#خطايا حواء
بقلم،،،،،،ليليان احمد 💕
#الحلقه -19
بقيت ملزمه بايده وابجي... بعدين حركو السديه واني فحطت من البجي
دخلوني بغرفه بيضه... اجت الممرضه...جانت جبيره ووجهه مابي ماي محمد
و وروحها بخشمها وتحجي بنتر
صاحت اثبتي خلي اضربج الابره.... اني من شفتها هيج شلون عصبيه وتخوف... خفت كمت ابجي بالزايد.... واصيح
مااريد اسوي العمليه... طلعووونييييي
صرخت وهي ضربتني الابره.... بقيت شويه كاعده واصيح
ماريد طلعونيي.... بعدها ماحسست بشي
فتحت عيوني....شفت ضوه وبياض ..ورجعت غمضتهن
كمت افاح وارجع اغمضهن... الى ان فتحتهن عدل... شفت نفسي بغرفه بيضه.....
حسيت بوجع....صحت
آااه.... بط..ني.... كلتهه وغمضت عيوني
حسيت خيال فوك راسي.... فتحت عيني سفت رياض... كتله
رياااض..... بطنييي
اتقرب عليه وباسني من راسي...وكال
سلامتج عمري ... الحمد الله على سلامتج انتي وطفلتنا
سمعت صوت صراخ طفل ....التفتت شفت امي شايله طفل
ابتسمت بوجع... وكلتلهه
هاي بنتيي
اي عمري هاي بتنا....
اشرتلهه تنطينياهه ...انطتنياهه شلتهه والفرحه ماسايعتني.... عيوني دمعت من الفرح... كمت اردد لا اراديا
الف الحمد لله والشكر يارب....الف الحمد الله من عشت هذا الاحساس
ساعدتني امي اكعد.... وعلمتني شلون ارضعهه....رضعتهه.وحبيبتي مبين عليهه جوعانه... ترضع من صدري بنهم
نباوعلهه شلون ترضع واني ورياض الدنيا ماسايعتنه من الفرح...ونضحك لا ارادي وعيونه مدمعه
شويه كملت رضاعه ونامت حبيبتي.... نيمتهه يمي... واباوعلهه واضحك....
بعدهه راح رياض يجيبلنه عشه .... وبقيت اني صافنه على الملاك الدخل الحياتي
شويه واجه رياض جايبلنه العشه.... حطت امي السفريات يمنه...واكلنه كلنه
كملنه عشه...بعدهه طلبت منهم يطلعوني لان ضجت كلش من جو المستشفى... راح رياض يسوي الاجرائات..وامي لمت غراضنه وطلعنه
طول الطريق.... الطفله جانت نايمه وهادئه.... امي تكول مبين طالعه على ابوهه مو عليج
لان انتي من صرتي بطريق رجعتي من المستشفى كلبتي السياره بالصراخ.... وحتى بالبيت جنتي مدوختنه بصراخج
YOU ARE READING
خطايا حواء
Romanceروايه تحكي عن فتاه عانت من اهمال الوالدين في صغرها ... مما ادى الى إرتكابها ألعديد من الخطايا التي لا تغتفر في شبابها... متناسيه أن لكل ذنب عقاب ولو طال الزمن 🖤 #خطايا حواء 🖤 [قصه حقيقيه] بقلم ..ليليان احمد 💕
