القدر لا يسأل (باللهجة الجزائرية)

الحلقة التانية

نرجعو لتيم اول ماوصل  لكندا راح لدارو فرز حوايجو و هبط يفركت على حاجة باش ياكلها بحكم انو ماكانش عندهم وقت باش يجيبو الخدم قرر انو راح يروح ياكل البرا لكن اول مخرج لقا منظر معجبوش لقا بنت عمو اللصقى يسرى 😤😤لابسا شورت دجين و تيشرت ابيض و all star مدايرا كيلو ماكياج(🤢🤮like bitch) اول ماشافاتو راحت تجري تعنق فيه و تتلصق
ناحا عليه و قالها بوجه بارد😑😤:"وش جابك انت لهنا" جاوباتو :" يا تيمو في رايك كي عرفت انو انت جيت حنخليك وحدك طبعا جيتك با ش نشوفك متعرفش قداش توحشتك و انت تستقبل فيا بكل برود" و لعبتها تبكي 😭😭 (دموع التماسيح)  زيد عاود شاف فاها بكل برودة😑😑و يحاول مايبينش الغضب الي داخلو 😤😤  بسكو يعرف الالاعيب تاحا و قالها:"يسرى اختصري عاواه جيتي" لعبتها مسحت دموعها و قاتلو:"باش نروحو نخيرو لاصال و لاغوب تع خطبتنا حبي🥰 بما انك  قطعتي عرسك بهاديك الخامجة الرخيسة" عينيه حمارو و قلق خلاه😡😡 طبعا بسكو تجرات و قالت على حب حياتو لكلام هداك حكمها و زيرلها على فمها و قالها :"فمك ادا نكسرهولك لمرة جايا لوكان تزيدي تهدري علاها اديك انظف منك و اشرف منك لكان معلبلكش"مبعد سيبها طيح في لرض و خلاها و راح ركب في لوتوموبيل تيعو باش يروح يفطر طريق كامل و هو يخمم فاها يعني درك تكون لاباس و لا لا توحشها توحش ضحكتها صوتها كل حاجة فاهاقرر انو يعيطلها مي من بعد نحى الفكرة هادي من راسو خاف من ردة فعلها  المهم وصل للمطعم طبعا كان فاخرعلى شط لبحر بما انو هو تيم السويفي ال مهم نزل و راح دومندا سلاطة  حوت و  بقى يشوف في البحر محتار وش مخبيلو مستقبلو🥺 كي جابلو السارفور الماكلا كلا شويا برك باش يكون عندو شوية طاقة و من بعد ناض و خرج تعداو سمانتين و هو على نفس الموال . عيطتلو صاحبو و عشيرو اسلام:"وش خو راك مليح"
تيم:"نقولو حمدلله وانت"
اسلام:"والله غايا مي توحشناك في الخدمة بسبتك حتا انا جيت لكندا مي كرهت يا خو غير انا قاعد نخدم من غدروة نسحقك تكون في الخدمة تفاهمنا"ضحك تيم😂(يا يما على الضحكة) و قالو اوكي و بقاو بقسرو من بعد تيم سمع الباب دونك راح يحلو و تم لقا الصدمة امو و يسرى قدام الباب اول ماشافهم حاس الدنيا دارت بيه قاتلو ماماه :"حنقعدو في الباب درك  بعد خلي ندخلو "دخلو و قعدو في صالون بدات مادم فيروز لحديث و قالت لتيم:"نشوف فيك مهمل خدمتك و زيد حتى يسرى تشكي منك قاتلي انو كي جاتك باش تتفاهمو على الخطبة  طفيتها و خليتها حتى نهار روحتو درتو ليفوتو حتى التبسيمة بصعوبة باش تتبسمها تقدر تفسرلي وش بيك"
تيم:"مادام السويفي علابالك انو انا راح نتزوج بيسرى اجباري بسكو الي نحبها مالا متتوقعوش مني نتصرف كانو انا و الي قدامك  كيفdbest couple👩‍❤️‍👨 و درك سامحوني ني طالع لبيتي"  راح تيم و بدات يسرى تتمسكن و قاتلها:"شفتي تاتا 🥺🥺 كيفاه يديرلي انا نحبو و نموت عادليه و هو دايمن يديرلي كيفك💔💔"و بدات طيح دموع التماسيح🐊🐊 سكتتها مادام فيروز و طلعو لبيتهاباش يفرزو في قشها و عيطت للخدمات باش يهتمو بالدار .
