مليكه- للعصر روخي ساحت لااكل لاشرب نمت عالسجاده وشفافي ترتل
استغفار وبالي يمه
بالي يمه ليش موصي بيه شنو الديحسه
غمضت حسيت روحي اطير موبس اغفه
للمغرب حسيت احد يهز بيه ويصيح
مليكهه لج مليكه شبيييجً
فزيت احس روحي ميته عرك
شبيج فهميني. شدتحسين
احمد
كومي للحمام غسلي كومي
لا اريد انام
مليكه كوووميي
والهودج صاح
هااا تخربطت خلها تبدل نوديها مستشفى
دقيقه ابو عمر.
كومتي كوه وغسل وجهي كعدتي بالحمام واني راسي يفتر
شكو
بدلي هدومج بسرعه مناكله مو
هو ساعه بيش
خرب يومج لج تردين تموتيني انتي
نتر بحركه كلب
نصيت طلع بدلت هدومي طاقه ماعدي
طلعت سكعت صوت حجي الهودج وياه طبيت لغرفتي شفته جايب دجاج عالتمن مهلي بالصينيه كعدت اكل وشربت لبن احس روحي ميته عطش
شوي وطب جنت ابلع حبايتي
همس
ها شونج
احسن شسويت
جر نفس وفرك وجهه
احجيلي كلشي بعد الهودج بره
لا راح بيت عمته باجر الصبح يجي
اوك
كعدي
كعدت كدامه وبده يحجي
طبينا للساده حجينا وكلنا شرحنا كل الحاله والهودج يشرح ويفهم والسيد دمعت عيونه كال ماعرف شكول بس مترهم منوويكول ما يرد لدربه. اني الاخدر عليه ادزكم لسيد بالكاضميه هذا دارس حوزه وفقه وقانون
خوش
اي فباجر نروح اله لمكتبه ونشوف شيصير
بقيت اباوعله فرك وجهه
تدرين لو ساعه لخ جان متتي ليش متاكلين تاذيني بيج
لا والله لا نمت محسيت على روخي
تنهد وكام همس
فايت انام اني
اوك
كمت لملمت البيت ولهيت روحي ورجعت نمت مسطوره.
للصبح حسيت احد يدك بالباب مال بيت
نزل احمد ورد صعد يحجي
بس ابدل نتريك يم ابو الكبه
خوش امشي يمعود عادد الرجال يتانينا
بعد وكت يابه
بدل وطلع سد الباب وسمعت نزله الدرج
مالي غير الدعاء لل١٢ وطب احمد من الباب صاح
مليكه
فزيت كمت راسن
هاا
ابتسم
طبعا لااكل ولاشرب
احمد احجي
متريكه
احمد احجي
همس يبتسم تقرب باس راسي وتلمس شعري يبتسم
ابتسم كومي بدلي ولبسي عبايتج فوك هدومج دنروح بيت عمه الهودج
وين ليش
نعقد سيد دادزج لبو قبضه
رجف كلبي كذاب
غمض وهز راسه والله اخذنا موافقه ومعليه باكبر واحد المهم سعادتج وي الانسان الاختارياي ماله ذنب.
خابرتو
خابرناه شرح. حالته ووضعه للسيد بحذافيره وشوفله اثباتات وخله اللواء يخابر السيد وفهمه براءته من القضايا البراسه والسيد كله مبري الذمه. انشاء الله
دره هو راح نعقد
لا خلص شحن تلفونه
للعد شون
نروح والله كريم بدلي كلبي الولد ينتضر بالسياره اروح تجيب نور واجي
نور؟؟
اي حتى مووحدج وياج احد
اوك ادز لاسونه كلتها ابتسم
ابتسم وحضنني ولج اني موكافي
لالا والله ككافي احجي وارجف بس ردت اسينات ويايه
وشيجيبها من الديوانيه عقلج اخذه ابو قبضه بدلي بسرعه
اوك
طلع واني ركضت سبحت وبدلت وعدلت روحي واروح واجي لكمه ممخليه بحلكي واتخيل شكله
