"Kaloy-an ikaw sa Ginoo," sa kanunay natong madunggan sa kaigsoonan natong nanagserbisyo sa Ginoo
Mga pari,mga sakristan,kamadrehan o maski ordinaryong katawhan nagasangpit sa ngalan niya
Mga nahisulat sa daang kasulatan pagasundon ug di angayng supakon
Tungod kay kuno ang pagbuhat niini dakong sala
Pagaangkonon ko,ilabi na ako,usa ka dakong makasasala
Bisag kapila na ko muingog di na ko muusab,
Aduna gayo'y higayong ang maong mga panaad anuron sa atong kaugalingong panag-ingnan
Mga panaad ug pagpangayo ug pasaylo,walay katapusan sama sa kalayong walay pagkapalong
Mga igsoon kong haduol sa ganghaan sa Langit
Pasabot ba kaming mga nakasala,wala nay kahigayonang makatilaw ug tiunay nga langit?
Para hain pa ang kapasayloan kung ang mga sala di mapasaylo?
Hain ang giingong kahayag kung ang matag usa kanato adunay sakuban sa matag kilid
Mga kasingkasing nga gama sa kaaligotgot ug di paghigugma
Gikan sa lubnganan nimbalik alang sa gipangita niining hiyas
Apan sa kapunongang puno sa bakak ug pagpakaaron-ingnon
Ang maong mga hiyas lisod hikaplagan tungod kay ang matag-usa nagkinabuhing bulaan.
![](https://img.wattpad.com/cover/222918473-288-k137374.jpg)
YOU ARE READING
PANID
PoetryTanang inyong mabasa sulod aning maong panid mao ang mga tulang nahisulat sa pinulungang Binisaya.Walay laing lingguwaheng nahisagol sa paghimo niini.Puro mga Bisaya lamang.Kini akong gihimo sa pagbuhi ug pag-awhag sa tanang mubasa ani sa pagbuhi sa...