Nakapatik na sa atong kasaysayan
Ang atong pagkagawasnon ngadto sa mga langyawng saypan
Hunyo 12,1898 sa dihang nakab-ot nato maong pasidungog
Apan kitang Pilipino nagpabiling walay tingog
Nanglabay na lang pipila ka katuigan
Apan yutang natawhan nagpabiling salag sa pagdaugdaog ug kasub-anan
Sigon pa nila
Kasamtangang kagawasan bunga sa atong mga katigwangang nanagbisog
Batok sa mga langyawng kalisod ang dala
Sa atong mga Pilipinong gianak nga isog
Adunay baruganan apan adunay kulang
Tubag sa pangutanang susama sa ilang ginaingong 'baw lang'
Nabuhi man ako sa pagkakaron
Apan hunahuna ko nabiling nanagsubo sa ninglabayng kagahapon
Luha ko di ko mapugngan sa pagtulo
Sa panahong gikahidlawan ko sa matag gutlo
Kagawasan sa nasod tinuod ba,pangutana ko
O usa ka dakong damgong nanagkapyot sama sa tuko?
Happy 122nd Independence Day,Filipinas!
YOU ARE READING
PANID
PoetryTanang inyong mabasa sulod aning maong panid mao ang mga tulang nahisulat sa pinulungang Binisaya.Walay laing lingguwaheng nahisagol sa paghimo niini.Puro mga Bisaya lamang.Kini akong gihimo sa pagbuhi ug pag-awhag sa tanang mubasa ani sa pagbuhi sa...
