سادية الحب 🔥

كاميرا ...

كرونيك سادية الحب 🔥🔥.

العشية كي رجعو لدار ....جا كل واحد يروح لشمبرتو ....

حبست اية اسلام لي كان طالع لاشومبر تاعو. .
اية:ميرسي بوكو على الخرجة اسلام .اما من لي خرجنا و انا نخمم في حاجة حصلت فيها .....
اسلام :بلا مزية ...بصح واش كاين ؟
اية :نعرفش ....حابة ندير حاجة  و مقدرتش ...معرفتش كيفاه ...😞

هبط درجتين لي طلعهم و قدم ليها ....حط راسها بين يديه ...و بقا يشوف فيها ....
اسلام :شبيكي مينوشة ...واش كاين ..قولي ...هاه ني نسمع ...

اية : ياخي نتا تعرف في صوالح تصوير و كامل ...نقدر نطلب منك حاجة و ديرهالي ...
اسلام :هاه اهدري ...

اية : عندي كاميرا في بيرو وين نخدم ...تخدم بانترنت و بلوتوث و هي مربوطة للبيسي ...من لي بديت نخدم و انا نستخدم فيها احتياط ادا كاش واحد دخل لبيرو تاعي و سرقلي معلومات ...بصح جامي سييت نشوف واش تصور ...باسكو جاتني صعيبة ...معرفتش كيفاش نطلعها فلبيسي ...حابة نطلع واش صرا كي غبت فلاكلينيك ..حاولت قبيل بصح قدرتش ....

اسلام :تحشميش ...

اية :علاه ...😞
اسلام :لدوك باش تقولي ؟ عندك هدا كامل و هدرتيش ! مام منعرفش نحوس نتعلم و نعرف ...هيا مديهالي ...

اية:يااا تحكي صح ...تسما تقدر ...يااا قول و الله غير قابل

اسلام :🤦🤦واش قابل ..كيفاه مالا تجينا الفرصة نعرفو و لو طرف خيط و تقولي قابل....شبيكي و الله غير سيريو ....

اية :ديرش عليا ...القلقة سيطرت عليا ...أصلا ني نهدر برك ...قدرت تمشيها اللهم بارك قدرتش عادي ...
جبدها هكاك من راسها و حشرها في صدرو ....و يدو حاطها على راسها ...و يديها كانو مربعين على صدرو ...غلقت عينيها و بقات تشم في ريحتو و تستمتع بالحضن هداك ...مهتمتش مام كون يخرج كاش واحد يشوفهم ...علابالها برك بلي تحس روحها ماتقدر دير والو و تحتاج واحد يفهمها بلي تتزعم الشجاعة و قادرة على شقاها بصح لازم واحد  تسند عليه ....

جبدت روحها عليه ...شاف فيها ....اسلام :راكي عيانة و لا نن ؟

اية :عادي ..رقدت قبيل بزاف ...
اسلام :تمديلي بيسي تاعك ... و نزيد نجيب تاعي ...زيدي جيبي كاميرا ...نتلاقاو في تيراس ...نشوف ادا نقدر ندير حاجة ...

اية :دوك ؟؟ اسلام :هيه دوك مانا خاسرين والو ...
اية :هنووو خليها لغدوا كي تريح ...
دار حركة يدير كيما هي ...يعاندها ...اسلام :هنوووو واش هنووو هدي ....ديري واش قتلك و اسكتي ...العيا منعبد يروح أصلا منيش عيان ...شبعت راحة ....ازربي ...

اية :😁😁هههه اوك دوك نجي و ان شاء الله تقدر دير حاجة ....

كل واحد راح جاب صوالحو ...و الحماس لي شد اسلام كثر من اية ...اية كانت خايفة يقدرش يدير حاجة ...و باش تديها لكاش واحد احترافي تقدرش ...باسكو فيها صوالح تاع كي تهدر مع مرضى تاعها .... و هي أصلا كي تكون لداخل ....