رواية أسيرة هوسة..{بقلمي مروة ياسر} "كاملة"

{{أسِيَرةّ هّوٌسِهّ.. 10}}

#الجزء_الثاني_من_عشقتك_حد_الهوس
#أسِيَرةّ_هّوٌسِهّ
#بقلمي_مروة_ياسر(مجنونهة_الأههلي)
#البارت العاشر

قد انتهي العشاء، وجلسوا معا قليلاً ثم استأذن الجميع المغادرة...

فى فيلا ماجد الشامي.
بجناح إلياس.

كان إلياس وماس يجلسون معا،يشاهدوا أحد الافلام المصريه (فلم قصه حب)

وكان بجانب ماس بعض التسالي ومنهم (برجر، وبيتزا، ومقرمشات، بيبسي، شيكولاته)، وتأكل بلا رحمه او توقف، ينظر لها إلياس ببعض الصدمه فقد تحولت لوحش يأكل طول اليوم.

لتنظر له ماس بستفهام:
ـــــــ فى ايه؟

إلياس ببتسامه:
ـــــــ براحه يا روحي الأكل مش هيطير.

ماس وهي تأخذ ساندوتش برجر وتقوم بتجهيزة ليكون جاهز للأكل ثم تأخذ قطعه وتأكلها :
ـــــــ ايه يا إلياس جعانه، وبعدين ابنك شكله بيحب الأكل اوي.

إلياس بضحك:
ـــــــ إبني برضو اللي بيحب الاكل اوي؟

نظرت له بستفسار:
ـــــــ تقصد ايه يعني؟

نظر لها بحب، ثم مال علي شفتها و مسح صلصه الكاتشب التى علي فمها بشفتاة، ثم بعد وابتسم له بحب ليبتسم لها ببتسامه مماثله، ويميل ويقبل وجبتها بحب، ثم قال ببتسامه:
ـــــــ مقصدش حاجه، بالهنا علي قلبك يا روحي.

ليمر الوقت وتنتهي  ماس من الطعام، وترتمي بأحضان إلياس تشاهد الفلم، وجاءت لحظه النهايه، وكانت ماس تبكي بحزن عليهم فـ الفراق من اصعب الأشياء التى يمر بها الإنسان،  وإذا كان شخص تحبه فيصبح أصعب اضعاف مضعفه.

ليضمها إلياس بحنان، ويظل يملس علي شعرها برفق:
ـــــــ انتي بتعيطي ليه بس؟، يا روحي دا فلم مش حقيقي.

ماس بدموع:
ـــــــ بس صعبانين عليا اوي.

حملها إلياس، ثم اتجاة بها إلى الفراش، و وضعه عليه برفق، ثم مسح دموعها ببتسامه:
ـــــــ هرمونات الحمل دي مخلي دموعك قريبه اوي.

ابتسمت بدموع، ليقول بلوم هو يمسح دموعها:
ـــــــ بس بقي يا ماس بطلي دموع... ثم يضمها لحضنه، وقال بحنان..: نامي يلا..

عانقته بحب وحمايه ونامت بسلام بين احضانه، ظل هو يملس علي شعرها الذهبي بحنان يفكر فيما يحدث بحياتهم، وبالسفر غداً التى لم يخبرها به إلى الآن، ليقبل جبهتها بحب كبير، ثم يغلبه سلطان النوم هو الاخر.

***************************************************
فى منتصف اليوم الثاني.

كانت ماس بغرفه الاطفال المخصصه لـ أسد، فقد بدأت بتجهيزها له عندما تأكدت من نوع الجنين.

ليرن هاتفها بأسم أحد، عد رأيتها الاسم ابتسمت اشتياق.

ماس ببتسامه: الجذمه اللي مش بتسأل.
أنغام ببتسامه: والله وحشتيني اوي يا ماس.
ماس بحب: وأنتى كمان وحشتيني جداً، ايه يا بنتي فينك كل دا.
أنغام: موجودة اهو، أنتى اللي يعني بتسأل ايوه، عادة أكتر من شهرين ومسالتش.
ماس: يا بنتي انتي كنتي في شهر العسل، هكلمك ازاي مش فاهمه!! دا أنا عرفت بالصدفه من أسيا بنت عمك أنك اتجوزتي، الصدمه بقا لم عرفت جوزك!! بقا تتجوزي فهد المخابرات يا أنغام وأنا معرفش.
أنغام بضحك: يا بنتي أنا نفسي مكنتش اعرف انه فهد المخابرات غير قبل الجواز بكام ساعه.
ماس بستغرب: ازاي يعني مش فاهمه؟
أنغام ببتسامه: يا بنتي اللي حصل انه........ وقصت لها ما حدث من البداية حتى جوازهم..
ماس بندهاش: ياةة كل دا حصل.. لتقول بضحك.. بس فهد مجنون حد يعمل اللي عمله دا!!
أنغام بضحك: يا بنتي دا أنا كان ايدي علي قلبي من الخوف، بس الحمدلله ربنا سترها واتجوزنا في الاخر.
ماس: الف مبروك يا نغووووم، معلش متأخر بس أنا مكلمتكيش غير دلوقتي من بعد الفرح.
أنغام ببتسامه: ولا يهمك يا قلبي، الله يبارك فيكي، احنا تقريباً معملناش فرح اصلا، فهد خطفني و احتفلنا بي لواحدنا.
ماس: ايوا بقي يا جامد، عرفت من إلياس إنك حامل، مبروك يا حبيبتي.
أنغام: الله يبارك فيكي يا ماس، وانتي ربناا يقومك بالسلامة.
ماس ببتسامه: يارب يا أنغام.
أنغام: بتعملي ايه؟
ماس: كنت في اوضه أسد برتبها.
أنغام بستغرب: أسد مين؟، جوزك!
ماس: أسد إبني يا بنتي، هنسمي الطفل أسد ان شاء الله.
أنغام: امممم هتسمي البيبي علي اسم إلياس.
ماس ببتسامه: ان شاءالله ايوا.
أنغام: حبيبتي ربنا يخليكيهولك.
ماس ببتسامه: اللهم يارب، بس بتعملي ايه يعني؟، وايه اللي فكرك تكلميني اعترفي!
أنغام: أنا بجهز شنطتي عشان هروح عند بابا الكام يوم دول.
ماس: ليه فى حاجه؟
أنغام: ماهو فترة سفر فهد و إلياس بتاعه الماموريه اللي نزلنها، فهد قالي اروح عند بابا عشان مقعدش لواحدي وكمان عشان الحمل وكدة.
ماس بستغرب: إلياس مسافر فين؟
أنغام: ايه دا انتي متعرفيش انهم نزلين ماموريه بكره؟
ماس بندهاش: لا مش عارفه، طب أنغام معلش هقفل وهكلمك تاني.
أنغام: انتي كويسه!
ماس: ايوا مافيش حاجه.
أنغام: ماشي يا حبيبتي، سلام.