Mixtapes and Broken Promises

Chapter 2

"Ang tagal mo naman umuwi! Nahirapan ka siguro dun sa Pre-Calc activity no? Hahaha."

"Yabang mo naman! Porket best in Math ka since nursery! Haha. Paturo po!"

"Nangalay na 'ko ha! Kanina pa 'ko nakatayo dito, naghihintay. Tinatawanan na nga ako ni Kuya Jun e! Ako na raw papalit sa kaniya as security guard ng school gate!"

"Aba. Sino bang may sabing hintayin mo 'ko?"

"'Yung puso ko. 'Yun 'yung may sabi." Lah guard, o! Pa-fall talaga!!!

Pero 'di naman kasi nagsasalita ang puso... 75 siguro grade nito sa Biology.

"Naisip ko lang... Mas maganda kasi kung sisimulan na natin 'yung peta as soon as possible."

"Maniniwala na sana ako kaso si Chase Espinosa ang nagsabi. Hmm..."

Inagaw niya 'yung bag ko sa'kin tapos tumakbo papasok sa Starbucks. Napakachildish naman nito. Sasama naman ako sa'yo nang kusa! 'Di mo na kailangang gawin 'yan.

Umorder naman siya kaagad. Lah?! Hindi man lang ako tinanong kung anong gusto ko? Kuya, 2 points po para kay Chase kasi hindi po siya considerate sa feelings ko. Char.

Nakangiti siya habang binigay sa'kin 'yung inorder niya. "Here's your drink, miss Avrey. Chocolate chip cream with 50% sugar level. And a slice of oreo cheesecake."

Aba. Nagresearch ang kuya mo ha. Infairness!

"Nung lumabas sa gate si Krystal... I asked her kung anong usual order mo sa Starbucks. She said you don't drink coffee tapos favorite mo ang chocolate chip cream na 50% sugar level and oreo cheesecake." I just nodded and smiled at him.

Kuya, binabawi ko na po 'yung 2 points. Bugso lamang po 'yun ng damdamin. Ayoko po talaga siyang ma-evict. Hahaha.

"So interview ba tayo or survey?" Masyado naman atang nagpapasikat 'tong si Chase.

Ako lang naman 'to... si Natoy na mahal na mahal ka.

"Mas madali 'yung survey tapos damihan na lang natin siguro 'yung participants. Pero mas substantial kasi kapag nag-focus tayo sa iilang participants lang tapos iinterviewhin natin sila one by one. What do you think?"

Mas matagal tayong magkasama kapag interview, so sana 'yun na lang piliin mo.

"Sige, edi interview na lang tayo." I feel betrayed. Pinipigilan kong ngumiti pero wala e.

I have a lot of good topics in mind for our peta. Nabanggit na kasi 'to ni Ms. Dominguez ahead of time. But of course we should meet halfway para it's a topic that we're both interested in. So I asked him, "Anong gusto mong topic natin?"

"What course do you plan to take up in College?" Mali ata 'yung intindi niya sa sinabi ko. Pinigilan kong tumawa kaya napa-hagikgik na lang ako.

"I was asking about our peta pero sayang naman 'yung effort mo sa pagtanong, so I'll answer it anyway. Haha. Disidido akong mag-BS Psychology. It's my dream course."

"Hmm, I see. So nababasa mo ba kung ano ang nasa utak ko ngayon?" Alam ko namang nagbibiro lang siya, but I just fake smiled.

This is the most common misconception about Psychology, both the course and career. It's not our job to read minds. Hindi naman kami sa Madam Auring. "I was just joking..."

I asked him kung anong course 'yung kukunin niya. "Uy! Interesado na siya sa'kin." Buti alam mo. Hahaha. "'Yung course ba na gusto ko o 'yung course na kukunin ko because that's what my parents want me to take up?" That's sad... Sabi ko na lang both.