#خطايا حواء
بقلم،،،،،ليليان أحمد 💕
#الحلقه –25
جاي افتح الباب مال البيت واريد اطلع وجان يجيني صوت من وراي
التفتت الحجي يصيحني....
يوووليي.... اووكفيي يووول .....
وكفت وكتله
ها حجي رايد شي
اي يابه لاطلعين وحدج اني اوصلج
لا حجي مشكور ماكو داعي هذا البيت قريب
ميخالف يابه بس ميصير تمشين حرمه بطولج بهاليل لازم رجال وياج
تمام حجي الي تشوفه....حجيتهه وابتسمت
بس وين هو يشوف ابتسامه ضحكه اذا دومه منزل راسه مثل النعامه بالكاع
طلعنه من البيت وهو يمشي كدامي واني وراه ...... جانو اكو مجموعه شباب كدامنه واكفين وجاي يسولفون .... كال
بنيتي نزلي راسج ولا ترفعينه
اي...حجيتهه واني احجي وي نفسي اشو هذا ماخذ الدور زياده لطلعين وحدج ولترفعين راسج.... ويي وانت شخصك
مرينه من يم الشباب سلمو عليه وهو رد عليهم وهو ماشي
وصلنه للبيت..... كتله
اشكرك حجي تعبتك ويايه....رد
العفو يابه...يله ادخلي للبيت
دخلت وشفته بقه واكف لحد ماقفلت الباب..... بقيت اباوع من الثقب مال الباب شفته راح ..يمكن رجع البيته
نزعت الشال.....ودخلت للبيت وفكري كله مشغول بهالشايب هذا... عجبني اهتمامه وخوفه عليه حسبته فد شي حلو وجديد.عليه ...
دخلت جوه رحت الفروحه بوستهه.... وسلمت عالحجيه والجهال
صبيت العشه وكعدنا ناكل ..... كملنه كعدت وي الجهال شويه وبعدها كمنه اني والحجيه نسوي كيمر وروبه
كملنا بعدهه رحت نمت
كعدت بال6 كمت سبحت وبدلت لبست فستان قصير اسود تصير الردن مالته جوه العكس... وويا بنطرون اسود
لفيت الشال وشمرته من الجهتين وطلعت شويه من كذلتي
رشيت عطر وشلت الصينيه وطلعت ..... مريت عالبيوت ابيع واللي زادت بسبب شكلي.... تكول الحجيه جانت بس نص المنطقه تشتري هسه صارت المنطقه كلهه تشتري من عدنه وطبعا كل هذا بفضل شكلي الجذاب
وصلت البيت الحجي...دكيت الباب كالعاده طلعلي هو
صبحت عليه ودخلت جوه
انطيتهم الكيمر تريكو بي...... بعدها راحو الحجي ومرته الدواماتهم ....اللي ليهسه معرفتهه شنو... وراح ياكلني الفضول علما اعرفهه كلت خلي اسال امه اليوم واحاول اتقرب منهه
YOU ARE READING
خطايا حواء
Romanceروايه تحكي عن فتاه عانت من اهمال الوالدين في صغرها ... مما ادى الى إرتكابها ألعديد من الخطايا التي لا تغتفر في شبابها... متناسيه أن لكل ذنب عقاب ولو طال الزمن 🖤 #خطايا حواء 🖤 [قصه حقيقيه] بقلم ..ليليان احمد 💕
