القدر لا يسأل (باللهجة الجزائرية)

الحلقة التاسعة

مع دخلت سلمى لغرفة تيم لقااات يسرى باست تيم  😘 المسكينة جاهاا شوك خرجت تجري(عالعام تجري قول في ماراتون)  عيناها مليانين دموع😭🥺🥺  تيم كي⁦ شاف غزل دز يسرى و راح وراها لقاها  دخلت لبيرو دخل لحقها و قفل الباب
غزل:"مسيو تيم اخرج svp (ارجوك) منيش حابا نحكي معاك اخرج"
تيم:"غزل اسمعيني و الله مانا الي تقربتلها هي كي تحل الباب جات باستني   و انا تشوكيت كي خرجتي دزيتها و جيت ليك"
Flash back:
دخلت يسرى لتيم كالعادة لابسا الي باين اكثر من المغطي بدات تتلصق فيه تيم:"يسرى المرة الألف قتلك وجك منيش حاب نشوفو يازح لصقة متفهميش منحبكش ربك قيليني" يسرى كانت حتهدر مي شافت الباب تحل و شافت غزل من المراية تع الطاقة راحت طول باست تيم و الباقي تعرفوه.
End flash back.
غزل:"و انا لازم درك نصدق الخرطي(الكلام الفارغ)الي تقولي فيه"
تيم:"غزل والله نحبك والله و قتلك قبل كي خليتك ماما حتمتني"
غزل:"نقولو صدقتك هحكيلي وش صرا"
تيم بدا يهدر
Flash back:
كان تيم يلبس في الكوستيم و اسلام يضحك عليه مبعد دخلت امو  جبدت تيليفونها و نعتتلو صورة غزل و هي خارجة من الكوافور هو شاف فاها بحيرة🤨🤨🤔
مادام فيروز:"كاين 2 قناصين واحد قودام كوافور  يسنو في امر مني و يطلقو النار على غزل و الا كنتي حابها تمنع كاين حل تروحلها درك و تقللها انك ماكش مستعد ترتبط باها و حتروح ديراكت ال كندا"
تيم:"لالا انت هبلتي واقيل علابالي متحبيش غزل مي متوصلش انك ديري كفك لانو انا نحبها"
مادام فيروز:"علابالك انو منيش حنتردد و نقتلها وش قررتي"
تيم ما لقا ميدير لانو علابالو امو حتقتل غزل دونك قرر بنفذلها طلبها و الباقي تعرفوه.
End flash back.
و زيد حكالها وش صرالو في كندا من دار اكسيدون و كي كان يشرب الخ الخ الخ.
هي جاهل شوك قاعدا غير تبكي 😭😭🥺 تيم باش يهداها راح عنقها وحد ربع ساعة و هوما قعدين كفك حتان سمعو وحد يطبطب عليهم راحت غزل تحل في الباب و تيم قاعد يسب في الي كان يطبطب و الي يطبطب كان........

ستووووب الحلقة التاسعة انتهت.

نضحك برك😂😂😂
كي حلت غزل الباب لقات سامي جبلها معاه بيتزا تيم كي شافو تقلب 😡😡 راح طول وقف مع غزل وقال لسامي:"وش جابك انت"
سامي كي شافو خزر فيه كفك😒😒 و دار لغزل:"حملي جبتلك بيتزا و وليت نعيطلك حملي لانو سلمى قتلي انك برج الحمل وش رايك في الاسم"
غزل بتوتر😅😅:"وي مليح و مرسي على البيتزا" سامي:"بيناتناش" جا يبوسها على خدها و يدزو تيم  و يدخل غزل للبيرو و يقفل الباب.
غزل دارت لتيم و قتلو:"باي حق دير كفك "
تيم:"نخليه يبوسك نورمال عندك نتي طحان انا قدامك"😡😡
غزل:"و انتوش دخلك نا صح سامحتك مي انت درك معندش حق في حياتي لانو عندك خطيبتك و درك تقدر تخليني وحدي"😒😒
تيم خرج و هو يغلي دخل لغرفتو قعد شوي و تفكر انو اليوم آخر نهار ليه عيط لاسلام باش يديه للدار والي طبعا وافق بكل صدر رحب باش يقابل سلمى.
غزل كيخرج  تيم مقدرتش توكلراحت تشوف في قائمة المرضا تحا و لقات انو اليوم آخر نهار لتيم و لازم علاها ديرلو فحص تسما راحت ال بيتو  كي وصلت لقاتو قاعد قدام الطاقة طلبت منو انو يقعد فوق السرير باش تفحصو هو مقيمهاش لانو حس  بالاهانة كي سحتاتو كملت خرجت حست بالاستغراب  كي محكاش معاها مي محطتش في بالها جا اسلام عاون  تيم و خرجو كي عاوصلو قدام الباب لقاو سامي واقف مع سلمى و يضحكو 😂 اسلام قريب ينڨز عليه و يقتلو مي هدا روحو باش ميديريش السمير .
تيم:"ها رب هاااا ادا من وحدة لوحدا"
اسلام:"وش قصدك " و حكالو تيم كلش
اسلام:"لكان نحكمو نكرفصو مي حاس روحي شفتو قبل" و راحو ديركت لشقة تع تيم.
اما غزل راحت للبيرو باش تكمل خدمتها اما يا حسرا و تصدم علاها سلمى مالعسكري⁦🤦🏼‍♀️⁩⁦🤦🏼‍♀️⁩.
سلمى:"يا خرا 💩💩من الصباح و انا نفركت عليك وين كنتي عندي منحكيليك"
غزل:"والو كنت ندور على المرضى تحكيلي وش حكايتك"
حكاتلها سلمى كلش من من الألف لياء.
غزل:"وانت وش قررتي؟"
سلمى ............
.

ستووووب الحلقة تسعة انتهت.
مطولتش عليكم المرا هادي اسكتو برك اني ديبريميت 😭😭😭😭🥺🥺🥺🥺 💔 كنت حاطا ماكانش بيام مي ان قالوو كاين تسما حنبدا ريفيزي و نطول باش نهبط المهم ادعولي و حطو كومنتار و نجمة و قولو لصحباتكم يجيو يقراو لكرونيك.
Luv u babes❤️❤️❤️♥️