الشيخ نور التميمي

بارت ال28

سلام عليكم

اولا الكلام بالقصة هواي اغطي على كلامهم لحد يجي يكلي واضح وزحمة وعيب بالحقيقة كلش كلام مشتاق بالخط الواضح وصباح ونواف وحتى خالد ولذلك يترزلون من ابوهم دوم

واني هواي اغطي على كلامهم 🙈🙊

يالله كملووو واستمتعو....😊

بارت ال28

هايملك الموت جاي وجايب وياك فراك الحبايب
جاي وخذت نظر عيني بنيتيي ماكلت ابوها كلبه شايب

بويه زهراء اعلى هونج
جنت أحارب نفسي ولاشوف دمعة بعيونج
والله بويه ميت جنت وانه بدونج
شلون هسه وصار الوداااااع ربيييييي
ومنين اجيبن صبر فوك صبرييي

ياناااار يعقوب وتوج بحشاايييية
راحت العزيزة ام وجه جن اية
ربي فدواتك تردها وعيني تشوف ضوه عيونها
ربي ارحم ضعف كلبي وردها لليحبونها

باباتي زهوره صرتي غصه وحسرة بالروح
وطيفج مايفاركني ياحبيبة ابوها وين ميروح.....

نور صاح صيحة فتت كلبه:ولك بنيتي راحت وهي مكسورة خاطر حتى ماودعتها وراحت وهي تبجي على كلمة مني اودعها بيها..ماجبرت خاطرها..وصار اشهر مشايفها راحت ودموعها على خدها

كايد:اذكر الله اذكره الله يرحمها...

عافهم ويريد يندل الطريق الها..وهو يكول بويه زهراء..وخلوه يشوف بته وهي بدمها غركانة...

حس هذا دم كلبه جاي ينزف..لزم وجهها بيدينه وكلها بويه زهراء كومي ابييج يمج وبعد فلا يعوفج ويه هذا الساقط..انتي بنت كليبي بويه بنيتي احلام عمري انتي..لتنامين وانتي زعلانة تدرين ابوج مينام وانتي زعلانة عليه..ودموعه ماينزلن ومايصدك...ويبوسها بجبينها وبكل وجها..ويكول اودعتج لله بويه جيت اراضيج......

غطاها..ولزم كلبه..وردد اودعتج لله بويه..اودعتج لله..روحي لحضن امج الي انحرمتي منه...ومانزلت دموعه ومايحس بشي مايعرف شيحس....

طلع وهو تايهة الدروب بعينه ومو مستوعب زهراء ماتت..وتدور براسه بنيتك ماتت ويكول نور عزيزة كلبك ماتت لحكت امها...

شاف ادريس بره منهار ويبجي..كله الله لا يهنيك بنومة ولا كعده اخذتها من بين جناحي وهاي سببت موتها...

اجو الولد وخالد منهار على زهراء وحتى نواف وهيثم..شوي وعمامها اجو..وجدها مايدري وخايفين يكولوله ويموت عليهم...

والبنات هناك يبجن وشهد اجتهم وشكثر نسوان تجمعت وبيبيتها تصرخ وتلطم صدرها وتصيح يمه بنيتي زهراء حركتي كلبي يمه..يمه شحال كلب ابوج واخوانج...وجدج شراح نكله...

جدها بيت اخوه..وسمع وانهار بجي على حفيدته...وبالليل بعد ماطلعوها للتغسيل وللدفن..وقت التوديع نور راحلها...