الشيخ نور التميمي

البارت العاشر

مساء الخيرات اسفة للتأخير عندي ظرف صحي 🥺

البارت العاشر

ابو ادريس طلع عند شغلة مهمة قبل لا يسافر هو واولاده..ومحد اكو من الولد..كل لأبن اخوه جيران بيت ابو نور...وخذاه بسيارته...

وهي لحظات نزل من السيارة واجت سيارة طايرة ولا دك حتى هورن او وكف ولحظات مانشاف غير دم ابو ادريس مطشر عالأرض...

ابن اخوه انصدم وركضله وشافه اختنك بدمه...وخذاه للمستشفى بسرعة البرق..وشافوه الدكاتره وكالو حالته خطره...

ربع ساعة بس واجو الولد كلها للمستشفى واخوانه..وصارت هوسة بالمستشفى..ونورسين سمعت تهسترت وظلت تبجي وتكلهم اخذوني اله...

بس النسوان بالبيت ماقبلو تروح وحدة وياهم...وادريس يمهم هناك..وكلش خايف على ابوه...ماسمحو ولا واحد يشوفه هسة...

والسايق الدعمه شرد وهذا ابن اخوه الجان وياه من صدمته بعمه مانتبه لرقم السيارة ولا اي شي ثاني...

نورسين مانتظرت احد يجي ياخذها وخلت وطلعت من البيت..وهي حتى لو ماتندل بس مو غبية وتعرف شلون توصل...

اتصلت على ادريس وكلتله شنو اسم المستشفى..وكلها لا تجين الولد مايقبلون عصبت عليه وكلتله احجي..وكلها اسم المستشفى...

وهي صعدت تكسي وكلتله للمستشفى الفلانية..وخذاها لهناك..ونزلت وهي كلبها متكطع خوف على ابوها ..وتكول ياربي كلشي ماريد بس بابا يكون بخير...

ودخلت ظلت تتلفت بكل صوب وكتر لعلها تشوف واحد من الولد..وشافت سراب ابن عمها تعرفه تعرفت عليه بيت عمها وركضتله...

سراب شافها:هاي شسوين هنا المستشفى مليانة زلم

نوريسين:بابا وين اريد اشوفه

سراب:يمعودة هسة وين تشوفينه حالته خطرة

نورسين دموعها نزلت:فدوة اخذني اله ولتكول لاء والله ماروح لو شيصير ميهمني احد اريد اشوفه

سراب كلها مايخلون احد يشوفه..سكت واشرلها وكلها امشي خلي ارجعج وبس يسمحون للزيارات اجي اخذج بنفسي...

طبعا رفضت تروح وعاندت الا تروح تشوفه..وهذا مايريدها تروح يم الولد وهي حجابها عالنص..وتركته وتمشي بالممرات وسراب يكلها رجعي بويه...سراب بس شوي اكبر منها...

عبرت ممر وشافت اثنين من عمامها ولد عمها ونور وجم واحد...وشافت ادريس..اتجهت اله وغير مباليه بنظرات عمامها ونور الي عقد حواجبه من شافها...

وصاح عليهم وكلهم اخذوها من هنا..ورفضت تروح الا تشوفه..ونور عصب وشيسكته وهي نص شعرها طالع وهسة وين تفكيرها بأبوها حتى نور مهماها...

عمها ابو نور خذاها على صفحه ويكلها بويه وكفتج هنا ماراح تسويله شي هاي كل احنه هنا واذا صار احسن نجيبج اله...