لكن الحياة كتكون قاسية بعد مرات تمكنبقاوش عارفين واش القدر و المكتوب للي نطق بكلمتو و لا قسوة دروس الحياة و قسوة الحبيب هما للي قبرونا و حنا مازال حيين.. كيولي بين النصيب و المكتوب مقبرة مشاعر مدفونة.. إلى أجل غير مسمى.. تال نهار كتختار يا إما تزيد القدام و تنسى يا إما تبقااا عايش لكن ميت من الداخل.. كلشي عليك نتا.. يا تنوض يا تبقا طايح..
بقااات كتبرد عليها تا سكتات لطيفة شوية.. و تهدنات
سحر : سمعيني أخالتي ههه عڭوزتي.. ان شاء الله سيف غيتقبل الموضوع حيت نتي مادرتي لا بيدك و لا برجلك.. نتي كنتي ضحية و حرموك من ولدك باطل.. كيما حرموه تا هو من حضن الأم.. وقت قليل و غيتفهم.. خللي كلشي عليا انا غنهضر معاه..
لطيفة (كتمسح دموعها) : نتمنى يتقبل الفكرة.. يكفي كل ليلة كنبكي وانا متمنياااا نعنقو و نقولو ولدي و نسمع منو كلمة ماا للي سنوات و هي كتقال لوحدا آخرا.. خداتو مني هئ هئ
سحر : ان شاء الله هادشي للي غيكون غي صبري واحد 3 ايام.. نخاول نمهد ليه الموضوع..
لطيفة : اوك..
سحر : خاصني نمشي نمسح الكاميرات ضروري..
لطيفة : ويلا عاق بيك...
سحر : انخلي آخر لحضة هي مللي كنت ناعسة فالبيت قبل مادخلي..
لطيفة: وانا ا بنتي ردي البال
سحر (بابتسامة) : نتي بعدا عڭوزة حسن من الحاجة ههههه
لطيفة : ههه الله يمسخك..
سحر : قبل مانمشي.. بغيت نسولك.
لطيفة : سولي..
سحر : باقا كتبغيه؟
لطيفة : لا.. بقا فيا حيت مااات و يمكن تجرحت لموتو لكن واخا كون بقا ة بغا يرجع معايا مكنتش غنبغي.. تخلا عليا و تدمرت.. الله يرحمو من الاحسن منهضروش عليه..
سحر : سامحتيه؟
لطيفة (بعد صمت طويل) : آه.. كنآمن بللي ربي مكتبوش ليا.. كان مجرد درس قاسي من دروس الحياة .. و للي فهمت منو بزاف د الحوايج..
سحر : بحالاش..
لطيفة : التضحية هي أساس أي علاقة بغض النظر عن ماهية و نوع ديك العلاقة.. الا مكنتيش مستعد ضحي على ود ديك الشخص متقولش راك كتبغيه.. حيت اتكون ولفتيه فقط لكن عمرك بغيتيه..
سحر : شنو الفرق بالنسبة ليك
لطيفة (بابتسامة) : تولفي شي حد هو تكوني ديما كتهضري معاه يعني الا غي غاب كتبداي تقلبي عليه علاش؟ حيت كيخلي ليك فراغ.. و كتولي تقلبي عليه يرجع يعمر داك الفراغ ويقدر يسحابليك راك كتبغيه تال النهار للي كتحطي ف شي موقف بحال مثلا قالو ليك راه خاص للي يتبرع ليه بكلية واش تبرعي.. كاين للي ايبقا يفكر واش يتبرع و لا لا و واش داك الشخص يستاهل و واش يقدر شي نهار ينسى هاد الخير ويقلب ويتزوج بوحدا خرا و بزاااف د الافكار.. لكن كاين نوع تاني للي غتعرفو خاصو كلية و انسجتها مطابقة معاه غتبرع ليه بلاما تفكر جوج مرااات.. كيفما مكتفكرش جوج مرات قبل ماتعطي شي حاجة لواليديها حيت هادوك بالصح كتبغيهم..
![](https://img.wattpad.com/cover/221895364-288-k157607.jpg)
YOU ARE READING
الآغا السادي
Teen Fictionقصة طوب وخطار من ليقبل قصة طوب مختالفة على باقي القصص لشفتو من قبل ومغايرة كليا على باقي جيتكم بحاجة جديدة قصة اكيد جامعة مبين حب احححح رومنسية ❤عشق هوس جنون حقد غيرة واكيد تفرشيخ 👊👊👊 هاااح الله يكون في عون البطلة مسكينة صعصاع ديالنا ماغادي يخلي...