تْيُمْ يُحڪيُ مْعٌ روُحوُ
#"حيهبلوني  ميزيش حيزوجوني بهاديك بسيف عليا و زيد حبتني نتصرف معها بكل حب يعني درك وش يكون احوال غزل"تنهد تنهيدة كبيرة و رمى روحو على سرير و رقد مافقش غير كشمس غدوة فزدتلو نومو ناض و قرر انو اليوم يروح يخدم  دخل لدوش دوش خرج خير كوستيم بلو و ساعد ذهبي من مجموعة فستينا لبس و مشط شعرو و دار باغفا تيعو الي تتشم من بعد 1 كلم و دوخ هبط لقى لفطور واجد شرب جيست قهوة و راح يخدم اول مادخل لبيرو زدم عليه اسلام و قالو:" امبو قالولي و مصدقتش مسيو تيم السويفي شرفنا بقودومو بعد غياب" مبعد خزر في السماء و قاعد يدعو و مبعد رجع شاف في تيم و بدا يهدر بطريقة درامية😂😂:" حمدلله يا ربي خليتني نعيش و نشوف نهار عبالك حاب نبكي🥺🥺 درك نقدر نموب بسلام" تيم يشوف فيه و هو ميت بالضحك😂😂(هما دايمين كفك اصلن اسلام من النوع الي دمو خفيف الي يحب الضحك)بعد ما كملو سلسلة الضحك الي دارها اسلام طلب منو تيم يجيبلو مجموعة من الورق و بدا يخدم.
اما غزل بعد ما ناضت راحت غسلت وجهاو تزضات و صلات و خرجت باش تفطر  لقات امها نطيب في لغرايف (البغرير) راحت عنقتها و باستها و قاتلها :"صباح الحب يا لميمة كي صبحتي ليوم"دارتلها و قاتلها :"انا حمدلله اما وش حوالك حاسا روحك مليحة اليوم" جاوبتها غزل:"انا في احسن حال اصلن حنفطر و روح نخدم بسكو توحشتها و توحشت لمرضى تيعي امها خاتها دير ليساعدها .فطرت غزل لبست قشها
راحت تخدم هي من امهر الجراحين في دزاير⁦👩‍⚕️⁩⁦👩‍⚕️ وصلت لصبيتار استقبلتها سلمى لانو تخدم معاها لبست قشها تع الطبة و راحت دور من شمبرة لشمبرة تطمئن على المرضى تاحا  كملت راحت للكافي و طلبت قهوة☕☕ بما انها من رابطة محبين القهوة ☕☕ جاتها سلمى و بداو يحكيو في ليسوجي كل مبعد جبتتلها سلمى على تيم حست بغصة في قلبها💔💔 قالتلها": يعني صح مازال قلبي يوجعني و مازلت نحبو و نموتعليه مي لازم نتقبل الواقع"
شافت فاها سلمى و قاتلها:"كملتي الشعر تيعك شوف مازالت تقولي نحبو انت اداك انا لكان نشوفو نقتلو و نمشمشلو عظامو"(سلمى طول عمرها اڨرسيف و بالنسبة لها غزل صديقتها الغالية و الي ڨيس غزل يڨيسها)كي قال سلمى كيفك غزل ميتة بالضحك😂😂 كملو خدمة و طلبت غزل من سلمى انو تجي تبات معها . وصلو لدار لقاو مادام اسمهان  طيبتلهم طجين جبن و سلاطة و شخشوخة قالتلها سلمى :"اااااه يا سمهون خاص العبد كل يوم يتعشى كيفك" ردت علاها:"ليشوفك يقول الدار مش دارك عبالك لكان تحبي حتى تحبي تعيشي حتا معنا" قتلهم غزل :"من نيتك ماما انت ادي لكان جات عايشا معنا انا منلقاو ما نوكلو"ضحكو و تعاشاو و رقدو  مي معا نص الليل سمعو  ام غزل تبكي و تعيط😭😭😭😭😭 راحو يجرو لاها لقاوها في حالة🥺🥺 راحتلها غزل تجري تسقسي فاها على حوالها قالتلها:"باباك يا غزل باباك مات"المسكينة تشوكات من مصيبة  لمصيبة المرة لولا