( U&Z )
"ဥပက္ခာပြုခံရခြင်း၏နောက်ဆက်တွဲ ... "
__________________________
ကျောင်းထဲက ကန်တင်းရှိ ကော်ဖီဆိုင်တွင် Kris ၊ ဇွဲမာန်၊ ဆောင်းညတို့ သုံးယောက်သား ဟိုဟိုဒီဒီ စကားပြောရင်းနဲ့ အေသင်ကို စောင့်နေမိကြ၏။
"Kris မင်းအေသင်ကို ဖုန်းဆက်ထားတယ်မှတ်လား ... "
ဇွဲမာန်က မေးလိုက်သည်။
"အင်းလေ ဆက်ထားတယ်... "
"ဘာလို့ သူကြာနေတာလဲ မသိဘူး သူတို့ဌာနနဲ့ ဒီကန်တင်းနဲ့ ဘယ်လောက်မှလည်း ဝေးတာ မဟုတ်ပဲနဲ့ ... "
ဇွဲမာန်က စိတ်မရှည်စွာ ပြောလိုက်ရင်းဖြင့်ကော်ဖီဆိုင် အဝင်ဝကို လှည့်ကြည့်လိုက်သေး၏။ အေသင့်ရဲ့ အရိပ်အယောင်ကို မမြင်တော့မှ ပြန်လှည့်ပြီး သူ့ကော်ဖီကို သောက်နေသည်။
"ဟိုမှာ လာနေပြီ မယ်စပ်စု ... "
Krisက ဆိုင်အဝင်ဝနဲ့ မျက်နှာချင်းဆိုင် ဖြစ်နေတာမို့ အေသင်ကို လှမ်းမြင်လိုက်တာနှင့် ပြောလိုက်သည်။ ဆောင်းညနဲ့ ဇွဲမာန်လည်း ဆိုင်အဝင်ဝကို အကြည့်ရောက်သွားကြသည်။
အေသင်က ခပ်သွက်သွက် ခြေလှမ်းတွေနှင့် ဆိုင်ထဲ ဝင်လာခဲ့ပြီး ဆိုင်ထဲသို့ ဟိုဟိုဒီဒီ တစ်ချက် ဝေ့ဝဲရှာလိုက်ပြီးေနာက် ဆောင်းညတို့ကို မြင်သွားလေသည်။
သူငယ်ချင်းတွေရှိရာ ဝိုင်းသို့ အေသင်ကရောက်လာခဲ့ကာ သူမ ကျောပိုးအိတ်လေးကို ဘုတ်ခနဲပစ်ချ၍ ထိုင်ခုံမှာ ဝင်ထိုင်လိုက်၏။
"နင်လည်း လာသေးတယ်နော် ... "
"အေးလေ ကြာပါ့ ဘာလုပ်နေလို့လဲ ဒီလောက်ကြာနေတာ ... "
"နင်ဘာစားမှာလဲ ... "
အေသင် ရောက်လာတာနှင့် သုံးယောက်သား တစ်ယောက်တစ်ခွန်း ပြောနေကြတော့သည်။
"အမလေး ငါ့ကို အမောလေးတော့ ဖြေခွင့်ပေးကြပါဦး ... လမ်းမှာ ငါသတင်းလိုက်ခဲ့ရလို့ နင်တို့နဲ့ ချိန်းထားတာ နောက်ကျနေပြီဆိုပြီးတော့ အသဲအသန် ပြေးလာခဲ့ရတာ ... "
"ဘာ ... နင်က စပ်စုနေတာပေါ့လေ လမ်းမှာ ... ငါတို့ကတော့ ဒီမှာ စောင့်နေလိုက်ရတာဟာ ... "
YOU ARE READING
ချစ်ရပါသော ဆောင်းည(Normal)
Romance(Unicode &Zawgyi) နိုင်ငံရဲ့ နာမည်ကျော် အနုပညာတက္ကသိုလ်ကြီးတစ်ခုမှ နာမည်ကြီး King ကျောင်းသားတစ်ယောက်။ ဇာတ်ညွှန်းမေဂျာမှ အနေအေးတဲ့ သာမာန်ကျောင်းသူ ကောင်မလေး။ သူတို့နှစ်ယောက်ရဲ့ အချစ်ဇာတ်လမ်းလေး။ တဖက်သတ် အချစ်တစ်ခုနဲ့ တက္ကသိုလ် ကျောင်းသားဘ၀။ ႏိုင္ငံရဲ...
