( U&Z )
"ပို၍သာ အနေနီးချင်မိတယ်... "
_____________________မပြေလည်ခဲ့တဲ့ ဆက်ဆံရေးတွေ အားလုံး ရပ်တန့်သွားခဲ့ပြီးနောက် သည်နေ့သစ် တစ်ယောက် ဆောင်းည အနားသို့ မကြာခဏ ဆိုသလို အကြောင်းအမျိုးမျိုးနှင့် ရောက်ရောက်လာခဲ့လေသည်။
ဆောင်းည ရှိနေသည့် နေရာတိုင်းလိုလိုမှာ သည်နေ့သစ်ကို အမြဲတွေ့လာ ရတတ်၏။
ထိုသို့ အတွဲလိုက် မြင်ရပါများလာသည့်နောက်တွင် ကျောင်းသားတွေကြားမှာ အထင်အမြင် နှစ်ခုပြောစရာတွေဖြစ်လာခဲ့သည်။တစ်ခုက သည်နေ့သစ်သည် ဆောင်းညကို သူငယ်ချင်းအဖြစ် အလွန်အမင်း ခင်တွယ်နေခြင်း ...။ နောက်တစ်ခုကတော့ သည်နေ့သစ်သည် ဆောင်းညကို တကောက်ကောက် လိုက်၍ ပိုးပန်းနေခြင်း ...။
နှစ်ခုထဲက တိတိကျကျ တစ်ခုကိုေတာ့ ဘယ်သူမှ ရေရေရာရာ မပြောနိုင်ကြသေးပေမယ့် ထိုအကြောင်းအရာ နှစ်ခုလုံးကတော့ ထင်ကြေးပေး အပြောများဆုံးဖြစ်နေခဲ့၏။
ဆောင်းညရဲ့ သူငယ်ချင်း သုံးယောက်မှာလည်း ထိုကိစ္စအတွက်နဲ့ အမြင်မတူတာတွေ ရှိလာခဲ့ကြသည်။
အေသင်နဲ့ ဇွဲမာန်ကတော့ ...။"သည်နေ့သစ်က နင့်ကို ခင်လွန်းလို့ လိုက်ကပ်နေတာပဲဖြစ်ဖြစ် ကြိတ်ကြိုက်နေလို့ နင့်အနောက် လျောက်လိုက်နေတာပဲဖြစ်ဖြစ် ... ဘာပဲဖြစ်ဖြစ် ငါတို့က လက်ခံနိုင်တယ်တယ်...
သည်နေ့သစ်လိုလူနဲ့ သူငယ်ချင်းပဲဖြစ်ဖြစ် ချစ်သူပဲဖြစ်ဖြစ် ပက်သက်ခွင့်ရတာ ဘာမှစိတ်ပျက်စရာ မရှိဘူးလေ မဟုတ်ဘူးလား ... "Kris ကတော့ ထိုကိစ္စနဲ့ ပက်သက်ပြီးဆောင်းညကို သတိပေးလာခဲ့၏။
"သည်နေ့သစ်က ခင်လွန်းလို့ ရိုးရိုးသားသား လိုက်ကပ်နေတာဆိုရင် အကြောင်းမဟုတ်ဘူးပေါ့ဟာ ...
အေး .. အဲ့လိုမှ မဟုတ်ပဲနဲ့ နင့်ကို မရိုးမသားစိတ်နဲ့ လိုက်ကပ်နေတာဆိုရင် နင့်ကိုယ်နင် အရင်ဆုံး ပြန်မေးကြည့် ... ငါဒီလူ့ကို ပြန်ချစ်နိုင်ပါ့မလားဆိုတာ ...
အစထဲက ပြန်ချစ်ဖို့ စိတ်ကူးမရှိဘူး ဆိုရင်သူနဲ့နင် ဝေးဝေးနေဖို့ ငါနင့်ကို သတိပေးချင်တယ် ဆောင်းည ...
နင်အရင်တုန်းက ကိစ္စတွေကို မှတ်မိနေမှာပါ ... ရှိုင်းနဲ့ နင်ဘယ်လို ဆက်ဆံရေးကနေ ပြောင်းလဲ သွားလဲဆိုတာ ...
ငါက အရင်က ကိစ္စတွေကို အစဖော်ပြီးတော့ နင့်ကို စိတ်ညစ်အောင် ပြောနေတာမဟုတ်ဘူးနော် ဆောင်းည ...
နင့်ကို နောက်ထပ်တစ်ခါ ဒီလိုကိစ္စတွေနဲ့ စိတ်မညစ်စေချင်လို့ ပြောနေတာ ... "
YOU ARE READING
ချစ်ရပါသော ဆောင်းည(Normal)
Romance(Unicode &Zawgyi) နိုင်ငံရဲ့ နာမည်ကျော် အနုပညာတက္ကသိုလ်ကြီးတစ်ခုမှ နာမည်ကြီး King ကျောင်းသားတစ်ယောက်။ ဇာတ်ညွှန်းမေဂျာမှ အနေအေးတဲ့ သာမာန်ကျောင်းသူ ကောင်မလေး။ သူတို့နှစ်ယောက်ရဲ့ အချစ်ဇာတ်လမ်းလေး။ တဖက်သတ် အချစ်တစ်ခုနဲ့ တက္ကသိုလ် ကျောင်းသားဘ၀။ ႏိုင္ငံရဲ...