لبست حجابي ومحبطه. حيل بنته للموذن. تباوعلي مقهوره عليه واني ميته قهر مدري شبيه
قهرتني روحته هيج وامنني بيد غيره سهله عده. حيل دالبس بالشحاطه الجابتها بنت الموذن ونطتني العبابه باوعتلها
شكرا الكم
الموذن كال
يابا لتخافين اوصلج بديه لاهلج واتطمن يله ارد
هزيت راسي واباوع لانحاء المكان حتى ذكرى مبقالي
متوقعت هيج حيترك فراغ بكلبي احس روحي ضايعه ممامنه. طلعت وره الموذن واكف عالشارع ينتضر ويسبح جتي سياره بيكب صعدت بيهازالبنيه تطلع ب٣٠ عمرها حلوه مملوحه زينه يعني كالت تعاي صعدي وابوها صعد ليكدام
صعدت وسديت الباب
واباوع البطانيه تتحرك يمنه ويسره بفعل الهوا
البطانيه اللي دكها باديه. ورجعت اشهك وابجي
والموذن نطه العنوان للسايق وضل يحجي ويا قبل ليطلع.
تونا طلعنا ببعد مترين ٣ وعيوني ليوره على الجامع وموكفت بجي حقدت عليه ضت حيل منه. هناك . وشفت سياره وكفت السايق مالتنا حان يمشي ببطيء ديخلي الاوراق ببطن الجكمجه من اباوع نزل من السياره الوكفت يم الجامع منها ولد ثنين وساندين واحد مجبره رجله من صفحته عرفته
بله وعي صحت
عمو عمو هذا ابو قبضه رجع. هياته رجعع
والموذن اندار صاح
وكف يابه ارجع ارجع
رجعنا ليوره ونزلت قبل لتوكف السياره. والموذن نزل
من صوت السياره التفت ابو قبضه وشافني
غمض وجر نفس
واني اباوعله بعتب جمدت وكفت بمكاني وخازرته وهوويباوعلي ميل راسه وعبس حلكه وغمض
فززني صوت الموذن
هاا ابو قبضه شصارلك
والولد ذ
ردو
حادث والله ستره
اشرلي بعينه فوتي طبيت وضلو بره كعدو عالحجاره يم الجامع حتى فلوس نطو وهو ساعه يحجي عدل ساعه ينتر بيهم والموذن واكف هناك انتبه صوت نفس بصفي
التفتت بنت الموذن
كالت
الوليد هذا هو اللي نقذج
بقيت اباوع بعينها نضراتها مفصلته تفصال مجاوبتها
بس ردته يطب واساله ليش عفتني ليش كذبت
وطببه الموذن
يعرج ويشيل جسمه ويكمز
وكعد عالجودليه وغمض ويتنفس بسرعه
فك عينه وباوعلي
وحجه
وين وصلتو
والموذن رد
تونا هنا وشافتك مليكه
هز راسه ويباوعلي جنت خازرته بغضب والموذن ساله
ادري شلون صار الحادث
والله عمي داامشي بالماطور وهمه ديحجون وطخوني وانشمرت
بس ماكصرو رحت مستشفى
لا همه ولد ولايا المنطقا الوصلت الها يعرفونً مضمد كلولي بعيد المستشفى رجليك تتاذا عاد ودوني وجبرها ودفعو فلوس حتى الماطور
هاذ هو حتى ينتبهون
شكعرفني محمل كوم طليان وجواميس يكلي ماشفتا للماطور
بقيت اباوعله وهو يححي ويتهرب من نضراتي ويرد يباوعلي
