القدر لا يسأل (باللهجة الجزائرية)

الحلقة السابعة

عراحت ايلول لتيم للكلينيك باش تحكيلو لانو هوا اقرب واحد لاها في العايلة اول مادخلت حطها ماماه و لا يسرى ناض يعيط و قال:"قلتلكم منصحق حتا واحد حاب نرقد"
المسكينة تفجعت😵و قالتلو:"اسمحلي تيم مكنتش علابالي بيك راقد"و كانت خارجا.
هوا اول ما سمع صوتها ناض وقلها:"سمحني لولا مي كنت حاطت يسرى جات المهم مرحبا بيك ماضمك جيتني غير عندك حكاية لانك عندك اكتر من 4 ايام مجيتيش.
ايلول:"والله الخدمة ني حاصلا فاها وزيد ماماك فوق راصي مي عندك حق في حاجة جيت عندي منحكيليك"
تيم ضحك🤣و قالها:"قتلكشي عندك حكاية هيا هيا صبي الحكاية كاملة من الألف للياء"
و بدات نحكيلو على اسر كلش وش صرا معهم مي مقتلوش اسمو
تيم:"انا باش نعطيك رايي فيه لازم نشوفو و نحكي معاه و نقلك"
ايلول:"وي مام انا خممت كفك و اصلن همو دك يجي للحفلة تعك"
تيم :"حفلة تيعي انا؟؟!!!"
ايلول:"يااك انا مقتلكش تاتا فيروز قررت انو بعد سمانة ديرلك حفلةاصلن بقالك 3 ايام و تخرج من كلينيك" كي قالت انو بعد 3 يام يخرج تفكر انو لازم يقنع غزل في 3يام ادو.
تيم:"اوووووف اصلن الحفلة مش علاجالي ادا كامل باش تبين روحها تسما مروحش"
ايلول:"يااا علاجالي انا ارواح باش نعرفك عليه"
تيم:"اوكي خلي نشوفو ادا الي دالك عقلك" و كملو يحكيو وحد نصف ساعة و ايلول راحت.
ايلول ناضت و دارت نفس الروتين هي و آسر و سلمى و راحت تخدم لبست👇👇👇
وسلمى👇👇
و دخلو يخدمو قررت انو مبقاتش تروح لتيم في 3 يام ادوم و طلبت من الفرملية تعودتجيبلها لزرق للبيرو كانت قاعدا الدور فجأة جاها سامي (سامي أقل مايقال عنه زل زلوش امو كندية و باباه الدزيري و من الخليط ادا جا سامي واحد لمقرمد مي نسملاح يخدم جراح دماغ و من أروع الجراحين لتم من ناحية الجمال 🤤🤤 و الاتقان في العمل في فترة صغيرة و غزل خرطو علا بعضاهم )
سامي:"هاي غزل وشراكي اكي بيان عندي مدة مشفتكش وين راحت السنفورا لوخرا🤣 "
غزل:"والله يا سمسوم راني غايا و انت اما السنفورا راهي دور عند المرضا 🤣🤣" و بثدقاو يضحكو لكن بالصدفة كان تم تيم خرج من غرفتو حب يشوف غزل و كي شافها تشوكا كانت واقفة مع سامي و شايخة بالضحك راحلها وقلها".......ستووووووب
نضحك برك🤣🤣
قالها:"مادموزاال غزل كنت نستنى فيك لاني حاس روحي منيش مليح"
سامي:"مالا انا نروح غزولة مبعد نحكيو"كي عدا بحدا تيم خزر فيه ببرود و خزر في غزل و راح لغرفتو و هي لحقاتو اول مادخلت قفل البااب وراها و قلها:"اااه يالالة انا من نجي نحكي معاك كلمة تڨلبي روحك متعرفينيش والسيد ادا معندكش سمانة متعرفيشو نتي تقوليلو سمسوم وهو يقلك غزولة "
غزل:"مسيو تيم هدي حياتي و انا حرة فاها و انت معندك حتى دخل"
