#خطايا حواء
بقلم،،،،ليليان احمد 💕
#الحلقه -23
اول ماشفتهه تقدمت عليهه واني مامصدكه وحضنتهه واني مفرفحه بجي.......
هي حضنتني ووجهه مخطوف وبس تريد تعرف شبيه.... السايق كاللها
خطيه يمكن خافت لان من زمان احنه ندور عالبيت ومجاي نلكي... امي هزت راسهه وكالتله
اي يمكن..... والتفتت عليه وكالتلي
ادخي جوه يمه ادخلي.... مسحت دموعي وكلتلهه
اي بس انطي لسايق فلوسه ...هزت راسهه وهي تباوعلي بشك واني التفتت عالسايق
اتشكرت منه وانطيته فلوس.... بعدهه نزلت فرح من السياره وانطيتها لامي اخذتها ودخلتها جوه.....واني نزلت الجنط ودخلت للبيت
رديت الباب مال البيت وسديته من السركي ...التفتت وجان تجيني امي
شافت الجنط بيدي فتحت عيونهه وكالت
عزااا بعيني شنو ذني الجنط ولج
اني بقيت ساكته ودخلت جوه فتحت باب ... شفت فرح نايمه ...مبين هذا المكان استقبال ....بقيت واكفه
هي لحكتني وتصيح
ليشش ماتحجين شمصخممه ولج
عاد ذبيت الجنطه وكعدت واني مفرفحه بجي ...... هي اجت يمي وهزتني بخوف
احجي ولج شصاير وياج.....
ماكدرت اجاوبهه بقيت بس ابجي
ولج يمه احجي وفهمينيي شنووو سااالفتج
رفعت راسي الهه وكلتلهه
انهزمت من رياض..... وكمت ابجي بقوه
وهي بسرعه ضربت على خدوده... وصااحت
شلوون تسوين هيج ولج..... وليييش انهزمتييي
كلتلها
عامر الكلب ..ك..كالي انهزمي واني اتزوجج ..ومن انهزمت واجيته يكلي جنت اجذب عليج وطلع لا صيدلاني ولاعنده مطعم..... طلع واحد جذاب ويشتغل عامل بالمطعظ
حجيتوهي كامت تضرب بخدودهه وتفتر بالغرفه...وتصيح
انكتللتي يعطوور انكتلتييي وشلوون اخلصج ....
يا ما كتلج ييمه ووعيتج هذا الولد يجذب لا تخربين بيتج بس ماكوو... ماكووو ماسمعتيي من امج
حجتهه واجت عليه ملختني من شعرييي .... وتصيح
موووكتلججج مووو كتلججج عيفييي
تضرب بيه واني منهاره من البجي ومااكدر حتى ادافع عن نفسي
فزت فرح تبجي ...وامي ماكو مثل الفقدت وبعد ماتشوف شي بس لازمتني وتضرب بيه
YOU ARE READING
خطايا حواء
Romanceروايه تحكي عن فتاه عانت من اهمال الوالدين في صغرها ... مما ادى الى إرتكابها ألعديد من الخطايا التي لا تغتفر في شبابها... متناسيه أن لكل ذنب عقاب ولو طال الزمن 🖤 #خطايا حواء 🖤 [قصه حقيقيه] بقلم ..ليليان احمد 💕
