Kahinam,pagduhaduha
Pipila lamang sa gibati ko atong mga panahona
Tawong gianak nga adunay pangandoy
Gitagbo ang daghang pagsulay nga walay pagkakapoy
Tanang panghitabo ning akong kinabuhi
Gintagbo ko nga adunay gamayng pagdili
Tungod kay bisan ako sa akong kaugalingon
Bungkag ang pagtoo kung unsaon pag-ingon
Usa ka adlaw niana,gidapit ako sa usa ka indigay
Pagbalibad ang gibuhat ko sama ig hanggaton ko ug tagay
Lisod danihon ang kaugalingong nawad-an na og gana
Sa Kahitas-an ang tanan akong gitagana
Ning-abot ang adlawng gikahinaman sa tanan
Apan pagdawat sa pwedeng mahitabo ania ning akong dughan
Wa na ko nagdahom pa
Tungod kay aduna pay labing bansay sa akoa
Di na bag-o ning pamatia
Kapildihan akong nahimong tigsapnay na
Kadaugan ko napakyas man
Di kini igong hinungdan nga muhunong ning gilaktan
YOU ARE READING
PANID
PoetryTanang inyong mabasa sulod aning maong panid mao ang mga tulang nahisulat sa pinulungang Binisaya.Walay laing lingguwaheng nahisagol sa paghimo niini.Puro mga Bisaya lamang.Kini akong gihimo sa pagbuhi ug pag-awhag sa tanang mubasa ani sa pagbuhi sa...
