الشيخ نور التميمي

بارت ال17

هلاوووووووو وسلام ✋✋✋

بارت ال17

نور سكت وهو يباوع بوجهها..رفع ايده لوجهها..وكلها فد يوم كتلج عيونج حلوة...

نورسين صفنت بوجهه وهزت راسها:لاااء..واني ولا يوم كتلك عيونك سحرتني..ولحيتك هاي تجذبني وتخليني صافنه بوجهك حتى من تكون مشغول ومتباوع عليه..وحكت خدها...

نور:شبي خدج..صار احمر..وضحك..

نورسين:ههههه ماكو بس يمكن كرصتني حشرة..رادت تكمل جملتها وحست بملمس لحيته على خدها..وطبع بوسه بخدها الناعم....

وهي تفاجئت ببوسته اول مرة يبوس خدها..وهاي كله الحجي نواف واكف بالباب مال الديوان جان جاي لأبوه وسمع الحجي بدون قصد..وشاف بوسة الخد...

وكف مبتسم وحس بسعادة لأبوه بعد هالسنين اجت الي تملي كلبه جان مقهور عليه عايش بذكرى امه وحزين عليها....

نواف يحاجي نفسه: خل اروح لا يصير بوس بغير مكان خخخخ بعدين احاجي ابوي...وراح للبيت دخل داخل...

نورسين خجلت:احم نور امشي نروح داخل البيت نكعد يمهم

نور:روحي انتي وهسة جاي

نورسين:بس كافي ادخن فدوة..نور ماريدك ادخن فقدت امي بسبب التدخين

نور:كتلج قبل هل مرة ماكدر اعوفها

نورسين رفعت نفسها ومدت ايدها لجيبه:وين الباكيت..وهو يكلها شتسوين انتي..وظلت ادور وطاحت بي وهي وجهها بوجهه..ماراح اخليك ادخنها بعد...

وكامت وخذت الجكاير وكطعت وحدة وحدة وشمرته بالزبل...ونور يضحك عليها ويكلها خربتي هذا اجيب غيره...

نورسين:همات اخربهن ماراح اسمحلك ادخن بعد

نور كام الها:كتلج لا تجرأين عليه يابت ألمانيا

نورسين:وشسويت..خايفة على صحتك وماتعرف قيمتها انته مو كافيك البارحة مدخن باكيتين..ورفعت اصابعها الثنين اله...

نور:هسة فهميني انتي كاتبة لو دكتورة

نورسين:شتريد اصيرلك

نور:اهاااا..صيري ذيج الي تناسب الي ابالي..وعافها وراح للهول شاف ولده واخوانه كاعدين..وهي لحكته وعرفته شيقصد...

سلم وكعد..ونورسين تعمدت تكعد يمه..وهو باوعلها ورجع دار وجهه...

نواف باوعلهم:اخخخخ خدي يوجعني بويه بلكي فد بوسة لخدي خلي يصير احسن

نور:خيرك بويه شنو محتاج حنية هيج فجأة زغرت

نواف:اي والله يابه هيج طفحت عندي الحنية توني شفت رجال باس مرته بخدها وغرت كلت اجيك تبوسني

نورسين ضحكت بعلو صوتها..ونور التفت عليها وسكتت..وهي تضحك بخفية وعرفت نواف يقصدهم وشايفهم...