( U&Z )
"ရင်ခုန်ခြင်း ပျော်ရွှင်ခြင်းတွေနဲ့ ခရီးလေး ... "
___________________________"လူငယ်တစ်ယောက်ရဲ့ အိမ်မက်ပန်းတိုင်" ရုပ်ရှင်ကား၏ နောက်ဆုံးဇာတ်ဝင်ခန်းများသာ ရိုက်ကူးဖို့ ကျန်တော့သည့်အချိန်ကိုရောက်လာခဲ့လေသည်။
နောက်ဆုံး ဇာတ်ဝင်ခန်းနှစ်ခန်းကို နယ်ဘက်က မြို့လေးတစ်မြို့မှာ သွားရိုက်ဖို့အတွက်ရိုက်ကူးရေးကျောင်းသားတွေအားလုံး ခရီးထွက်ဖို့ ပြင်ဆင်နေကြလေ၏။Express ကားတစ်စီးလုံးငှါးထားတာမို့ ကားတစ်စီးလုံးမှာ ကိုယ့်လူတွေနဲ့သာ ရှိနေ၏။ ကျောင်းသားေတွက ကားပေါ်သို့ အလျို လျို တက်လာကြပြီးထိုင်ခုံနေရာယူ၍ အထုတ်အပိုးတွေ ေနရာချနေကြသည်။
ဆောင်းညလည်း ကားပေါ်သို့တက်လာပြီး ထိုင်ခုံနေရာတွေကိုလိုက်ကြည့်မိ၏။
နှစ်ခုံတွဲခုံတွေက ပြည့်တဲ့နေရာတွေက ပြည့်နေကြပြီဖြစ်သည်။
လူမရှိသေးသည့် နှစ်ခုံတွဲတစ်ခုမှာ သူမဝင်ထိုင်လိုက်လေသည်။
မှန်ပြတင်းပေါက်နားမှာ နေရာယူ၍ ဝင်လိုက်ကာ သူမဘေးက ထိုင်ခုံကို Krisအတွက် စဉ်းစားပြီး နေရာဦးထားပေးလိုက်၏။"ကဲ ကဲ ကဲအောက်မှာရှိနေတဲ့လူတွေ ကားပေါ်တက်ကြမယ်နော်ခရီးထွက်တယ်ဆိုတာ အချိန်အခါရှိတယ်...
အခုချိန်ထွက်မှ ဟိုကိုစောရောက်မှာ ... "တစ်ဖွဲ့လုံးရဲ့ခေါင်းဆောင်ဖြစ်သည့် ပိုင်ဝေက ကားအောက်မှာ ကျန်နေသည့် သူတွေကို လှမ်းအော်နေတာ ဖြစ်သည်။
စီနီယာပိုင်ဝေ လှမ်းအော်လိုက်ပြီး တစ်ခဏ၌ ကျန်နေသည့်သူတွေ အကုန်လုံး ကားပေါ်သို့ တက်လာခဲ့ကြ၏။
ရှေ့ဆုံးက တက်လာသူက သည်နေ့သစ်ပဲဖြစ်သည်။
သူ့မျက်လုံးတွေက ဆောင်းညကို အရင်ဦးဆုံး ရှာကြည့်ပြီးမှ သူမထိုင်နေသည့်လေးတန်းမြောက်ထိုင်ခုံနေရာကို လျောက်လာခဲ့လိုက်၏။"Kris ဒီကိုလာ ... "
ဆောင်းညက သည်နေ့သစ်အနောက်မှလိုက်လာသည့်Krisကိုလှမ်းခေါ်နေပေမယ့်သူမဘေးမှာ လာထိုင်လိုက်သူကတော့ သည်နေ့သစ်ပဲ ဖြစ်သည်။
YOU ARE READING
ချစ်ရပါသော ဆောင်းည(Normal)
Romantika(Unicode &Zawgyi) နိုင်ငံရဲ့ နာမည်ကျော် အနုပညာတက္ကသိုလ်ကြီးတစ်ခုမှ နာမည်ကြီး King ကျောင်းသားတစ်ယောက်။ ဇာတ်ညွှန်းမေဂျာမှ အနေအေးတဲ့ သာမာန်ကျောင်းသူ ကောင်မလေး။ သူတို့နှစ်ယောက်ရဲ့ အချစ်ဇာတ်လမ်းလေး။ တဖက်သတ် အချစ်တစ်ခုနဲ့ တက္ကသိုလ် ကျောင်းသားဘ၀။ ႏိုင္ငံရဲ...