همس فودنيها : تحركي قدامي..

زادت قدامو و هو تلفت شاف فمو للي هضرة د سحر باقا كدي و تجيب فراسها و باينة باغة تسولو ولكن ماعندو كانة يزيد يشرح لشي حد و لا يعاود.. هو اصلا بطبعو كلامو قليل و تا مشاكيلو كيخليهوم ليه..

طلعو للبيت للي معا الحلا... لقات سحر راسها مردوخة مع الحيط و محاوطينها يدين سيف بجوج و بينو و بينها مسافة قليلة... منزل راسو كيشوف فيها.. و كيطلعها و ينزلها..

سيف الدين : واش كياكلك لحمك؟

سحر : غي ساكتة و مفيكسيا عينيها فيه كتحاول تفهم، كتحاول تستوعب او ربما كتحاول توهم راسها بللي غي كاتحلم و مللي غتفيق غتلقا راسها متكية عند خالتها... و لا خدامة... اي حاجة.. مهم غي مايكونش هادا هو الواقع..

سيف الدين : هدوءها زاد جهلو.. ضرب يدو بجهد مع الحيط.. تا قفزها.. معامن كنهدر انا؟ مم؟

سحر : بصوت يائس و مستسلم عالآخر.. سيف.. عافاك خليني نمشي... كنقسم ليك مغنڭول والو..

سيف الدين : بخشونة.. ما كاين ما عدا عندي من تعاويد الهضرة.. و لآخر مرة غنڭوليك.. خروج من هنا مكاينش نسايه..( و بدا كيدرب ليها راسها بصبعو) و قدما دخلتي هادشي لهاد العقل للي غي هازاه متقلة بيه قدما كان حسن.. و تعاودي تهدري مع مآ و متجمعيش لسانك انقطعو لييك و نعلقو ليك قدامك تبقاي فينما ضوري تشوفيه.. و تفكري بللي خاصك تسدي فمك.

و بهاد الجملة سدات سحر فمها و ضربات الطم، اصلا غي شوفاتو كيطيحو فيها النص.. اما خالتها كانت عند البوليس كتبكي و حالتها تشفي العدو

لطيفة : هئ هئ واش اسيدي كنڭوليڭ بنتي مكايناش كتڭوليا معندنا منديرو ليك

البوليسي : حاط حداه باكية د ڭارو و جالس مهيب.. ههه و لكن عادي فبلادي، رجل الامن كيتحرك غي بالرشوة و بتلفون من شي راس كبيرة اما نتا و لانتي ولد الشعب ماسوقوش فيك.. بالنسبة ليه هو ناقص واحد ناقص مشكل..