سادية الحب 🔥

ملقيت واش نسمي 😁

مروان :يا ربي شحال توحشتك ....(بصوت متقطع ) سيرين و الله و الله و الله يا عمري مشي في يدي و الله ياخي قتلك ديجا ...اصبري معايا عيشك سيرين و الله كون تروحي عليا نهبل ...سيرين و الله مشي انا قتلك ديجا ...و الله يا سيرين انتي اغلى عبد عندي و من غيرك وحدة ما تدي بلاصتك ...أصلا تاع حكيتلك غير باش تامنيني و متكرهينيش ...فديت بعلاقتي و حبي بيك غير باش .......

قطعاتو سيرين و بعدت عليه شويا ...تشوف فيه بعيون لامعين بدموع ..و تهدر بغصة هديك تاع دموع و تحرك راسها ...

سيرين :هدرت معايا عطيك الصحة ..على الأقل مضلمتش الطفلة لي وقفت معايا و لي حسيتها ختي ...ربي يجازيك الف خير ..باسكو خليتني نخسرهاش ...اما انت دير واش تحب ...نقدرش نامنك هكا برك ....و ميرسي بوكو على وقفتك معايا سنين هدو الكل ...و انا مش لازم تقنعني أصلا انا شكون ؟ ....أصلا سيرين شكون باش تجي تقنعها ؟ ....صديق طفولتي كنت ...و منيرها ...اما دوك ابن عمة و فقط ....دير واش تحب و ربي يسهلك ....

شاف فيها يحرك في راسو يمين شمال ....
شدها من يدها جات تبعدو و تتحكم في روحها ...بصح زير عليها و قربها ليه ....و يهدر بكل قلقة من هدرتها ...

مروان :شوفي نقولك ...هدي تاع وليد عمتي برك نحيها من بالك ...هاني نقولك بلاااكي و تشوفي حياتك و الله مديريها ...وعدتك بلي حياتك تكمليها معايا تسما هكاك ...صح جامي نهار من لي كبرنا اعترفتلك بمشاعري ...و السبة هي انو معزتك علي خلاتني نتحكم في روحي باش منخسركش و منخسرش الصداقة لي بيناتنا ....و في بالي نشوف لحاجة وحدوخرا في بالي ...هي انو حياتي نكملها معاك

...جا نهار هدا جا فرصة خلي نفرغ كلش بلاك تفهمي ....افهميها ...(حط يدو لخرا على قلبو و يضرب ليه ضربات خفاف ...و يشوف فيها بعيون مركزين على عينيها )بلي بلاصتك راهي لهنا ..و حتى وحدة متديها ..يا ربي كيفاش جامي مشيت مع وحدة و لا حتى درت علاقة صداقة معاها ...غير باسكو ديتيلي عقلي ...و لي نشوفها متعمرليش عينيا ...كيفاش تتقبلي فكرة انو تقرب من اية ؟ زيد كون حبيت نتقرب مش معاكم في دار وحدة ...نخلي وقت لي ما  يكون فيه حتى واحد في دار ...سيرين ...علابالي مش حا تامني ...و علابالي تعاني من صراعات تامنيني و لا نن ...واش وعدتك كي كنا صغار ؟ ياخي وعدتك انو لعبة لي نلعبوها تاع عريس و عروسة يجي يوم نحققوها ...و الله نديرها بصح مش دوك ...سيرين مكنتش حاب نهدر معاك الهدرة هدي ...كنا في علاقة تاع عينينا هوما لي يعبرو ...و حافظنا على القدر و الاحترام لي بيناتنا ...بصح اسمحيلي اليوم نقولك نحبك نحبك نحبك ....و مش حب تاع بنت خالي ....نحبك حب تاع بنت خالي ...حب تاع صديقة طفولتي ...حب تاع وحدة داتلي قلبي و تعرشت عليه ....ديري في بالك انو لي درتو مش علاجالي و الله ...كاين دافع كيما قتلك الخطرة لي فاتت ....واش هو و الله منعرف ...جدي طلب مني سيرين و الله جدي ...علاه و الله و الله و الله منعرف ....وعدتيني متقولي لحتى واحد ...انا حبيتش تعاني و تحسبي خدعتك صيبورصا جيت نشوفك ....انا دوك راني ندير تدريبات في موسسة خاصة و متقولي لحتى واحد ...سيرين بابا و يما و مسقسيتش عليهم ..و مرحتش نشوفهم ....جيت ليك باسكو علابالي دعاء الولية صعيب ...اسمحيلي سيرين ...و الله نحبك و جامي تجيني فكرة نخدعك ..علابالي خطرة لي فاتت فتلفون زدت الطين بلة ....بصح هكا دوك كي جيت نشوفك نحيت على وحشة هديك شويا .....فديت بحبي اخلاصي ليك غير علاجال جدي ....