الشيخ نور التميمي

البارت الاول

البارت الاول

بسم الله...

ورجعنه 😍 من جديد وياكم بقصة الشيخ نور التميمي

اول شي سردي نفسه المايحب يتابع ماجبره وغيرت مصطلحاتي مثل ماتحبون انتم

وثانياً لليسأل القصة واقعية لو لا هي واقعية ممزوجة بالخيال والي مايحب هم ليتابع براحته 😊

والاشخاص كلهم واقعين ويالله استمتعوووووووو النشر كل يوم حسب فراغي

لنبدأ😍😍😍😍

البارت الاول

هو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....

الكاتبة التميمية...... altmeme313

كاعد وبيده صورة لمعشوكته الي خذت كلبه وراحت عن الدنيا..عشك سنين بقه مخضر بقلب جبل بقه ثابت رغم مصايب الحياة وفقدانه الها...

عاصفة تمر بكلبه من يشوفها جان بذاك الزمان الراح فلا يعود...

خل نرجعله شوي شتكولون...

امه اجته بفرحة:يمه مبروك عليك بت عمك شيخة يمه ماشاء الله جمال واخلاق تستاهل نور عيوني انته

نور بأبتسامة:الله يبارك بيج حجية....

هلاهل وضحكات وهوسات لأبن الشيخ الي اخذ بت عمه الي عشكها واخذها عن حب..جانت اله من ولدت سموها بأسمه..وهو شالها بين ايدينه..وكال انتي الي...جان بوقتها مايتعده ال7 سنوات من انولدت....

دخل الغرفة بدشداشته وبشته وشماغه وعكاله على راسه..دوم يكلوله شيخ بالرغم ما اخذ المشيخة وابوه موجود وهو الشيخ بس احترام اله على اخلاقه يكلوله شيخ...

باوعتله بكل عشك كاعدة بفستانها الأبيض..وكحلتها الي بسواد عيونها..ابتسم لمعشكوته الي اخذها اخيراً وصارت حلاله...ونشأ هالعشك من جانو صغار...

نور بأبتسامة:مبروك عليه انتي بت عمي

شيخة بأبتسامة:مبروك علينه ثنينه.. شيخ كلبي انته

نور وكف وياها طول بطول وهي حد جتافه راسها..باوع بوجها وطبع بوسة بجبينها..وكلها خلينه نبدي حياتنه بسم ربنه وذكره..ونصلي لوجه الله حتى يجونه ذرية صالحة...

وصله وياها صلاة ليلة الزفة..وابتدت حياتهم بأجمل رابط مقدس وهو الزواج على سنة الله ورسوله...وماطولت وصارت حامل بأول طفل الها...

جان عمره 21 سنة بوقتها وهي 15 سنة بس جانت كل معالم الأنوثة عدها ولا كأنها بت ال15 عبالك عشرين هيج اغلب بناتهم...يافعات...

ولدت اول طفل الها وجان ولد..وسمه ابنه نواف على اسم صديقه الخليجي الي يعزه مثل اخوه..جانو يجون هو وابوه للبصرة...وعرفه منها...