الشيخ نور التميمي

بارت ال19

مساؤؤؤ

للي انجلطو بالقفلة 🥺

شتكولون حلوة تعليقاتي وياكم 🙈🙈🙈

واكو شخصية جديدة ماريد تجريح بناتي فديتكم ولسانكم العسل 😊😊

بارت ال19

العزيز الراح بعد شيرجعه...وتمنيت انه وجسمي وبروحي اتبعه...

بس هيهات هي الروح وحدة مو سبعة...

هي الروح مو بدينه شوكت ماشتاقينه للملكه..

بعد ماظل حيل ماظل صبر وغير التعب بعمرنه مانلكه...💔😢

نورسين صاحت بصوت:مستحيل اتركك وياك وياك حتى للموت..اترك هالسلاح تركه نور..وتصيح..نووووور تركه شنو راح تسوي....

ومايرد عليها وهو يمشي وهي تركض وراه وصل لباب الحوش فتحه نور وصار بوجهه شاب بيده سلاح وجهه على نور...

شافت انو نور هسة راح يموت كدام عينها بهالسلاح وهي حتى ماعاشت حياتها وياه حتى كلمة احبج ماكلها اياها..ومنو هذا بهالوقت جاي على الشيخ رافع سلاحه عليه...

وسمعت صوت الطلقات ولي تحبه اتثقب بالرصاص وماتحملت الي تشوفه كبالها وطاحت عالأرض مغمى عليها....

فجأة فزت وهي عركانة ومحترة..وشافته راسه على صدرها ونايم مثل طفل بحضن امه..رفعت ايدها خدرانة..رفعت الثانية وحطتها بشعره وتذكرت رفعة السلاح عليها والكفوف الاخذتهن منه بلا ذنب...

دفعته بيدها وكومته وهي كامت..وهو ساكت ويباوع عليها خذت مخدتها ونزلت جوى حتى بدون مندر ونامت على بساط زغير مفروش بالغرفة جوى السرير...

نور بهدوء:مزعوجة على اخوج العار ليش اكل الضرب..والله وحق راس ابوي لو ما بتي مصيرها مربوط بي جان ركبته كطعتها

نورسين:كلهم تشفه جروحهم وتنسي واخوي حتى لو انضرب يطيب بس زهراء ضحية كل هاي..واني كذلك صرت ضحية هالموضوع..وهاي اخرة مرة تقرب عليه..مانسيت رفعة المسدس بوجهي وجنت راح تقتلني وضربتني بذنب مارتكبته..وكامت كعدت..بحياتي مانضربت بس عندك انضربت وانهانيت واسمعت كلام جارح..نور احذرك والله ثم والله اذا تنمد ايدك ناحيتي بعد مرة الخ..اسافر ولو تمووت مارجع وبحياتك متشوف وجهي وشنو التكدر تسوي سوي اكثر من رفعة السلاح عليه

نور كام الها وكعد كبالها:لا تهددين جم مرة اكلج ماتهدد انه اهدد..عشيرتج كلها احركها كدامج وماتسافرين..وياقانون يحميج مني....ووكلب وجهها بأصابعه..وكام عنها...

راح اتجه لفراشه..وهي سكتت وتغطت..وماكدرت تنام بعد وحتى هو وكامت وشافته كاعد متكي على تاج السرير...

ماهتمتله ولبست ملابس مستورة وطلعت وراحت يم البنات ودخلت منايمات كلهن وزهراء صافنه وحاضنة رجليها ومتحجي صار يومين ساكته حتى متبجي...