( U&Z )
"ငါ့ရဲ့ချစ်ရပါသော ဆောင်းည... "
_____________________
အက်စီးဒင့်ဖြစ်ပြီးတစ်လေကျာ်ကြာသောအခါ ...။
"ဟော သမီးတောင်ရောက်လာပြီလား ... "
ဆေးရုံရဲ့V.I.Pသီးသန့်ခန်းထဲကို သူမဝင်လိုက်သည်နှင့် အခန်းထဲမှာ ရှိနေသည့် နေ့သစ်ရဲ့အမေဒေါ်ခင်နှင်းသစ်က သူမကိုလှမ်းကြည့်ပြီးပြောလိုက်၏။
"ဟုတ် အန်တီ ... "
ဆောင်းညက ပြုံးပြပြီးပြန်ဖြေလိုက်ကာဒေါ်ခင်နှင်းသစ်အနားမှာ ဝင်ထိုင်လိုက်သည်။
"ဒီကိုနေ့တိုင်းလာလာနေတာ သမီးအတွက်ပင်ပန်းပါတယ်ကွယ်...
တစ်ရက်ခြားနှစ်ရက်ခြား ဒါမှမဟုတ်ကျောင်းပိတ်ရက်တွေကျမှပဲ လာခဲ့ပါလား သမီးရယ်... "
သားဖြစ်သူ ဆေးရုံစတက်တဲ့အချိန်ကနေ အခုထိ တစ်ရက်မပျက်ပဲ ရောက်လာတတ်သည့် ဆောင်းညကို ဒေါ်ခင်နှင်းသစ်က အားနာစိတ်နဲ့ပြောမိ၏။
"ဆောင်းည မပင်ပန်းပါဘူး အန်တီရယ်...
ဆောင်းည နေ့သစ်ဆီကို နေ့တိုင်းလာပြီး ကူညီပြုစုပေးချင်လို့ပါ ... "
ဆောင်းညက ဆေးရုံကုတင်ပေါ်မှာ လဲလျောင်းနေသည့် နေ့သစ်ကို လှမ်းကြည့်ပြီးပြော၏။
နေ့သစ်က ကားအက်ဆီးဒင့်ဖြစ်ပြီးနောက်အသက်အန္တရာယ်စိုးရိမ်ရတဲ့ အခြေအနေကနေ လွတ်မြောက်လာပေမယ့် သတိတော့ ပြန်လည်မရလာသေးပေ။
သူမေ့မျောနေတာ တစ်လခန့်ပင်ရှိနေခဲ့ပါပြီလေ ...။
"သူဒီလိုဖြစ်နေရတာ ဆောင်းညကြောင့်လည်းပါတယ် ဆောင်းည အပြစ်မကင်းသလို ခံစားရတယ်အန်တီ ... "
ပြောနေရင်းနဲ့ သူမမျက်ရည်ဝဲနေမိသည်။
ဒေါ်ခင်နှင်းသစ်က ဆောင်းညနဲ့ သူမရဲ့သားနေ့သစ်တို့ ချစ်သူတွေဆိုတာ သိထားပြီးသားပါ။
သူမရဲ့သား ဘာကြောင့်ကားအက်ဆီးဒင့်ဖြစ်ရသလဲဆိုတာလည်း သိထားပြီးသားပဲဖြစ်၏။
သို့ပေမယ့် ဒေါ်ခင်နှင်းသစ်ရော သသူမခင်ပွန်းကပါ ဘယ်သူ့ကိုမှ အပြစ်မတင်ခဲ့ပေ။
ဒါတွေက ဖြစ်ချိန်တန်လို့ ဖြစ်သွားရတဲ့ကိစ္စတစ်ခုလို့သာ မှတ်ယူပါသည်။
ပြီးတော့ ဒီမိန်းခလေးသည် ကိုယ့်ရဲ့သားကိုယ်တိုင်က အရမ်းချစ်ရပါသည်ဆိုတဲ့ မိန်းခလေးမို့ ...။
YOU ARE READING
ချစ်ရပါသော ဆောင်းည(Normal)
Romance(Unicode &Zawgyi) နိုင်ငံရဲ့ နာမည်ကျော် အနုပညာတက္ကသိုလ်ကြီးတစ်ခုမှ နာမည်ကြီး King ကျောင်းသားတစ်ယောက်။ ဇာတ်ညွှန်းမေဂျာမှ အနေအေးတဲ့ သာမာန်ကျောင်းသူ ကောင်မလေး။ သူတို့နှစ်ယောက်ရဲ့ အချစ်ဇာတ်လမ်းလေး။ တဖက်သတ် အချစ်တစ်ခုနဲ့ တက္ကသိုလ် ကျောင်းသားဘ၀။ ႏိုင္ငံရဲ...
