Mixtapes and Broken Promises

Chapter 1

"Okay, class. Igrugrupo ko kayo sa tatlo para sa performance task niyo rito sa Komunikasyon at Pananaliksik sa Wika at Kulturang Pilipino. Since 35 kayo sa klase, mayroong isang pair tapos the rest trio na." Hay. Peta na naman.

"As Ms. Clemente is my best student sa klaseng ito and she takes part in the school paper, siya at ang isang maswerte sa inyo ang mag-pair. Okay, draw lots tayo." Avrey Clemente. She ranks first in the class. Kapag ba ka-pair siya, chill na at walang gagawin? Ang saya naman kung ganun!

"And the lucky one is... Mr. Espinosa!"

"'Yun! Yes!" Tinitigan ako ng buong klase. Shit. Nakahihiya naman 'to.

"Masyado ka atang masaya sa ka-pair mo, Mr. Espinosa?"

"Guys! Hindi niyo lang alam pero crush kasi talaga ni Chase 'yan si Avrey e!" Tinignan ko nang masama si Isaac. Mamaya ka sa'kin.

Tinignan ko si Avrey sa kaniyang inuupuan. "Laging kinukuwento ni Chase sa'kin si Avrey kesyo ang ganda raw t'yaka—"

"Isaac, utang na loob. Grade 11 ka na. Stop acting like a ten-year-old kid." Tinignan ko ulit si Avrey pero wala siyang imik simula kanina. May emosyon ba 'tong babaeng 'to?

"May point si Mr. Espinosa. Tapusin na natin 'yung draw lots para maibigay ko na sa inyo 'yung instructions para sa peta and we'll agree on the deadline later." Blah blah blah... Basta ang takeaway ko lang sa lahat ng sinabi ni Ms. ay maswerte ako sa partner ko. Hahaha.

"Class dismissed." Yes!

Nagmamadaling lumabas ng classroom si Avrey kaya pinigilan ko siya sa pinto. "Wait lang. Ano... Tungkol sa peta natin, hindi ba tayo magmimeeting para dun ngayon?" I smiled at her.

"We have a whole month to accomplish it. At kailan ka pa naging interesado sa peta? Ngayon lang ata kita nakitang pursigido ha."

"So ibig sabihin ba nun, pinagmamasdan mo ako lagi kaya napansin mo 'yan?"

"In your dreams. May iba ka pa bang itatanong? I have to go." Sungit naman nito. Wait, actually, hindi naman siya masungit. Naka-poker face lang talaga siya magdamag.

Dumaan muna ako sa cafeteria para bumili ng pagkain ta's dumiretso na rin sa court. "Huy, Isaac! Halika rito. May kasalanan ka pa sa'kin."

"Babaligtarin mo pa ako e ikaw 'tong nagkwento tungkol kay Avrey noong isang araw. Sabi mo pa nga beauty and brains. Pa'no kung naniwala 'yun? Mamaya umasa pa."

"Ang kapal ng mukha mo, ano? Puro acads lang 'yun si Avrey. NBSB nga 'yun e. At kung magkakagusto man siya, malamang hindi sa katulad mong habulin ng girls. Hassle kaya nun! Daming kaagaw!"

"Alam mo namang wala akong ineentertain na kahit sino sa mga lumalapit sa'kin. Ayoko nga maging team captain kasi takaw-atensyon. Ikaw naman kasi Isaac, ang bano mo maglaro! Galingan mo naman para ikaw na ang piliing team captain next time. Hassle, lagi na lang ako."