تيم:"نعم نعم مسمعتش وحد الزي تقوليلي وش دخلك سي يا لالا هاد الامر يعنيني" غزل هنا طلعلها ازبا💩💩(حشاكم) لراس 😡😡😡و قاتلو:"وبصفتك شكون تتدخل بابا ولا خويا و لا راجلي الي حقا نسيت كنتي حتكون راجلي مي درك نوو انت واالو بالنسبة ليا"كملت هدرا و عطاتو بدهرها psq قلبها وجعها كي تفكرت و كانت حتبكي🥺🥺🥺 هو فهمها دورها ليه و حضنها و قالها:"والله و راسك انت غير كنت مضطر ماما هي الي لزتني و هددتني انو تقتلك"هي فاقت روحها و دزاتو و قتلو:"الهدرة هادي متنفعنيش درك حل الباب خلي نخرج"
تين:"سي الهدرة هادي تنفع لانو انا تعذبت علابالك علاه درت لاكسيدون لاني كنت كل ليلة مقداها نشرب كنت نشوفك في كل بلاصة نتفكر ضحكتك هدرتك و انا قلبي يتعصر على يعدك وش كنت متوقعة ندير تجيني ماما و انا نلبس و نوجد في روحي كنت طاير بالفرحة الطفلة الي نحبها و نموت علاها حتولي تيعي وحدي مي كلش هبط في الماء كي نعتتلي صورة قناص كان قدام داركم قتلي انو اول منخرجك من داركم بصفتك مرطي حتامرو بش يضرب النار وش كنت متوقعة ندير وانا نتخيل فيك تموتي بين يديا اه قولي"
غزل كي سمعاتو تشوكات مقدرتش تتحمل و قتلو:"تيم يرحم باباك حل الباب و الله ماني قادرا"تيم تفمهما و حلو هي اول ماشافاتو خرجت تجري للبيرو تاحا قفلت الباب و تفلڨت بالبكا😭😭😭😭😭😭😭😭😭😭😭.
نروحو لسنفورتنا سلمى كانت كملت دورا على المرضا و كالعادة هبطت للكافيتيريا وراحت توكل مي ملقاات والو قعدت تتحسر على يامها شافها سامي و راحلها:"وشباها سنفورتي حزينة شكون قلقها دوك نكرفسلو وجهو"
سلمى😂:"حتى واحد سمسوم just جعت و ملقيتش ماكلة"شنفت كيف لبيبي🥺🥺
سامي:"في خاطر ادي التشنيفة درك نخلص عليك غدا في روسطورون هاااي كلاس على اللخر"
ناضت سلمى تجري تنحي قشها تع الخدمة و مام هو راح و مبعد تلاقاو قدام الباب و راحو.
(تتسالو كيفاه سلمى و غزل داصرو سامي للدرجو ادي دوك نحكيلكم غزل اول موصلت لقتهم صح رحبو باها كل و سامي كان عندو عطلة و كي جات سلمى من غدوا جا سامي كي شافوه بدااو يكحلو بالدزيرية في بالهم ميفمهمش حتان نطق و قالهم :"اول مرا نشوف بنات يكحلو عليا بالدزيرية" هما تشوكااو 😱😱 😵 مي هو لطف الجو و عرضهم على لغدا و بحكم انو هما علاجال كرشهم يخلو عرشهم وافقو و من النهار اداك داصرو بعضاهم) اول ما وصلووو كانت الصدمة لقاااو....... ستووووووووب المرا ادي صح 🤣🤣

و انتهت الحلقة سبعة.
لبنات متنساوش نجمتي حق التعب و الله نكتب فاها و انا حنموت بالتعب 😭😭🥺 و لابغيتو كومنتييو أعطوني رايكم و كاشما افكار حبيت تشوفوها و قولو لصحباتكم يجييو يقرااو بليييز 🥺🥺💔.
مع لخر نقلكم نحبكم بزااف و نتلاقاو في الحلقة الجاية⁦❤️⁩😘😘😘
حقا نسيت وش رايكم في سامي