Pila na ka katuigan sukad naangkon sa nasud
ang kagawasang gipanagbisogan sa atong mga katigwangan
Gawasnon na kita sumala pa nila
Apan pangutana ko,tim-os ba kitang gawasnon isip usa ka nasud?
Kung kita gawasnon,nganong nagpabilin pa gihapon
kitang gapos sa langyawng impluwensiya?
Kung kita gawasnon,nganong atong pangisip ig pangutan-on
dakong kabubut-on ang pag-abot sa Amerikano nganhi?
Utang ba nato sa ila kung si kinsa kita sa pagkakaron?
Mga pangutanang nagdugang sa kalibog ning akong hunahuna
Sa akong mga kaila labot na ang mga tawong giila kong higala
Duso nila kasamtangang kagawasan tungod sa mga bayaning kaisog ug gugma ang bala
Apan hunahuna ko sama sa baking sige pagsaba sa kasapaan
Mga panubag nila usa ka dakong kasaypanan
Apan si kinsa man ako para sudyaan sila
Kung susama sa bato kagahi pasabton ang ulo nila
Ako lamang ang mahimong sudyaan nila sa ulahi
Susama sa kasaypanang dala sa pagpanahi
Apan ako nagalaum nga susama sa pagtahi,
Aduna pay kahigayonang tangkason ang tanang kasaypanang lahi
Alang sa kalag nga nangita sa kalasayloan og kabag-ohan
Kining kasingkasing ko magmaya sa hilabihan
YOU ARE READING
PANID
PoetryTanang inyong mabasa sulod aning maong panid mao ang mga tulang nahisulat sa pinulungang Binisaya.Walay laing lingguwaheng nahisagol sa paghimo niini.Puro mga Bisaya lamang.Kini akong gihimo sa pagbuhi ug pag-awhag sa tanang mubasa ani sa pagbuhi sa...
