القدر لا يسأل (باللهجة الجزائرية)

الحلقة السادسة

هتذكير راحت ايلول لدار آسر و تلاقات بغزل و سلمى وتعرفو و اول ما قالت اسمها  غزل و سلمى  تشوكااو😱😱😱😱.
غزل:"مرحباا بيك و تشرفنا بمعرفتك".
ايلول:"ميرسي⁦❤️⁩مام انا تشرفت بيكم".
مبعد ناضت غزل و ايلول يوجدو في طابلا.
ايلول:"اختك و صحبتها باينين انتيك خلاه"
اسر:"وي 🙂 اصلن لازم تتعودي عليهم خاصة حيجي يوم و تولي من وحدة منا" ايلول حشمت و خدودها حمارو 😶😳😳 اسر كي شاف وجها حمار شرد فاها و مافاقش حتان سمع غزل و سلمى يعيطولهم تلمو في الطابلة و كان كاين واحد الجو تع كااالم حتان نطقت سلمى:"مالا من وكتاه ونتوما مع بعضاكم و يخا ماصرا بينااكم والو" ايلول شرقت من سؤالها فجأة خاصة كي كملاتو قرستها غزل بش تقفل فمها و دارلها آسر و قالها:"عندنا 4 ايام و في رايك حتصرا حاجا في 4 يام" ايلول تشوكات فيه توقعت منو انو حيقولها 4 يام برك مي هو زيد عماها 😂😂😂 كملو و قعدو شوي مبعد ايلول قالت:"انا اداك الوقت باش روح برك"
غزل:"علاه مزال الوقت خلي اقعدي شوي"
ايلول:"لا اداكو أيا باي"
ناض اسر معاها باش يخرجها هما خرجو من و دارت سلمى لغزل و قالتلها:"ياااااا في رايك وش تكون لتيم"🤔🤔
غزل:"بنت عمو"
سلمى:"امبوحال بنت عمو يعني اخت المسمومة تع يسرى انت اديك شيطان و ادي ملايكا مي جامي شفتها حتى في الخطبة"
غزل:"وي اختها و مشفتيهاش لانها كانت تقرا هنا" ناضو لبنات يفرزو في الحالة.
انا آسر و ايلول طريق كاملا و هوما ساكتين  كي وصلو ايلول قبل متهبط دارت لآسر كانت حتبوسو على خدو مي هو تان دور وجهو كان حيحكي معاها مي صرااات الي في بالكم اديييك بعد نفس لصرات لاسلام و سلمى 🤣🤣نعم يا سادة جات شفايفهم فوق بعض ايلول من الشوك خرجت طول تجري حتان قريب طاحت و آسر ميت بالضحك 😂😂علاها رجع للدار و طريق كاملا و هموا يمس في فمو و يتبسم عاجبو الحال 😹 حتان فاق مع روحو و ضرب روحو بكف و تفكر انتقامو و قال لروحو:"هي كيفها كيف لبنات كول لعرفتهم قبلها"
روحو ليسرى الي محكيناش علاها خلاه من اخر مرا راحت لتيم ماعدتش رجعت مقديا ايامها الكووول في  الملهى مع صحابها عيطتلها اليوم مادام فيروز باش يروحو يزورو تيم هي عجبها الحال خاصة كانت حابة تشوفو مي تخاف منو هي تحبو من الصغر مي هو حب غزل و قررت متخليشو لاها و تديه غير هي راحت لبست غوب حمرا الي باين فيها اكتر من المغطي زعما باش تغريه معلابلهاش انو حجا متتحرك فيه لانو في قلبو كاين غير غزل الي بضحكة منها تخليه يطير في سابع سما و تلاقات هي و فيروز قدام الباب و دخلو لتيم لقاوه حاكم التليفون و يكونيكتي اول مادخلت راحت تلاحت تعنق فيه هو مابدلهاش و بعدها عليه هي بعدت و لعبتها راحت تمشي و تتعوج و قعدت فوق الكرسي دار تيم لامو و قالها:"نووو جامي منصدقش مادام فيروز اكرمت عليا بكرمها و قررت تجي طول عليا "و خزر فاها ببرود😏🥶
مادام ف:"تيم عابالك انو بعد مدرتي لاكسيدون انا لاتيا بالشركة مقدرتش نجيك اما المسكينة يسرى خافت تانا تزيد تبعدها ماجاتش"
تيم:"أيا باهي درك اخرجو حنرقد"(في منتصف الجبهة)
مادام ف:"يعني احنا نجيو و نشقااو علاجالك و انت ديرلنا كيفك"
يسرى:"شفتي طاطا انت ماماه دارلك كفك مالا انا وش كان حيديرلي "
و هو حطهم في ثقيل  و راقد و صمم انو غدوة يفهم غزل باي طريقة .
خرجت مادام فيروز و يسرى و لقاو ايلول داخلا لتيم طقلوها وعدو خاصة انو هما ميتفهموش معاها psq وقفت مع تيم كي حب يرجع  لدزاير و يشرح لغزل كلش.
ستتتوب انتهت الحلقة السادسة
سوري لبنات علابالي توخرت مي والله تعبانة في حالة و مريضا اعذروني و زيد البارت قصير نشالله من نشوف روحي رتحت نهبط البارت الجاية نحبكم⁦❤️⁩⁦❤️⁩🥰 متنساوش نجمتي باش تفرحوني بليييز 🥺🥺