القدر لا يسأل (باللهجة الجزائرية)

الحلقة السابعة عشر

دخل تيم للكلينيك لقا غزل خارجا هي و رمزي راجلها ديراكت حكمها و لعبها مش قادر يتنفس:"دكتورة........مقدرتش ........نتنفس......"
غزل:"رمزي سمحلي منقدرش روح معاك" و مع جا حيرد خلاتو وراها و طلعت للبيرو و تيم مزال لاعبها بصح اول مادخلت للبيرو رجع نرمال هي تشوكات😵😵.
غزل:"اك قلتي مش قادر تتنفس و ضرك رجعتي عادي متقوليش كنتي لاعبها😡😡"
تيم:"ههيهيهيهيهيهي😅😅وي مالا كنتي معاولا نخليك تروحي معا هاداك نقش🤬🤬"
غزل:"وش كون انت باش تخليني ولا متخلينيش🌚🙃 وش دخلك فيا😑😑😠"
تيم:"المرة الألف نقلك مبقيتيش تقولول وش دخلك لانو عندي دخل😤"
غزل:"تيم من الاخر وين حاب توصل😤"
تيم:"غزل انت اكتر واحدا علابالها ويين حاب نوصل بصح عادي نقلك حابك تسمحيني و نرجعو كيف مكنا"
غزل:"اوكي انا مسامحاتك و معنديش مشكل نرجعو كيف مكنا و ماماك حتقبل لا هي نهار عرسنا و مهمهاش و هدداتك انها تقتلني قولي درك كيفاش نرجعو"
تيم:"غزل انت عندك ثقة فيا"
غزل:"وقتو ادا السؤال😑"
تيم:"غزل نحكي صح😤😤"
غزل:"وي عندي ثقة فيك لكان جات معنديش راني مصدقتكش"
تيم:"مالا خلينا نرجعو و نوعدك انو الي صرا قبل ميتعاودش"
غزل:"اوكي موافقة نشوفو وين توصل معاك"
تيم:"حمدلله يا ربي و درك هيا نديك انا تتغداي ميديكش اداك النقش"
غزل:"تقدر تحبس من السب و هيا حتى انا جعت"
روحو لاسلام و سلمى وصلو لوحد الراسطورون كلاس دخلو و طلبو الماكلا.
اسلام:"سلمى نقدر نسقسيك"
سلمى:"علابالي حتسقسيني على ريان"
اسلام:"لكان ماكش قادرا تحكي عادي اصلن انا ميهمنيش مضيك الي يهمني حاضرك معايا"
سلمى:"لا طبعا انت من حقك انك تعرف المهم انا كي كان عمري 18 عامي تع الباك انتقل واحد للقسم تيعنا كان زل كعبة بقلاوا معسلة "
اسلام:"حمحمحم اني هنا احترمي مشاعري شويا😤😠"
سلمى:"خليني نكمل البنات الكل كانو وراه الا انا و غزل اصلن غزل تم كانت على علاقة بتيم أيا السيد اول نهار ليه قعد معايا كان يشري في الهدرا و انا نحكي معاه فوق فوق لاني مرتحتلوش"
اسلام:"كيفك نحبك بصح علاه رمزي تحكي معاه بارياحية"
سلمى:"تقصلي مرا أخرى منكملش و رمزي نحكي معاه لاني راحتلو"
اسلام:"سمحيلي كملي كلي اذان صاغية"
سلمى:"المهم السيد دايمن يحكي معايا بشويا وليت نحكي معاه عادي و زيد بعتلي inv في الفيسبوك ولينا نحكيو ميعديش نهار و منحكيش معاه مبعد والفتو لازم نحكي معاه و ميعديش نهار منحكيوش و في البسم دايمن معايا حتا غزل روماركات اني مبقيتش نحكي معاها مبعد هو جبدا روحو انا محبيتش نجري وراه مع اني والفتو بصح تحكمت في روحي مبعد عداو وحد سمنتين جاني قلي حاب نحكي معاك قلي اوكي تفضل قالي انو هو معجب بيا و حاب يكون معايا  واك علابالك من اداك الخرطي😑😑 و قلي حتى لكان رفضتي نقعدو صحاب💛⁦⁦🤞🏻⁩ قتلو نخمم و نقلك🤔🤔 كي حكيت لغزل قتلي اخطيك منو