- عُمر البُعد ما أبعدك عن قلبِي والله،.
..
يكرر اسمه وبصوت مزعج عشان النايم يصحى :نجم،نجم،ننجمم؟
فتح عيونه نجم بخمول ومنزعج: اذا جلست ولقيتك بوجهي بتفقد ملامح وجهك
الي قاعد جنبه : يمعووددد قمت ارتجف شف شف يمه خايف
نجم جلس ويطالع بوجه صديقه اللي اول م جا هنا كان هو اول من
احتواه واول من حماه من التنمر كان نجم ضايع ومبعثر اول
م جا السجن الجديد فقد نفسه فقد روحه وضحكته
كل يوم عن يوم يحس نفسه انه ضايع اكثر من اليوم اللي قبله
بس بدا يستعيد نفسه بسبب خويه
بس اللي قدامه و يضحك زي الاهبل اعتبره نجم انه منقذه ..
تنهد نجم: طلول شعندك؟
طلال صديقه الكويتي عمره 28
طلال : يبونك
نجم فز :من هم؟
كان نجم كل يوم ينتظر معجزه ويقولون له في احد جا يزورك
م فقد امله للحظه ذي
طلال: مدري قالو عندك زياره
فتح عيونه ع وسعهم حس بغصه ووقف وطلع يركض من الزنزانه
وراح لقسم الزيارات ووقف وهو يشوفهم متجمعين ع طاوله
شافوه ووقفوا كلهم مره وحده كانو يطالعون بعض
بصدمه تقدم لهم وحضنهم وشهق شهقه حس بروحه تطلع
من وراها تكلم ايهم وفيه غصه بس يكابر: شفيه النونو يصيح
ارغد يصيح : نجممم اشتقت لك
تركي كان يحاول يخفي دموعه بس فشل وشافه نجم وحضنه بقوه وهو يشاهق
:مالكم داعي توكم تجوني
وترك تركي وراح لأارغد حضنه بقوه وهو للحين يصيحون
وكان الحراس كل شوي يقولون لهم وخر عن بعض ممنوع تطولون بالحضن بس محد حولهم
جلسوا وكانو يطالعون بعض بدون ما يتكلمون
نجم : وينه؟
ايهم ارتبك : كان وده يجي بس جته سفره مفاجئه
نجم لاحظ ارتباكه: ايهم اكثر واحد حافضك انا قولي وينه.
تركي تدخل : صدق مسافر شفيك ؟ وقال بيجيك بعدين لحاله
نجم ارتجف : متى؟
