عشقت طفلاً

الفصل العشرون... الجزء الثاني) "

بعد سويعات قليله من نومهم استيقظ آسر فزعا علي صوت إلين و هي تتململ في فراشها بغضب و خوف و تصيح قائله ياسين!!
ياسين ما تسيبش ايدي!!
ياسين!!!!

أحاطها آسر بزراعاه واضعا رأسها علي صدره محاولا تكبيل حركتها لإيقاظها بهزها و لكنها صرحت بإسم " ياسين " من ثم سكنت حركتها و كأنما مغشي عليها
اضطرب آسر كثيرا لا يدي أيقظها ام يتركها لحال نومها..  و من هذا ياسين التي كانت تصرخ بإسمه
أخذ يكفكف حبات العرق المتناثر علي جبينها برقه و قرر ان يكمل نومه و في الصباح يحصل علي أجوبته

* في الصباح المتأخر *
......

* استيقظت إلين قبل آسر فتحت عيناها برفق لتصدم بصدره العريض النائمه عليه انتفضت إلين بفزع مبتعده عنه.. مما ايقظ آسر من نومته..*

آسر  : ايه يا إلين في ايه
إلين بغضب  : انت اللي في إيه انا جيت هنا ازاي
آسر بتثاؤب  : هنا فين يا بنتي ما انتي نايمه علي السرير امبارح عادي
إلين  : اقصد هنا جمبك اوي كده
ابتسم آسر علي تلعثمها و حرجها البادي له بوضوح و أردف  : اه في حضني يعني
إلين بتوتر  : ايا كان... ايه حابني هنا
آسر بجد  : كابوس... كنتي بتحلمي بكابوس امبارح و كانت حركتك عنيفه اوي فحاولت اهديكي و اسيطر علي حركاتك او اصحيكي حتي ما صحيتيش و نمتي هنا.. في حضني الظاهر ارتاحتي باين مش عارف فنمت انا كمان و انا مرتاح اوي

إلين بحرج  : انا... انا ما ارتاحتش دا من غير قصد أصلا * نهضت مبتعده *
آسر و قد لحق بها و امسك يدها ليوقفها  : مين ياسن؟!

التفتت له يعينان متسعتان من الصدمه و لم تنبس ببنت شفه
آسر و هو يمسك بزراعاها  : إلين ردي عليا.. مين ياسين اللي طول الليل بتنادي بإسمه
إلين بحده محاوله مداراة خوفها  : و لا حد
هزها بعنف غاضب و لأول مره تري جام الغضب هذا بعينيه  : إلين ما تستعبطيش.. انتي طول الليل بتنادي بإسم راجل غريب و بتقولي و لا حد ما تعصبينيش و قولي ده مين
إلين بخوف من غضبه و عيناه القاتمه  : قصه قديمه يا آسر و راحت لحالها
آسر بغضب  : لا ماراحتش لحالها طالما لسه بتجيلك في كوابيسك... و كمان مش عاوزاه يسيب ايدك إلين انطقي مي....

قطع حديثهم طرقات تقي علي الباب مستدعيه آسر لأمر هام...
آسر انا هسيبك الوقتي بس اما ارجع لينا كلام ما تناميش
نظرت إلين بحوف لمحياه الغاضب.. و راقبت شبحه ينصرف ثم هوت علي طرف السرير بضعف منهك...

*     *     * 

رهف بغضب  : و بس و البيه ما صدق لزق و جاي كمان شويه عشان يطلبني... ماما اوعي توافقي
سماح بحنق  : انتي مجنونه ازاي ما اوافقش... دا انتي هتاكلي في طبق من ذهب.. غني و مال و عز عاوزه ايه تاني
رهف  : عاوزه آسر... و مش عاوزه الخدامه دي تتهني بحبيبي
سماح  : الحب يتشري بالفلوس
رهف  : و ان كان فآسر اغني و لا عاوزه بنت يوسف تتهني اكتر مني و تاكل الشهد كله
سماح  : والله ما فاهمه دماغك... اعملي اللي تعوزيه بس بعد ما تتجوزي لؤي.. ما انتي لو رفضتي يا خايبه إلين هتشك في الحوار اللي ألفتيه عليها و هتبقي في خطر إنها تقول لآسر علي كل حاجه و ساعتها تبقي لا طولتي آسر و لا لؤي