بداية الإلتزام

* الفصل الخامس *

#بدايه_الإلتزام 🌹❤️الفصل الخامس

مريم بصت أقدمها ومش مصدقه نفسها.

مريم بتكلم سارة في التلفون: سارة أنا في منتقبة قدامي وشاورت بإيديها.

سارة : انا شاورت بس في منتقبة قدامي........ ايدا دي عينك.

وقربوا الاتنين من بعض وهما مش مستوعبين ايه اللى بيحصل.

مريم : متهزريش دا انتي بجد بس انتي لبستيه امتى.

سارة: اه لبسته انهاردة وانتي.

مريم : انهاردة بردو.

وسارة قالت ل مريم كل اللى حصل ومريم كانت في منتهى السعادة.
مريم : طب يلا نكمل الكلام وأحنا ماشين عشان منتأخرش على الكلية من أول يوم.

في الكلية............
مريم وسارة وصلوا الكليه وكانوا مبهورين منها لانها كانت حلم حياتهم.

سارة : مريوم تعالي نشوف الجدول بتاعنا.

مريم : يلا قبل ما يبقي زاحمه.

سارة : بس انا معرفش المكان أنتي تعرفي.

مريم : لا.

ريم : السلام عليكم ورحمة الله وبركاته.

سارة ومريم : وعليكم السلام ورحمة الله وبركاته.

ريم : أنا ريم مصطفى تانيه كليه، لو محتاجين أي مساعده أنا موجودة بصوا متخافوش مني بس انا بعشق المنتقبين جداً.

مريم : ربنا يبارك فيكي يا حبيبتي.

سارة : الصراحه أحنا مش عرفين نجيب منين الجدول لأننا أولى.
ريم : انا عارفه مكانه تعالوا معايا.
~ ~ ~ ~ ~ ~ ~ ~ ~ ~ ~ ~ ~ ~ ~  ~ ~ ~ ~ ~ ~~ ~ ~
ريم مصطفى في تانيه كليه هندسة بنت جميلة وطيبه بتحب النقاب جداً بس هى حالياً بتلبس طرحه على فساتين لان أهلها و صحابها دايماً بيقولولها الخمار هيبكبرك والنقاب دا تخلف وتقيد للحرية.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في منزل مصطفى........

ريم : ماما انا عايزة البس فساتين.

نهى *والدة ريم*: ايييييه، لا طبعاً انتي عايزة صحابي يقولولي زوق بينتك وحش أو بنت طنط ماجدة تبقي أحلى منك.

ريم : ماما كل واحد حر في أختياره، وانا ماليش دعوه ببنات صحابك.

نهى : أنتي ازاي بتكلمي على صحابي كدا، يعني لو سمعوكي دلوقتي هيقولوا اني مربتكيش.

ريم بعصبية: ماما انا مغلطش في حد انا بقول لحضرتك عايزة البس فساتين.

نهى : وانتي مستوعبة اللى بتقوليه يعني ايه تلبسي فساتين انا جيبالك بناطيل شيك وتيشرتات شيك جداً مش فساتين دي.

ريم : ياماما بس اللبس دا مش صح وحرام.

نهى : لا صح والدليل ان كل الناس بتلبس كدا.

ريم :الحرام هيفضل حرام لو كل الناس بتعمله والحلال هيفضل حلال لو محدش عمله.

نهى بغضب : انتي من قبل ما تلبسي فساتين وبتقولي حلال وحرام، ياخوفي منك في مرة تيجي تقوليلي البس نقاب ولا خمار.

ريم : اه ان شاء الله هلبسهم.

نهى : ان شاء الله بقى، وابعدي كدا انا نازله اعملي اللى انتي عايزاه.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
نهى والدة ريم في  آواخر الثلاثينات كل اهتمامتها مظهرها شغلها وصحابها وبنتها وبيتها اخر حاجه ودايماً على الموضة وبالنسبالها *الفساتين والخمار والنقاب *راجعية وتخلف ومش هيتقدموا ابدا، ولبسها كلوا كاچول "بنطلون وتيشرت" وأهم حاجه تبقى غنيه ومعاها فلوس كتير
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في المستشفى.......

نسرين في بالها : انا لازم أسأله وأعرف مين دي دا انا هنفجر لو معرفتش.
في الممر نسرين لمحت إسلام راحتله بسرعه.
نسرين : دكتور..... دكتور إسلام.
إسلام سمعها ووقف يشوف عايزة ايه.
إسلام : عايزة حاجة يا آنسة نسرين.
نسرين بإرتباك : اااه أصل.... يعني....
إسلام : لو عايزة تقولي حاجه ياريت بسرعة لان وقفتنا مع بعض غلط.
نسرين : هو ممكن أسألك حضرتك مين مريم دي.
إسلام : تبق.........
ومساعده نادى عليه
المساعد : دكتور إسلام تعالى بسرعه.
إسلام : عن إذنك.
وسبها ومشى.
نسرين بعصبية : كان لازم يعني تادي عليه اوووف.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في كافيه الكلية..........
ريم ومريم وسارة على الترابيزة.
سارة : بجد مش عارفه أقولك شكراً يا ريم أنك وضحتي لينا كل حاجه احنا زمنا تايهين.
ريم : شكر لله ❤️بما أننا صحاب دلوقتي قولولي ريري.
مريم : حبيتك جداً يا ريري
ريم : وأنا حبيتكوا جداً.

في جهة آخرى من الكافيه.

زين : أنا فركشت مع حبيبه.
مالك: ايدا بجد هى اصلاً مكنتش تستهلك.
زين موجهه نظره على ريم : بس انا في حد في دماغي دلوقتي.
غادة : انت تطلب واحنا ننفذ يا زيزو
ياتري هيحصل ايه
يتتبع..............
في النهايه
استغفر 3 سبحان الله وبحمده 💜💜
@salma Mohamed