( U&Z )
"ထိုအပြုံးလေးတွေကို အမြင်ကတ်ရသလို ... ထိုအပြုံးလေးတွေကိုပဲ ရင်ခုန်မိခဲ့တယ်... "
___________________________ရိုက်ကွင်းက ကျောင်းဝင်းထဲမှာ တည်ထားတာဖြစ်သည်။ ရိုက်နေသည့် scene ကတော့ သည်နေ့သစ်နဲ့ အခြားဇာတ်ရံသရုပ်ဆောင်တစ်ယောက်တို့ စကားပြောနေကြသည့် အခန်းဖြစ်၏။
"ငါတို့ဟာ လူငယ်တွေပါ ငါတို့မှာ အနာဂတ်အတွက် အိမ်မက်တွေရှိတယ်...
အဲ့ဒီ့အိမ်မက်တွေ အမှန်တကယ်ဖြစ်လာဖို့ကတော့ ငါတို့ရဲ့ ကြိုးစားမှုပေါ်မှာပဲ မူတည်နေတယ်... ""တစ်ခါတစ်ရံမှာ ဘဝဆိုတာ ကိုယ်ဖြစ်ချင်တဲ့အတိုင်း ဖြစ်လာခွင့် ရတာမျိုးမှ မဟုတ်တာ ...
ကြိုးစားပေမယ့်လည်း အခက်အခဲဆိုတာ ရင်ဆိုင်ကြုံတွေ့ရမြဲပဲဲ ...
ခက်ခဲလွန်းချိန်တိုင်းမှာလည်း ခြေကုန်လက်ပန်း ကျသွားနိုင်တာပဲလေ ... ""ယုံကြည်ချက်အပြည့် ဇွဲ လုံ့လ ဝီရိယအပြည့်နဲ့ ဆက်ကြိုးစား နေခဲ့မယ်ဆိုရင်တော့ လဲကျသွားလည်း ပြန်ထလာနိုင်မှာပါကွာ ... "
စကားပြောပြီးသည့်အခါမှာ သရုပ်ဆောင်နှစ်ယောက်က ကျောင်းတော်ကြီးကို လှမ်းငေးကြည့်နေကြ၏။ ထိုအချိန်မှာပင် ဒါရိုက်တာဆီမှ အသံထွက်လာခဲ့သည်။
"Cut ... အိုခေ ... ရပြီ ... "
ဒါရိုက်တာဆီကနေ အသံကြားလိုက်တာနှင့် ရိုက်ကူးရေး လုပ်နေကြစဉ် ငြိမ်သက်နေကြသည့်သူတွေ လှုပ်လှုပ်ရှားရှားဖြစ်သွားရသည်။
"နှစ်ယောက်လုံး ပင်ပန်းသွားကြပြီ အရမ်းကောင်းတယ် တော်တယ်... "
သည်နေ့သစ်နဲ့ အရံသရုပ်ဆောင်ကို စီနီယာဒါရိုက်တာက ချီးကျူးစကား အားပေးစကား ပြောလိုက်ပြီးနောက် လက်ထောက်ဒါရိုက်တာကို ရှုတင်ခဏနားဖို့ ပြောလိုက်လေ၏။
"ရှုတင်ခဏ နားကြရအောင် ရန်လေး ပြီးရင် နောက် scene အတွက် ပြင်ထားလိုက်နော်... "
"ဟုတ်ကဲ့ စီနီယာ ... ကဲ ကဲ ရှုတင် ခဏနားကြမယ် အားလုံးပဲ ... "
YOU ARE READING
ချစ်ရပါသော ဆောင်းည(Normal)
Romance(Unicode &Zawgyi) နိုင်ငံရဲ့ နာမည်ကျော် အနုပညာတက္ကသိုလ်ကြီးတစ်ခုမှ နာမည်ကြီး King ကျောင်းသားတစ်ယောက်။ ဇာတ်ညွှန်းမေဂျာမှ အနေအေးတဲ့ သာမာန်ကျောင်းသူ ကောင်မလေး။ သူတို့နှစ်ယောက်ရဲ့ အချစ်ဇာတ်လမ်းလေး။ တဖက်သတ် အချစ်တစ်ခုနဲ့ တက္ကသိုလ် ကျောင်းသားဘ၀။ ႏိုင္ငံရဲ...