سادية الحب 🔥

عائلتي 😆

كرونيك سادية الحب 🔥🔥.
🔥🔥

اية تهدر :
حليت عينيا ..نبعد الكابوس لي يجيني بين عينيا كل ما نغلقهم...رغم مرور 8 سنين بصح يبقى كابوس حياتي ...صح كملت حياتي كي شغل ما صرا والو ..و واحد معلابالو بقصتي ..خليتو سر بيني و بين روحي ...مدة 8 سنين ...ساهلة على الفم يقولها ...اما باش عديتهم حتى ذقت المرار ...كل يوم كوشمار ..كل يوم بكا ..قنطة لي كانت شادتني وحدها ...اغتصبت بالضرب و بالعنف...زيد هددني كون نقول لكاش واحد يديرلي كثر ..و مع كي كنت صغيرة شديت فمي ...الحاجة لي نشكر ربي عليها ..هي انو مزالني عذراء ...من 14 سنة ل 23 سنة باش يجي هاد نهار لي نرجع لدار وين سلبت برائتي ...وين اغتصبت بوحشية ..الخبر جاني صادم ..ماخممت لا كي نخلي دار لي تربيت فيها ما والو ...غير كنت خايفة من ردة فعلي كي نشوف المكان لي اغتصبت فيه ...حركت راسي يمين شمال ..نسيي نبعد الفكرة ..و كيما كل خطرة ...رحت عاودت توضيت ...و بقيت نصلي صلاة استخارة ...فالصلاة هي وحدها لي لقيت كي كنت في اكتئاب حاد ..و صدمة هديك .....مدايرة في راسي بلي ربي سبحانو مينساش عبدو و لي غلط يخلصو ..8 سنين قريت فيهم ..حققت احلامي ...و تحديت مخاوفي كامل ...و وصلت لوين حابة باذن ربي سبحانو ...الحاجة لي مقدرتش عليها برك هي حاجة وحدة ...و هي مزالني مش قادرة نحب اي رااااجل ...نشوفهم كامل كيف كيف ...
مش انا لولة لي رحت ضحية اغتصاب ...كاين بزااااف و بزاااااف ....كل يوم نطلب الغفران من ربي سبحانو مام علابالي بلي كان فورصي مش برضايتي ..و اغتصاب مش حاجة وحدوخرا .....
مقدرتش نرقد ...غير نغمض عينيا تجيني صورة العبد هداك كي دخل لاشومبر و غلق الباب وراه ...جيني صورة 💔الاغتصاب الوحشي تاعو ...صوتي كي كنت نعيط مزالو يجول في وذنيا ...اما شكون هو ؟؟؟من وين خرجلي ؟؟علاه ؟؟واش درتلو ؟؟شكونو ؟؟؟
قدرتش نرقد غير شويا سوايع ..نضت صباح شويا بكري...جبدت فاليزات تاوعي ...هييت صوالحي و انا غير نتفكر لوين رايحة تصيبني قشعيرة ..شكون يتقبلني أصلا ......اما واش انا بنتهم و وحدة منهم حبو و لا محبوش لازم يتقبلوني. علاجال خدمتي لازم نروح و نتقبل الفكرة ....كي وجدت صوالحي ...رحت دوشت ..منبعد رحت لاكوافوز قصيت شعري و سقمتو ...حابة نبدل شويا ...باش نسترجع قوتي 👹...رحت ودعت مرضى تاعي 😍....و رجعت للدار ..كليت ..و وجدت روحي باش نروحو ...اه شحااال صعيييبة ....

