#خطايا حواء
بقلم،،،،،ليليان أحمد 💕
#الحلقه –26
فزيت من نومي بسرعه وكتله
شنووو...يا حجي
حجي رضا ......
فتحت عيوني وطفرت بسرعه من مكاني ... وكفت مرتبكه بعدين التفتت على كريم وكتله
روح...روح بسرعه اكعد يمه كله هسه اجي
راح هو واني بقيت افتر شويه بمكاني واني متوتره وفرحانه بنفس الوقت لان صار الي اريده
رحت بسرعه بدلت ملابسي لبست دشداشه سوده ضيكه شويع ورتبت نفسي...وخليت مكياج خفيف وطلعت
دخلت للاستقبال لكيته كاعد هو والحجيه ام كريم وكريم....
دخلت سلمت
السلام عليكم .... ورحت كعدن يم الحجيه
هو رد عليه بدون مايرفع راسه
كعدت وهو بقه ساكت شويه ويفر بسبحته...بعدين كال
الله بالخير يابه
الحجيه ردت عليه
الله بالخير والعافيه حجي.... بس اني محجيت شي
عاد هو كال
ام كريم اني اليوم جاي حتى اعتذر من اقاربكم .... عالشي السوته مرتي
انتي تعرفيني كلش زين اني حجي رضا المايوم طلع من بيته احد مضلوم لو متضايك
واني ماارضاهه على نفسي ان بتكم تطلع زعلانه وفوكاهه الغلط من عدنا... فالي اطلبه ان تقبل اعتذاري وترجع الشغلهه عادي
ام كريم : والله حجي هاي المشكله صارت بينكم وبينهه العطور والقرار يبقه الهه ترجع لا تبقه بكيفها
من كالت الحجيه هيج اني نفخت نفسي وعدلت كعدتي ههه
وهو وجه الكلام الي... كال
ها يابه شتكولين انتي؟
حجي اني صح ماشتغلت عدكم هواي...بس اعتقد بذني اليومين الي اشتغلت بيهن ماشفتو مني شي موزين واني اقسملك هسه عالقران ان اني ماسويت اي شي وزوجتك هي من وحدهه كامت تصيح وتتبله عليه
رد عليه
ماكو داعي تحلفين يابه...اني لو مامصدكج واعرفج مامسويتها ماجان اجيتج واعتذرت منج
اشكرك حجي لان مصدكني....لان انت ماتعرف شكد انقهرت لمن تهمتني زوجتك... حجيتهه وكمت امسح بدموعي
وهو كال
لا تبجين يابه والي صار احسبي عليه وهسه شتكولين ترجعين تشتغلين لو لا ؟
اني من حجه هيج بقيت صافنه ...اكول النفسي هذا شلون شافني بجيت وهو مدنك واصلا مشفته باوع الجهتي...ولو همه ذوله الزلم قابل يصعب عليهم شي ... من سألني كتله
YOU ARE READING
خطايا حواء
רומנטיקהروايه تحكي عن فتاه عانت من اهمال الوالدين في صغرها ... مما ادى الى إرتكابها ألعديد من الخطايا التي لا تغتفر في شبابها... متناسيه أن لكل ذنب عقاب ولو طال الزمن 🖤 #خطايا حواء 🖤 [قصه حقيقيه] بقلم ..ليليان احمد 💕
