Paspas kaayong mga panghitabo
sa dihang kitang duha nagkaila
apan lab-as pa sa isdang bag-ong haw-as sa dagat
ang kagahapong kitang duha ang mga manulundang
gitangtangan sa katungod nga magmalipayon
tungod kay ang atong mga gugma
hilaw pa ug di pa angay idungalig sa sug-angan
apan wa lang sila nasayud
nga luyo sa akong mga matahum nga katawa
ningdagayday na ang tumang kasakit ug kapakyasan sa matag usa
ambot ba,wa ko gayud hingsayuran
kung hain ako malipayon na,
palibot ko di ko hingkaplagan ang pagbati nila'g pagkahingawa
mura pud sila'g wa ning-agi sa dalang akong gilaktan sa kasamtangan
aron ila akong ingon anion
Sayop sila sa ilang mga hinungdan
sayop sila sa ilang gituhoan
Sayop sila sa ilang pag-ingon nga kini alang sa akong kaayuhan
tungod kay kining dughan ko ningdangoyngoy sa tumang kahiubos
nakapangutana nganong kalipay ko di man mahumang malipayon
sa matag hapong niagi,mulantaw ako sa bungtod
kung hain gihatag ko kanimo ang matam-is kong 'O'
ingon sila,lami sa pamating mahigugma
ug adunay tawong mupabati kanimo kung unsa ka kapinalangga niya
apan bisan pa man kung unsa ka lami ang gugma,
mupait gihapon samot na'g di musugot si Mama
unsa pa may pulos ning kasingkasing
kung ang mga gamot niini inanay na sa pagkatangtang
unsaon ko pa man mahimong malipayon kung ang kalibutan ko
Gilayo halayo sa ako
![](https://img.wattpad.com/cover/222918473-288-k137374.jpg)
YOU ARE READING
PANID
PoetryTanang inyong mabasa sulod aning maong panid mao ang mga tulang nahisulat sa pinulungang Binisaya.Walay laing lingguwaheng nahisagol sa paghimo niini.Puro mga Bisaya lamang.Kini akong gihimo sa pagbuhi ug pag-awhag sa tanang mubasa ani sa pagbuhi sa...