Second Chance

Part 11

So Hey guys... Hope U r having a great day & a great week .....❤❤❤ Raya marriage is here so without any further delay let's go to the story.....

Next day, the D Day. Aankh khuli toh laga ke roshni ki jhalkiyan aake samne khari ho gayi hain, din char aya tha aur subah bohot khoobsurat thi. Priya apne bistar se uth kar balcony me aa k khari hui, subah ke sirf 6:30 hi baje hain par suraj ko dekh ke lag raha hain jaise aaj woh specially Priya ko 'hi' bolne ke liye hi utha hain, aaj se pehle itna achhi morning Priya ko laga hi nahi tha. Waise bhi Priya is an early riser, usse subah subah apna morning walk aur yoga bohot pasand hain, aksar apne papa ke saath nearby park me jati hain aur workout karti hain, she is not a fitness freak bas apne ko thoda sa healthy rakhne ki koshish karti hain. Lekin aaj ka subah kuch alag hi hain, aaj uske jeewan ka sabse bada din hain, aaj woh kisi aur ki hone jaa rahi hain, ek aise rishte me bandhne ja rahi hain jo kehte hain bada hi khoobsurat sa hain. Zindagi ki itne saare saal jin logon ke saath bitaya hain unn logon ko peeche chhor ke age barr jayegi, apna maika chhor jayegi. Apne mata pita ke sanskar aur ashirwaad ko lekar woh ek nayi duniya me jaa rahi hain, apne mann hi mann woh kehti hain mujhe ummeed hain main inn logon ko woh samman aur adar de saku jo mujhe dena chahiye, main Kapoor khandan ki sahi maino me bahu bann payu.

baabul mora naihar chhuto ri jaaye

yehi sochte sochte apne kamre ati hain aur dekhti hain ki Ayesha abhi bhi soo rahi hain toh woh uske paas jake uske baalon ko sehlate hue kehti hain Good Morning, Ayesha pehle kuch nahi bolti par dheere dheere aankhen half open karke

Ayesha ' mmm karti hui apni ladli behen ko tightly embrace karte hue kehti hain good morning di, aap itni jaldi kyun uth gayi, thodi der aur soo jao, waise bhi aaj ke baad toh jiju aapko raat bhar sone nahin denewale, saying this she giggles

yeh sunke Priya ko pehle gussa ata hain phir woh uski kaan pakad leti hain aur kehti hain

Priya ' kitni besharam hain yaar tu, apne di se aise baat karti hain?

Ayesha ' isme besharmi wali kya baat hain di, yeh toh jiju ka haq hain, aur aap aise react kyun kar rahe ho, mann me toh aapka bhi laddoo hi phoont rahe hain sirf bol nahi rahi ho, kyun and she winks.

Ab toh Priya ko solid gussa ata hain aur woh samne padi huin pillow leke Ayesha ko marne hi wali hain tabhi Ayesha bed se jump karte huye room ke middle me aa jati hain aur inn dono ka sibling fight shuru ho jati hain, kuch der baad dono ruk jate hain saas lene ke liye aur ek dusre ko dekh ke hass padte hain, aur tabhi Ayesha aake Priya ko pakad ke ek tight wala hug deti hain, uske embrace me aisa kuchh tha jo Priya ko bhi emotional kar diya toh woh bhi respond ki, ab dono behene thoda Ganga-Jamuna bahane lagti hain, thodi der baad Ayesha kehti hain

Ayesha ' di, will miss u a lot, aap ke bagair kaise rahungi main, kaun meri college wali stories sunega, kaun mujhe guide karega

Priya tab bhi aankhon me aansoo liye kehti hain ' arre main thodi hi na dur jaa rahi hoon, yehi isi sheher main to hoon, jab milne ka mann kare aa jana aur phone toh hain hi, aur waise main bhi kahan tum logon ke bagair reh paungi, ati jati rahungi na, aur waise madam aap toh kuch dino ke baad foreign chali jayengi higher studies ke liye tab toh hum sab tujhe hi miss karenge, uska kya?

Isi baat pe phir yeh dono ek bara sa tight wala hug kiya aur hass padi.

Isi baton baton me kab 8 baj gaye pata hi nahi chala, Shipraji daudte hue ake bolti hain kya Priya tu bhi, aaj teri shaadi hain, kitne saare rasm hain aur tu abhi tak taiyyar nahi hui hain, ja jake taiyyar hoke neeche aa ja, aur Ayesha beta tu bhi zara taiyyar hoke aa, mujhe help kar. So both the sister now leave to get ready.

Udhar neeche sab taiyyari chal rahi hain, sabse pehle haldi lagwaya jayega dulhe ko phir wohi haldi jayegi dulhan ke ghar, toh aisa hua hain ke Ram aur Karthik beythenge ek room me aur Natasha aur Priya beythegi dusre room me. Dadi, nani, Krishnaji, Shipraji aur Shipraji ke side se rishtedaar yeh sab taiyyar kar rahe hain aur inlogon ke saath saath Ayesha aur uski gang bhi help kar rahe hain, Neha sab bachhon ko naashta karane me lagi hain jo ki ek bohot tough job hain, woh yeh khatam karke phir inn rasomo me shaamil hogi. Vikram, Karthik, Sudhirji aur Rishabh beyth ke baatein kar rahe hain aur Vikram Karthik ka leg pull kar raha hain, tabhi dadi boli yeh Golu kahan reh gaya, abhi tak neeche kyun nahin aya?