လေနုအေးက Misaki ၏နီရဲနေသော နားရွက်အဖျားလေးအပေါ်ကနေ ဖြတ်ပြေးသွားသည်။ မျက်စိတစ်ဆုံးရေပြင်ကျယ်ကို ကြည့်နေရင်း သက်ပြင်းသဲ့သဲ့ချမိသည်။ ဒီနေ့တစ်ရက်အတွင်း အဖြစ်အပျက်ေတွများလွန်းလို့ သူမဦးနှောက်က သိပ်ပင်အလုပ်မလုပ်ချင်တော့ဘူး။
သူ့ဘေးနားတွင် ရပ်ကာ အိပ်မှုန်စုံမွှားဖြစ်နေသည့်အမျိုးသမီးလေးကို Daniel စောင်းငဲ့ကြည့်မိသည်။ သူမ၏ဝဲကျနေသော ဆံပင်တိုတိုတို့အား နားရွက်နောက်သို့သပ်တင်ပေးလိုက်သည်။ ပုခုံးအထက်တွင် မညီမညာဖြစ်နေသော ဆံပင်တိုလေးတွေကအစ ချစ်ဖို့ကောင်းလွန်းနေ၏။
"ပြန်ကြမယ် ဒီနေရာကအေးတယ်" ကြောင်ဖြူလေးကတော့ သူ့သခင်ပေါ်မှာ ဇိမ်ကျနေပြီ။ အပြန်လမ်းတစ်လျှောက်လုံး Misaki အတွေးများနေသည်။ သူမနောက်ကျောက နှလုံးခုန်သံသဲ့သဲ့နှင့် လုံခြုံတဲ့အနွေးဓာတ်တစ်ခုသာ ခေါင်းနားတွင်ဝဲလည်နေတော့၏။
အနက်ရောင်ဆိုင်ကယ်လေးသည် ကြီးမားလွန်းသော စံအိမ်ထဲသို့ချိုးဝင်သွားသည်။ ထိုစံအိမ်အရှေ့တွင်တော့ Mommy Jes က သူမတို့ကိုစောင့်နေဟန်ရှိ၏။
ဆိုင်ကယ်ပေါ်မှဆင်းလိုက်သည်နှင့် သူမသည် Jessica ၏ရင်ခွင်ထဲသို့ ဆွဲသွင်းခံလိုက်ရပြန်သည်။ ရင်ခွင်ထဲကကြောင်ဖြူလေးကတော့ သူအားဖိမိသွား၍ထင်။ အသံသဲ့သဲ့သာပြုပြီး ပြန်အိပ်သွားလေ၏။
"Daniel မင်းဆုံးဖြတ်ပြီးပြီလား" Mommy Jes ၏ပူဆွေးသောအသံသည် ထွက်ပေါ်လာ၏။
"ကျွန်တော် အဆင်ပြေတယ်" တည်တံ့သောအကြည့်တို့နှင့် ပြန်ဖြေလေသည်။
"ကိုယ် ပြန်လာခေါ်မယ်" Misaki၏ခေါင်းကို ဖွဖွပုတ်လိုက်ရင်း ခပ်တိုးတိုးဆိုလေသည်။
"ဘယ်တော့လဲ"
သူမ၏အမေးကြောင့် Jessica နှင့် Daniel တို့မျက်လုံးချင်းဆုံသွားသည်။ သူတို့ငါ့ကို တစ်ခုခုဖုံးကွယ်ထားသလို ခံစားရတယ်။
Jessica တစ်ခုခုပြောဖို့ပြင်လိုက်ပေမယ့် Daniel ကသူမထက်အရင် ဖြေလိုက်၏။
"နှစ်ရက် နောက်နှစ်ရက်နေရင်ပေါ့" ယုံလို့ရလားဆိုသည့် အကြည့်ဖြင့် Daniel ကိုကြည့်လိုက်သည်။ ထိုသူက ခေါင်းတစ်ချက်ညိတ်ပြပြီး အနက်ရောင်ဆိုင်ကယ်သည်လည်း မျက်စိရှေ့မှ အလျှင်အမြန်ပျောက်ကွယ်သွား၏။
YOU ARE READING
How to Flirt with the final boss
Fantasyအပြာရောင် hydrangeasတွေရဲ့အဓိပ္ပါယ်ကခွင့်လွှတ်မှုကိုတောင်းခံခြင်းတဲ့ နောက်ကျမှမင်းဆီကိုရောက်လာနိုင်တဲ့အတွက် တောင်းပန်ပါတယ် ကောင်လေး