بداية الإلتزام

* الفصل السادس *

#بدايه_الإلتزام 🌹❤️ الفصل السادس

في جهة آخرى من الكافيه.

زين : أنا فركشت مع حبيبه.

مالك: ايدا بجد هى اصلاً مكنتش تستهلك.

زين موجهه نظره على ريم : بس انا في حد في دماغي دلوقتي.

غادة : انت تطلب واحنا ننفذ يا زيزو.

مالك : طب ايه اللى حصل عشان تفركش.

زين بعدم أهتمام: كانت عايزاني أتقدم لها، وهى أصلاً مجرد فتره وراحت لحالها، متشغلش بالك.

مالك : تمام يا صاحبي، بس حالك مش عجبني.

زين : لا انا كويس، دودو تعرفي تجيبي رقم ريم.
غادة : والمقابل......

زين : اللى انتي عايزاه، دا انا زيزو حبيبك.

غادة : عايزة تلفون جديد وتعزمني على عشا جميل.

زين : بس كدا من عنيا، هاتي انتي بس الرقم وانا هبسطك.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
أتجهت غادة إلي ترابيزه ريم.

غادة وهى تنظر إلى مريم وسارة: ريم عايزة اكلمك هلى أنفراد.
مريم وسارة حاسوا ان غادة بتقولوهم امشوا.

مريم : ريري أحنا هنقوم يدوبك نلحق المحاضره يلا يا سوسو.
وسارة ومريم مشيوا.

غادة بإرتياح: ياباي دول باردين اوي.

ريم أضايقت من كلامها قامت من على الترابيزه بس غادة مسكتها من أيديها.

غادة : يابنتي تعالي بس انا عايزاكي في موضوع مهم.

ريم : انا مش بحب حد يشتم صحابي.

غادة بإستهزاء : هما دول صحاب، دول لابسين أسود في أسود شبه العفاريت.

ريم : دي حاجه متخصكيش هما يلبسوا ايه.

غادة : يلا ناس متخلفة، انتي بقى لبسك بقى وحش جداً دا انتي كنتي أشيك واحدة في الكلية وكان الكل معجب بيكي، وقالت بصوت واطي ولسه زين معجب بيكي مش عارفه على ايه.

ريم : كل واحد حر في لبسه يعني انا لو قلتلك البسي الطرحه هتلبسيها.

غادة : لا طبعاً انتي عايزاني ابقى متخلفة زيك.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
غادة بنت طويله بتلبس على الموضة وبتلبس بناطيل مرسومة على جسمها وبتفرح جداً لما تمشي قدام الشباب ويعجبوا بيها و شعرها أسود طويل بيخلوا الشباب يعجبوا بيها اكتر وبيديها جاذبية خاصة، مغرورة وبتحب نفسها جداً و عندها صحاب زين بتحبه جداً عشان فلوسه ومالك صاحب زين بس بتتكلم معاه قليل.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
ريم : طب قولي عايزه ايه لان محاضرتي بعد ربع ساعة.

غادة : بصي يا ريم زين بيحبك وعايزك تبقي صاحبته وترتبطوا هااا رأيك ايه.

ريم : ممم يعني جا اللى انتى كنتي عايزاني فيه.