خلاها حبيبها 🥰 نهار عرسها و درك  باباها الي عندها اكثر من 15 سنة ماشافتوش فارق الحياة(اب و ام غزل تفارقو و هي عندها 3 سنين اول مرة حست روحها عادي يعني صبروها بقولهم انو حتولي عندها 2 ديار يعني ولات تعيش معا ماماها و تروح لباباها في العطل مي من بعد 3 سنين شافت امها قاعدا تسوفري وحدها باش تربيها و حقدت على باباها و قررت مبقاتش تروحلو دوك وقولو وحدة عندها 5 سنين وش داراها انو ماماها تسوفري و معناة بصح غزل كانت متفوقة على سنها و عايشا الوضع باباها كان دايمين يعيطلها حتى كي رجع لدزاير بعد ماكان في كندا كان يحاول يتواصل معاها مي هي ماهيش موافقة)ندمت 🥺🥺🥺لانها مرحتلوش اما ياحسرا درك لا ينفع لا ندم لا والو من غدوة راحو لدارو باش يستقبلو الي يجيو يعزو مي كان الصدمة لاقاو مرا تام راحو سقساوها شكون هيا لقاوها مرتو غزل و انها جاتهم صدمة كانت غزل حدير مشكل لكن سلمى حبستها و امها المسكينة كانت في حالة اخرى🥺🥺حاولو انهم مايصتدموش باها في نهار الثالث عيطتلها  مرت باباها  قالتلها :"انا مانيش ناويا على مشاكل معكم كيف ما انا راجلي انت باباك و ماماك راجلها انا مانيش حنديلكم حقكم باباك في وصيتو كتبلو اغلبية املاكو كان حاسس انو كيفك حيكفر شوي عذنبو معاك💔💔💔 و انا معاه  في القرار ادا و ادا حابا تقدري  تجي تسكني انت و امك معايا لهنا غزل اعتذرت منها على وش صرا كتلاقاو و اعتذرت منها و قاتلها انو هما لازم يرجعو لدار و مقبل مايروحو عططها مرت باباها لمفاتح تاع دار كندا المهم عادا شهر و غزل تخدم عادي.تيم مسكين المدة ادي كاملا معادها حالتو حالا يحاول يشغل روحو في الصباح بالخدمة لانو كل بلاصة يروحلها يلقا خيالها يتبع فيه و في الليل يقعد يشرب الليلة هو قاعد في البار و كاس يجي و كاس يروح مابقاش في وعيو خرج باش يسوق مشو منتبه خلاه حتان يشوف في ضو جاي ⁦‼️⁩⁦‼️⁩⁦‼️⁩⁦‼️⁩ليه وبووووووووم ⁦💥💥يدير اكسيدون يشوف في روحو في سبيطار و طبا قاعدين يجريو حالتو جد خطيرة دارولو العملية باش يضمنو انو حال بعتو ايميل لدزاير انو لازمهم جراح ماهر  وصل الاميل لكلينيك      عيط المدير لغزل و قلها  :"طلبو في كندا احسن جراح عندنا و انا قررت نتعتك انت لانك اكتر وحدة متمكنة في المجال"غزل قاتلو انو لازم تخبر ماماها و ساقساتو وقتاه تروح قالها لازم في اسرع وقت المهم روحت خبرت ماماها الي وافقت بطبيعة الحال و قتلها لازم تروح باش تبدل جو سڨمت روحها و كابا تاحا حجزت في اول طيارة رايحا الكندا و الي حتكون بعد 6ساعة خبرت سلمى الي جات ودعتها و قعدت معاها لانو هي قررت انو تقعد في الدار معا ماماها الوقت الي بقالها عدت 6 ساعات و راحو للمطار ودعوها ركبت في الطيارة كي وصلت راحت لدارهم لقاتها نقية حارت مي مبعد  قالت بلي سير باباها حط خدامة للدار طلعت لشمبرتها فرزت حوالها دارت دوش لبست بيجاما و