انا مخديتش رايها و رحت سقسيت عليه بحكم انو علاقتي مع ولاد الليسي كانت مليحة و كنت مضصرتهم  أيا كل طيحولي فيه قالولي حلاب و اخطيك منو بصح انا قلت ام غايرين منو أيا قتلو وي علاقتنا كانت روعا مبعد وحد النهار رحنا انا وياه لوحد الجاردان كنا قاعدين عادي مبعد بدا يتلاح نضت عطيتو كف قدام ملة محمد و فضحتو و رحت من غدوا رحت لليسي عادي دخلت مشفتش فيه رحت قعدت مع غزل اصلن كنت حاكيتلها كي خرجنا راحة السيد جاني قدام الناس يرغي و يعيط مبقيتيش دوري بيا و انت من نهار عرفتك و انت تجري ورايا و تبعتيلي في تصاروك انا هنا هبلت رحت رخستو و زدتو كف بصح الناس اك نعرفها ولاو يشوفو فيا نظرة الطفلة الخيسة حكيت لدارنا بابا بعت مجموعة من الجري عطاوه طريحة الموت بحكم انو يعمل جينرال في العسكر و حبو يبدلولي الليسي و حتا غزل قالي نبدل معاك انا قتلهم منيش غالطا قعدت عادي و مهمنيش في الناس⁦🖕🏻⁩⁦🖕🏻⁩⁦🖕🏻⁩⁦🖕🏻⁩ أيا بقيت نفركت على لبنات الي عرفهم حتان لقيت وحدا حكيتلي حكايتها قوتلها ارواحي لليسي افضحيه و انا توقف معاك أيا جات فضحاتو و انا فضحتو معاها كي حاب يتلاح عليا المهم حتا واحد مابقا يشوف فيه من بعد الناس نسات حكايتي إلا يسرى علا بيها جبدتها اخر مرا"🌚🌚
اسلام:"ادا كامل صرا معاك بصح نستعرف بيك لعبزتيلو قدرو هيا درك ام جابولنا الماكلا ابداي كولي"
سلمى:"و انا كنت نستنى فيك تقولي🙂🌚"
اسلام:"لسانك اداكا قوصي فيه شويا😤😤"
سلمى:"الي يقبلني يقبني بخننونتي🌚🤪"
اسلام ضحك و بقاو يوكلو🤣🤣💛.
اما عزل و تيم وصلو لوحد المطعم بسيط(و سبونج بوب🤣🤣🤣🤣) و كلو و طلبو الماكلا كلاو و كملو كي عاد تيم مرجع غزل للكلينيك قالها:"حبي ادا تقدري احكي مع آسر و قولو حاب نتلاقا معاه باش نحكي في مروضوع مهم"
غزل:"اوكي"
و هبطت دخلت للكلينيك
اما سلمى و اسلام زيد راحو حالاو و زيد داها للكلينيك تكمل خدمتها.
دخلت سلمى للكلينيك راكت ديراكت للبيرو تع غزل باش تحكيلها وش صرا مع تيم. اول ما دخلت للبيرو بدات تسقسي في غزل:"وش قالك وش ديرتي وش جاوبتيه سامحتيه و لا لا"
غزل:"بلعقل بلعقل تنفسي تنفسي شهيق زفير دوك نحكيلك كلش اقعدي"
سلمى و هي تتنفس:"هيا احكي"
و حكات غزل لسلمى كلشي.
سلمى:"اوكي استوعبت كلش🙂🙂🙂بصح وش يصحب من آسر🌚🙃"
غزل:"علمي علمك⁦🤷🏼‍♀️⁩⁦🤷🏼‍♀️⁩⁦🤷🏼‍♀️⁩ المهم ايا درك خليني روح عندي عملية جراحية"
و خرجت و سلمى راحت تدور في لكلينيك حتان شافت.
.
.
.

.
.
.
.
.
.
.
.ستووووووب الحلقة السابعة عشر انتهت.
سلام سلام حبوباتي راكم ملاح مقدرتش نهبط ليامات يفاتو لانو كانت الانترنت تقيلا و حبيت نقلكم صحا عيدكم و كل عام و انتو تعيدو و تزيدو💕💕 و شكون فيكم الشاطرا الي غسلت الدوارا قولو انا يدي مهزيتهاش غير كليت  😂😂 علاجال كرشي نخلي عرشي😂😂 المهم متنساوش نجمتي ⭐⭐ و كومنتار مليح كيفكم و في رايكم وش شافت سلمى 💝💝 أيا بيزوات 💋💋.