#بدايه_الإلتزام 🌹❤️ الفصل التاسع° قبل الأخير°
كافيه الكلية......
ريم :عايزة أعرفكوا على واحده صاحبيتي أتصلت بيها
وهاتيجي دلوقتي.
هايدي: سلام عليكم ورحمه الله وبركاته.
ساره ومريم وريم :وعليكم السلام ورحمة الله وبركاته.
ريم :دي هايدي اللي كنت حابه اعرفكوا عليها.
هايدي : كنا المفروض نتقابل امبارح بس حصلت ظروف عطلت الدنيا.
فضلوا البنات يتكلموا ويتعرفوا على بعض لحد معاد المحاضرة والكل راح محاضرته.
زين : فين الرقم لحد دلوقتي شكلك كدا ملكيش نصيب في الهدايا.
غادة : ريم دماغها ناشفة أوي وهى كمان من ساعة ما أتعرفت
على هايدي بقيت كل ما أقولها حاجه تقولي لا، طب ماتختار
بنت تانية أشمعنا ريم يعني.
زين بعصبية : أنتي مش بتفهمي خالص بقولك بحبها من وإحنا صغيرين. °°وسبهم ومشوا°°.
غادة موجهه كلامها لمالك: طب ما انا موجوده هو مش شايفني
ليه، هو انا وحشة لدرجادي.
مالك بخبث : انتي ملكة يا حبيبتي وقمر أوي بس أنتي مش مقدرة نفسك.
غادة : انت بتتكلم كدا ليه يا مالك.
مالك : أنا بحبك ومش شايف غيرك وأنتي مركزة دايماً مع زين اللى شايفك صاحبيته وبس.
غادة بكسره :طب انا هروح المحاضره.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في منزل أحمد........
مروة : تعبتك معايا يا حسناء.
حسناء : لا يا حبيبتي تعبك راحه، المهم تكون الهدوم عجبتك.
مروة : عجبتني جداً وسارة لما تشوف الهدوم هتعجبها ان شاء
الله، طب أستأذن بقى عشان ألحق أعمل الغدا.
حسناء : خليكي هنا وأتصلي بالحاج وسارة يتغدوا معانا أنهاردة.
مروة : تسلميلي يا حبيبتي تتعوض ان شاء الله.
حسناء : ان شاء الله يا حبيبتي في أمان الله.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في منزل محمود.........
سارة : السلام عليكم ورحمة الله وبركاته.
مروة : وعليكم السلام ورحمة الله وبركاته، عامله ايه يا حبيبتي، وحضنتها.
سارة بإستغراب : الحمدلله يا ماما هو في حاجه حصلت.
مروة والدموع مُتجمعه في مقلتيها : لا يا حبيبتي مفيش حاجه حصلت انا بخير.
