( U&Z )
"လွဲမှားနေပေမယ့် ထိုလွဲမှားခြင်းကိုသာ သူဖမ်းဆုပ်ထားချင်၏ ... "
___________________________ဒီနေ့တစ်နေကုန်လုံး ရိုက်ကူးရေးကျောင်းသားအဖွဲ့တွေ တစ်မြို့လုံးက အထင်ကရနေရာတွေကိုလျောက်လည်ဖြစ်ကြ၏။
တစ်ဖွဲ့လုံးပျော်ပျော်ပါးပါးနဲ့လျောက်သွားကြရင်း ညနေသုံးနာရီလောက်မှ တည်းခိုအိမ်ကိုပြန်ရောက်လာကြသည်။
ထိုအချိန်ထိ မှူးသီဟက သူတို့ဆီသို့ရောက်မလာခဲ့သေးပေ။
မှူးသီဟရောက်မလာတာကိုပင်နေ့သစ်တစ်ယောက်ကြိတ်၍ကျေနပ်နေမိ၏။
ဒီနေ့အတွက်ရာသီဥတုက ကိုယ့်ဘက်မှာဆိုတာသေချာနေပါသည်။သူတို့အဖွဲ့က ဒီနေ့တစ်ညအိပ်ပြီး မနက်ကျရင်ထပြန်ကြမှာပဲဖြစ်၏။
ပြီးတော့ ဒီညမှာ ရိုက်ကူးရေးတွေပြီးဆုံးသွားခြင်းအတွက်အမှတ်တရပါတီပွဲလေးလုပ်ဖို့လည်း ရှိသည်။
ထို့ကြောင့်လျောက်လည်ကြရာက ပြန်လာသည်နှင့် ပါတီအတွက်ပြင်ဆင်နေကြရသည်။
တည်းခိုအိမ်က ခြံကျယ်ဝင်းကျယ်နဲ့နှစ်ထပ်အိမ်ကြီးဖြစ်ပြီး အိပ်ခန်းတွေလည်း အများကြီးပါ၏။
အိမ်ပိုင်ရှင်တွေက ဒီအိမ်ကိုအပျော်ခရီးထွက်လာသူတွေအတွက်သာ ခဏတာငှါးဖို့သီးသန့်ထားခြင်းဖြစ်သည်။
ငှါးရမ်းတည်းခိုသူတွေ လိုအပ်တာခိုင်းလို့ရအောင်လည်း အိမ်စောင့်လင်မယားယား နှစ်ယောက်လည်း ထားပေးထား၏။သူတို့ကတော့ အိမ်ကြီးပေါ်မှာနေတာမဟုတ်ဘဲ အနောက်ဘက်က တစ်ထပ်တိုက်လုံးချင်းလေးမှာနေကြတာဖြစ်သည်။
သူတို့အဖွဲ့တစ်နေကုန်လျောက်သွားနေကြသည့်အချိန်တွင်ထိုအိမ်စောင့်လင်မယားအား ပါတီအတွက်လိုအပ်တာတွေကို ဝယ်ခြမ်းထားခိုင်းခဲ့တာဖြစ်၏။
ညကျမှပါတီစမှာဆိုပေမယ့်ပြင်ဆင်စရာရှိတာတွေကိုတော့ ညနေလေးနာရီလောက်ထဲက သူတို့အဖွဲ့တွေလုပ်နေကြတာဖြစ်သည်။
ယောကျာင်္းလေးတွေက စားပွဲခုံတွေခင်းတာ မီးအလှဆင်တာတွေလုပ်နေကြပြီး မိန်းခလေးတွေကတော့ Barbecueအကင်မျိုးစုံအတွက်ပြင်ဆင်နေကြ၏။
ဆောင်းညကတော့ အသီးအနှံတွေကိုရေဆေးဖို့အတွက်တာဝန်ကျတာကြောင့်ခြံထဲကဘေစင်မှာ သူမတစ်ယောက်ထဲအလုပ်ရှုပ်နေလေသည်။
YOU ARE READING
ချစ်ရပါသော ဆောင်းည(Normal)
Romance(Unicode &Zawgyi) နိုင်ငံရဲ့ နာမည်ကျော် အနုပညာတက္ကသိုလ်ကြီးတစ်ခုမှ နာမည်ကြီး King ကျောင်းသားတစ်ယောက်။ ဇာတ်ညွှန်းမေဂျာမှ အနေအေးတဲ့ သာမာန်ကျောင်းသူ ကောင်မလေး။ သူတို့နှစ်ယောက်ရဲ့ အချစ်ဇာတ်လမ်းလေး။ တဖက်သတ် အချစ်တစ်ခုနဲ့ တက္ကသိုလ် ကျောင်းသားဘ၀။ ႏိုင္ငံရဲ...