الشيخ نور التميمي

بارت ال26

صباح الخير

الله يطلع حوبتكم  يالسناكل والحدايق😁😁😁

بارت ال26

دولبتي حالي وشغلتي كل كتر ابالي
يالصرتي شهكه ويه النفس مالي

اكابر واغالط نفسي وسوي روحي لا ابالي
من يمر طيفج حتى هم الدنيا يحلالي

زغيرة بس تمنيتج مريتي حلالي
وام بيتي واحلى ام لجهالي.......

راحت..عادت المكياج وهل مرة حطت كحل عالمساكرا وبرزت عيونها الزرق..ولبست الفستان وشعرها مفتوح...

وهي خلال هالسنتين ونص ماكصت منه ولا سانتيم لذلك طال هواي..وشعلت الشموع من جديد وطفت الضوى...

وتمللت وهي تنتظره..وكاعدة عالسرير..وكالت شلون استقبله..اي نفس اول ليلة النه سويه تحت سقف واحد وبسرير واحد...بليلة عرسنه هذيج بفستاني الأبيض...

وفرشت فستانها عالسرير وحطت ايدها على السرير وسمعت صوت فتح الباب ودخل للغرفة مستغرب..باوع عليها وهي كامتله بفستانها....

شعل الضوى..وهي تكله شكثر رومنسي مو جنه على ضوى الشموع...

نور ابتسم:هاي شمسويه بنفسج

نورسين:مايسوة العمر بلى أبتسامتك ياعمري..حبيت اجدد هذيج الليلة الي راحت..ورجعت سويت نفسي عروس الك

وكف يتأملها شوي وهو ساكت...وبهاللحظة شكثر ندمان على هذيج الليلة الي ضيعها ليلة عرسهم الراحت....

نور اقترب كلش حتى طخ بالفستان:طالعة احلى عروس ياعشكي..وبوس خدها وشماه...ولزم شحمة اذنها بين شفايفه وهمسلها...اعشكج لو ينعاد العمر مرتين ياغضب كلبي بلايه اسباب

نورسين ذابت بحبه ورفعت ايديها حاوطت ركبته:واني اعشقك..ابويه وامي انته مايسوه عمري بلياك..ولو ينعاد العمر 7 مرات ارجع اعشقك بس انته

تذكر من كلتله عن صديقه الشاعر هسة يسمع مرته شعر وغزل ويريد يسعد كلبها...

نور :مدري عمل خير مدري دعوة صادقة من امي
جابتج الي وهل صرتي بأسمي
يا اشرس مره تشوفها عيني ويا اترف من المي
يالغز جنتي ومحيرني في صحوي وفي نومي
يا اصعب سهل ويا محلى الصعب وياج بت عمي

نورسين:ياروحي فدوووة يجنن...وبوسته بشفته بخفة..احبك

نور ابتسم:وانه احبج ياشهكة نفس عمري...ممكن ياروحي اروح اخذلي حمام

نورسين:ههههه اوك بس اول ساعدني بفتح الفستان..وعضت شفتها اله..نفس حركتها بليلة عرسهم...

نور:سويتي وماتعرفين تفتحينه

نورسين بأبتسامة:لا ماعرف..وطلعت شوي من لسانها بضحكة...سحبها عليه وطبع بوسة قوية بشفتها وهي تبادلة بحب...