#خطايا حواء
بقلم زهراء الميالي 💕
#الحلقه الرابعه
جنت نايمه كعدت على صوت عياط بالبيت ... كمت بسرعه طلعت من الغرفه لكيت ابوي جاي .... ويتعارك هو وامي
صحت بيهم
اووو يعني انتو متعرفون بشر نايم شبيكم من الصبح
- لج بت الكلب عليمن تصيحين
تجاهلته ورحت غسلت وخليتهم .... عادي مو اول مره يتعاركون هذا الشي روتيني كلما يرجع ابوي مخلص فلوس وخاسر بالقمار يجي يريد فلوس ويتعارك وي امي
احنه عايشين على راتب الرعايه الاجتماعيه وابوي من يستلمهه ياخذ اكثر من نصهه اله والربع النه..... وامي مرات تشتغل دلاله وتبيع شغلات فتحصل فلوس .... واني معتمده على نفسي واقط بالناس ... و ممشين امورنه هيج
رحت سويت ريوك وكعدت اتريك وهمه بعدهم على عياطهم .... اخر شي شفت ابوي ماخذ تليفون امي بيده وطالع
وامي وراه تعيط
- الله لا ينطييك ياطايح الحظ الله ينتقم منك ... فتحت ثوبهه وصاحت ربيي لوري ويدعمه ان شاء الله ومايبقاله ذكر
كتلهه
- ها شخذ منج هالمره
- اخذ تليفوني الساقد ابو القمار ... يضيع فلوسه عالقمار وانوب يجي يبيع بغراضنه
- يله قابل اول مره .... كمت غسلت اديه ورجعت الغرفتي
شسويلهم وعلى اساس هي عدهه بس هذا التليفون عدهه ثنين غيره ...
اخذت تليفوني وراسلت رافد كتبتله
مساء الخير
شونك رافد ....رد
منو انتي
اني عطور وهذا حسابي الثاني .... بسرعه رد
- انتي شنو شرايده مني وشكو تحومين عليه
مرايده شي بس حابه نبقى اصدقاء بالفيس
وشنو تستفادين
هيج.... لي غايه في نفسي
-؟ مدام بيهه غايه فراح احضرج
-؟ عادي اجيك من غير حساب واذا تريد حتى من حساب ولد
شافهه ومارد .... بس ماحضرني ......نعم وهو المطلوب
شافهن ومارد الثكيل .... اني هم تركته ورحت حاجيت آدم شفته نشط كتبتله
زين من رديت عيوني
هو بسرعه جاوب
وي منوو جنتيي تحجين البارحه
اشو جاي تتعارك هاي ابدال ماتسالني عن احوالي وليش ماراسلتك
آسف بس حيل عصبتيني من غلقتي تليفونج وادزلج رسائل ماتردين ..... والبارحه نشطه وي مدري منو تحجين
VOUS LISEZ
خطايا حواء
Roman d'amourروايه تحكي عن فتاه عانت من اهمال الوالدين في صغرها ... مما ادى الى إرتكابها ألعديد من الخطايا التي لا تغتفر في شبابها... متناسيه أن لكل ذنب عقاب ولو طال الزمن 🖤 #خطايا حواء 🖤 [قصه حقيقيه] بقلم ..ليليان احمد 💕