هبطت تفركت ادا لقات ماكلا لقات عضام و فرمج و بطاطا دارت فريت اوملات و هي توكل سمعت الباب يتحل خافت هزت مقلة و راحت وين الباب تع الصالون  هو دخل و هي عطاتو داخ حكماتو ربطاطو في كرسي و قعدت نستنى فيه ينوض اول محل عينيه حاول يتحرك مقدرش شاف فاها و قلها:"مريضة نت ربطتني نحكمك نكرقسك"خزرت فيه وقاتلو:" كيفاه تمسني و انت مربوط و اصلن انا حنعيطت لابوليس باش يجيو يهزوك وش دير في داري قول" هو وصلت معاه لtoop قالها :"تحكي صح دار شكون الالة ادي اي داري" و قعدو هو يقول داري و هي تقول داري مبعد خزرت فيه قاتلو:"انت شكون" قالها :"انا آسر عبد الحق" قاتلو:"تسما نتا خويا"😰😰😰 قالها خو شكون هبلتي واقيل" جاوباتو :"انا غزل عبد الحق"المسكين جاه شوك فكتلو الحبل خلاتو و راحت لشمبرتها باش ترقد شافت في التلفون تاحا لقات ميساج يقولولها فيه انو غدوة لازم تكون في كلينيك حطاتو و رقدت لانو غدوة يستنا فاها يوم حافل يعني القدر وش يكون مخبيلها لانو "القدر لا يسأل".
ناضت غزل صباح عينيها مطفيين 😴😴 راحت غسلت توضات و صلات و عيطت باش نطيب لفطور. اول ما وصلت لكوزينة لقات وحد المنظر منحكلكمش آسر بشورط و بلا تريكو لابس طبلية مشعل لغنا و قاعد يشطحو يعني بصوتو العذب و يطيب ماقدرتش تتمالك روحها و تفلقت بالضحك😂😂😂 كي سماعها دارلها شاف فاها بوجه بارد و قالها :" وش يضحك فيك" ردت علية:"انت شوف روحك وش لابس باش تجي تحكي معايا" شاف روحو و نسا خلاه انو هي ساكنا معاه بما انو كان عايش وحدو و يكره واحد يسكن معاه لهاد السبب ماكانش عندو خدامات و تعلم يطيب و تولف يلبس كيفك بصح يا حسرا جات غزل و فزدتلو الجو الي عايش فيه شاف معاها و قالها :"انا مالف عايش وحدي و متعود نلبس كيفك  المهم لكان تحبي تفطري ارواحي الفطور واجد روحي وجدي الطابلة" وجدتها و قعدو في زوز بصح آسر قلبو يوكلو و يحب الهدرا بزاف سوو قالها :"درك انت كيفاه اختي"(شوفو السؤال التافه يعني⁦🤦🏼‍♀️⁩⁦🤷‍♀️⁩)
غزل:"راك منيتك تحكي"
آسر:"لا من ريتي يعني حسب علمي انا ولد بابا الوحيد "
غزل:"حتى انا كنت حتى روحي بنت برك مي نهار مات لقيت ماماك تام و مقتليش انو عندها ولدها و زيد مشفتكش لتم"
آسر:"مقدرتش نجي لانو كان عندي اجتماع مهم بزاف لشركة يعني انا اضطريت نحكم شركة بابا بعد ما مرض من وقت ماكان عندي 20سنة"
غزل:"حسب علمي بابا عندو عامين مريض تشما درك نتا عندك 22سنة(وااو عنجد وااو ذكاءك يا غزل معندوش حدود و شكرا على المعلومة) يازح  تسما انا أكبر منك و لازم عليك تحترمني"
آسر:" نحترم ناناك ايا درك انا نوجد روحي باش روح نخدم"
غزل:"لابغيت زعما تقدر توصلني في طريقك"
آسر:"لا مابغيتش 🙂🙃"
غزل بوجه بريء🥺🥺:"باليييز"
آسر:"عبالك حتقييني 🤮🤮🤮🤮روحي وجدي روحك نلقاك هنا في نص ساعة"
طلعت تجري لبست جيب غوج و بودي تع لالان نواغ خمار ڨغي و فانس نواغ