كي لحق الوقت ...خرجت بليفاليز تاوعي ..و ودعت كل بلاصة فدار ...منعرف شحال حا نغيب عليها ...لقيت بابا موجد روحو ...و يشرب قهوة في لكوزينة ...
بابا :حمد الله يبستيش راسك و طوليتش ..
سكتت باسكو يحوس برك وين يحشر نيفو في حوايجي باش يدابز معايا ...ياخي دوك راح يتهنا مني !!كون جيت صح عندي قيمة عندو كون داني معاه للسبيطار لي حا يروح ليه ...بصح واش نو ...بسبة لتم كاين أطباء من اختصاصي ..و في السبيطار لي شادو عمي مكانش ..خرطي ...هدا بابا ياك 💔💔....خلص شغلو وخرجت ركبت في طونوبيل ملور ..باسكو كان مع صاحبو ..يعني يوصلوني يتفاهمو مع عمي لي حا نخدم في سبياطرو ...و يعاودو يروحو ...حسيت روحي سلعة يوصلو فيا كي شغل يبيعوني و صاي ....بقفففف على زهري و على حياتي ....في طريق رقدت ...باسكو كانت طريق طويلة ...فقت في نص المشوار ...جبدت كيتمان و تفرجت فيلم ...حتى حسيت بريحة شجور و كامل تضرب ...ريحة هديك فكرتني بنهار لي جيت عندهم اول خطرة ...💔...ايه هوما عايشين في فيلا في منطقة كي شغل دشرة ..المعروفة عندنا بلبلاد 😍...حطيت تلفوني ...كي قالي بلي قريب نوصلو .. قلبي كان يخبط يخبط ..كي شغل كنت متحمسة نواجه كابوسي ....
شويا هكاك و نحس بابا بدا ينقص فلافيتاس ...فهمت بلي وصلنا ...طليت من طاقة لقيت نفس لفيلااا ....غير كاين شويا تغييرات ....زيرت على قبضت يدي باش نتشجع ...و هبطت انا و بابا ....مبعد زاد صاحبو ...ديراكصيو لامال..نحالي ليفاليز .....
و بقينا نستناو عمي يجي ..حتى نشوف في واحد هبط في دروج يحل الباب ...كان يبان كثر من بابا...فهمت بلي عمي ...
حل البورتاي هداك ...و خرج يسلم علينا ..بدا في بابا حضنو حضن كبيير ...تمنيت كون جا عندي خويا و لا ختي نعيش هديك اللحظة ...انا واش ندير مكتوب ربي ⁦☺️⁩⁦☺️⁩.... منبعد كي لحق لعندي ..كي شغل تردد باش يسلم ..قتلكم يعيفوني كامل ...منبعد تشجع ..سلم علي و مسح بيدو على ظهري ..
عمي (نضير ):عسلامتك بنتي عندنا ..واش راكي سافا ..
انا :ربي يعيشك عمو ..نقولو الحمد الله ...
بقا حاط يدو على ظهري ..و يهدر مع بابا ...تفاهمو علي و على اختصاصي ...باش يكملي الاجراءات ...كي جا بابا يروح ...💔صح واش يديرلي كامل 💔بصح وجعتني ..حكمتني الغصة تاع البكا ..جا يسلم عليا ..عنقتو ...هو وتشوكا كيفاش ...مهم مام مكانش حاب مهم درتها ..صح توجور يجرحني و ميحسش بيا ...بصح يبقا بويا ...
المهم راح و انا بقيت مع عمي ...
عمي :هيا بنتي تدخلي معايا ...
ابتاسمتلو بوجيعة ...شفت لفوق نشوف فشحال من ايتاج كاين ....عاونني فليفاليز ..و انا ديت لساكودو و فاليزة صغيرة برك ....
دخل هو اول منبعد تبعت انا ...رحناش من دروج رحنا من الساحة تاع دار ...كان بزاف يهبل بدلو كلش ...الهوا كان يطير في شعري ...دخلنا لصالو كبيييير...لقيت جدة و جدي يتفرجو فتيلي ...غير شافوني جات جدة ظهرها منحني تتقرب ليا .
جدة :عسلامة عسلامة ببنتي ...يااا جا نهار لي جات بنتي عندي ....
صيبت ليفاليز و رحت عندها عنقتها ...بكات شويا منبعد حبست ...رحت عند جدي لي سلمت عليه هو تاني ...ضحكو من شق لشق...فرحت كي شفتهم هكاك ..اما الغصة هديك تاع رجعت لدار لي تسلبت مني برائتي مزالت ....قعدت معاهم شويا و مع عمي سقسو عليا و كامل ....
عمي يضحك برك : عرفينا تراح بروحك 🌚
ياا حاي على زمان مايعرفوش مامبا اسمي ...
انا:اية ..عندي 23 سنة ...و الباقي تعرفوه هههه....
جدي :عسلامة عسلامة دار دارك بنتي ...شرفتينا و نورتينا ....
انا :عيشكم😆
كنت نهدر بواحد الحشمة 💔💔كي شغل راني مع عيباد مش من عائلتي مرة ...حسيت روحي بلي صح مش مليحة و وسختلهم سمعتهم ...كان الحوار هداك بيناتنا معمر بتردد و ستراس ...حتى شفت طفلة واقفة عند الباب ...ابتاسمتلي و دارتلي بيدها 👋كي شغل مترردة و خايفة ...
رجعتلها الابتسامة و درناها بيدي انا تاني هكا 👋👋👋..
خزرت عندهم 😆😆
انا :شكونها 😆😆
عمي :سرين بنتي ادخلي ...
انا :يااي عمو بنتك ؟
عمي :ايه بنتي ...سيرين جوزي . ..
دخلت بتررد...و قدمت عندي و انا نضت من بلاصتي ...قدمت عندها ابتاسمتلي ...و حضنتها ...منعبد سلمت عليها ...
سيرين و هي شادة مني من ذراعي :سافا حبيتي ؟
انا :و الله غير حمد الله
سيرين:عسلامتك عندنا ...
انا :عيشك حبيبتي ...
سيرين :ياخي نتي بنت عمي؟
فرحت كي قالتها عادي ..يعني تحسبني بنت عمها😆
انا :ايه 😆😆..
عمي :سيرين ...اديها ادا كاشما تاكل ...و مبعد اديها تريح روحها .. و لغدوا ربي يرحمها ...و تتعرف على العايلة كاملة ....
سيرين:اوك بابا ...
جيت نجبد فاليزاتي ..
عمي :خليهم برك غدوا نطلعوهم لشمبرتك كي توجد ..
انا :صحا صحيتي ..ندي برك بواش نبدل ...
جبدت فاليزا وين حطيت بيجاماتي ..و رحت مع سيرين ....